लिउ ६
1
तिकि किसाला, थल्माला लापु ख्रिष्ट कि छिक् तिबाला ताङ्निते ओरुङ् खामु डप्ला याक् कि। कन्ज्यक् ला मोवा ताङ् स्याप् याक् तिबानेसुर सेम् ग्युर्वा किरुप् कि डाम्जि ग्याकुप् याक ओरुङ् याङ्लोङ् मिकि
2
तेमे बप्तिस्मा कि कला यान्देन डाम्जि, लाक्पा ज्याकुप् याक्, स्याप् मि तिबाला सेन्बु लोङुप् याक्, तेमे नाम्लाङ् च्युङ्ङु क्यानिते ठिम् कि डाम्जि ग्याकि।
3
कन्ज्क् कि किसा सासिन् ओरुङ् तिवा तेरिक् किउ।
4
चिला सिसिन्, खेप् च्यिक् कन्ज्यक् कि टाक् ङेनिते देवाचेन् कि ङेत्पा ङेनिते ल्हाबु तुला, थु चेङ्ङे ला हतुप् तिला, तिबि काला नाम्लाङ् च्युङ् मुथुबु यक् हिन्।
5
तेमे कन्ज्यक् कि सुङ् ल्यामु ताङ् हुङ्ङिन् किरुप् युक् कि ङार चाखे क्यान्। तिबि कला दि नाम्लाङ् म्याङ्ङु ताम् हिन।
6
तेमे लुम्नि गालुप् तिबाला याङ्लोङ् सेम् ग्युरबाला खुङ् मुथुपु। चिला सिसिन तिबिकि दाक्पि दिक्पि कला याङ्लोङ् कन्ज्यक् कि पुज्युङ्ला ग्याङ्सिङ्ला क्योङ् ज्यिक्यु, तेमे खोला तेरिक्कि दङ्ला ङछा लाङ्दे जेउ।
7
चिला सिसिन् सास्यि खाला ग्यापु छ्यार्बा दि ति सास्यि कि लाङ्ङु तेमे याक् किरुप् मि तिबाला सिनिते सास्यि खाला चाबा गोर्क्यु। ति सास्यिकि कन्जयक् नेसुर मलाम् ङेक्यु।
8
तेमे तिकि खाला चाङ् तिबा क्याज्यिक् गार्सिन् ति कोमेछेउ ति माता चाला ख्योल्ग्यु, तेमे त्यासुर तिला रेनिते क्युर्क्यु।
9
ङिरेकि दुक्यानिते, ताम् क्यासिराङ्, खिरे क्याबु ल्यामु लाका तिबिकि किसाला सेम् ल्यामु जोनिते हये। तेमे ति ताम् थार्वा कि कला हिन।
10
चिला सिसिन खिरेकि खोकि मिन् कि कला छ्यातेदुप् यक ताङ् च्याम्बाला ज्येतुप् कन्ज्क दिक्पा म्यातुप् हिन। चिला सिसिन् खिरेकि मोवा किरुप तिवाला सिनि यक् क्याबु हये तेमे हारोङ् साङ् तिबि यक् किताङ् हये।
11
तेमे ङिराङ् आला सेम् किउ, खिराङ् तेरिक्कि दाक्पि मोवाकि कला तिराङ् तेरिक् रेत्पा बिन्।
12
तिकि किसा, खिराङ् छ्यारा माकि, तेमे मोवा ताङ् गुतेर नेसुर ठिम कि दाक्पु किरुप तिबा दगे कि।
13
चिला सिसिन्, कन्ज्यक् कि अब्राहाम ला दाक्पि ना.क्योलुप् तुज्येला खो सिना छ्ये सुङ् मेता खरेराङ् ना क्याल्सुङ्।
14
हुतुङ्राङ् ङा ख्योरुङ्ला मालाम् तेरक्यु, तेमे ख्योरुङ्ला आला जेउ” सासुङ्।
15
तेमे तेर्क्यु साबु ताम् ङेसुङ्।
16
चिला सिसिन ज्यान् मितिबिकि दाक्पु सिना छ्यानेसुर ना केल्ग्यु, तेमे ना. तिकि तिङ्ला तिबाला तिबि खादाप्ला रिकु।
17
कन्ज्यक् कि दाक्पि ताम पोबु किताङ् ति सेङ्ङे क्यानिते छ्या देदुप्ला खिकि ना राङ् क्याल्सुङ्।
18
तिकि किसाला, दि पोमुतुपु ताम् ङि नेसुर खोकि दुक् क्यासुङ् ति नेसुर कन्ज्यकला जुनक् किरुप मुथूपु। ओरुङ्, ज्यान्ला रेतुप्ला डप्तिबा, अरे दङ्ला ज्याङ्नि विदुप् हुतुङ् साबु द्यानि जिबुप् ला आला सम्सो थुसित्।
19
ओरुङ् तानि अरे थु ल्यामु दासा ताङ् रेत्पा कि थूपु दासाला तिम्बुप् हये, तिनक् रेत्पा ति गोथाल कि नाङ्लाङ् स्युक् थुक्यु।
20
मल्किसेदक कि दासा दगे खो नाम्लाङ् कि छ्योने गेर्पु हिदुप् कि किसाला अरे गमु थु हिदाला येशु ओरुङ् सिना तङ्ला ति दासाला गाल्नि देतुप् हये।