लिउ ७
1
दिराङ मल्किसेदेक शालेमकि ग्यल्बु , तेरिकसिना तेङगि कन्ज्यककि क्षोने नक। अब्राहाम माक्नि ग्याल्नि ग्युरिन वतुप तुज्येला मल्किसेदेककि तिला ठेनि मलाम विन्सुङ ।
2
अब्राहामकि मल्किसेदेकला तेरिक काच्येकि दशांश बिन्सुङ । मल्किसेदेक मिनकि तेन्दक हिन, "दिक्पा मेदुपकि ग्याल्बु ।" तिकि राङ्सा कामा "शालेमकि ग्याल्बु हिन ।"
3
ख्यो पापा मेदुप् , मामा मेदुप् , पागावा मेदुप् , मिजिकि तङताङ तिङ मेदुप् मि हिन । तिसिनि , ख्यो कन्यककि पुज्युङ दगेराङ नाम्लाङकि क्षोने हुङुइ ।
4
ल्होसा दि चिनक क्षेबु मि नक । अरे पागावा अब्राहामकि तिला माक्ला ग्याल्नि खबु तेरिक काच्येकि दशांस बिन्सुङ ।
5
क्ष्याजिक्ला , लेबिकि पुज्युङतिवा कोङ्यार दासा ङेदु वे , तुवाला मितिवा मिन्सिन दाक्पि नुकतिवा नेसुर दशांस लाङ्गुप् का बिन्दुप् वे , हिन्सिनाङ तिवाङ अब्राहामकि गिपानेसुरराङ लेबु हिन ।
6
हिन्सिनाङ राङ्सा क्ष्यला , मल्किसेदेक सिकिदि गिपा नेसुर सुङ मिदुक , सिकि अब्राहामनेसुर तेरिक दशांस ङेसुङ , तिकि सुला का क्यालुप् नक तिला मलाम बिन्सुङ ।
7
मि क्ष्येकि बिन्दुप् मलामला टिक्पे मिकि मालाङगु सिनि सिरु खाङ किसाङ मेत् ।
8
दि तुज्येला श्येप मिकि दशांस लाङ्गु सिसिन , राङ्सा क्ष्यला तिकि मिङाला ति शेन्बा देक्यु सिनि दिकि क्ष्य देन्ग्यु ।
9
दिकि मिङाला सिसिन , अब्रहाम नेसुर दशांस ङेदुप् लेबिकिसाङ दशांस विन्सुङ ।
10
चिला सिसिन माल्किसेदेककि अब्राहामला ठेसिन लेबिकि दाक्पि पागावाकि अङ्बुला नक ।
11
दजोला लेबिकि क्ष्योने तेरिक च्युङगुप् हिन्सिन , हारुनकि दासा दगेराङ मिदा मल्किसेदेककि दासादगेराङ राङ्सा क्षोने चिला ज्यागु गोसुङ ?
12
चिला सिसिन जोला क्षोने जेक्युइ , तजोला ब्यबस्थाङ ज्येगोक्यु ।
13
चिला सिसिन मिराचिगि कला दि काच्ये तिवा सिक्याबुवै , ख्यो राङ्साराङ गिपाकि हिन , तिनेसुर सिकिङ् नाम्लाङ सोवा देप्सा दासाला लाका क्याबु मेत ।
14
तादि क्ष्या वे यहुदाकि गिपा नेसुर अरे कन्ज्यक केबु नक , हिन्सिनाङ क्षोने तिविकि खाला नाम्लाङ क्ष्या देदु मेत ।
15
हुतुङराङ मल्किसेदेक दगेराङ राङसा जप्तेला क्षोने लाङु सिसिन , अरेकि खाङ किइ वे ति थोङ्गुप् क्यानि वे ।
16
ख्यो अङ्बुकि पागावा तिवाकि दगेराङ क्षिने वबु मिनि, तिसिना ख्यो मिसिन्बु मिजिकि ङारला क्षोने च्युङ्सुङ ।
17
चिला सिसिन ख्योकि कला दिक्पा मेदुपकि दुक क्यानि किदुक तेर्क्युः"मल्किसेदेककि दासाला दगेराङ ख्योङ नाम्लाङ सिनि क्षोने हिन "।
18
लाका मेतेरुप् ताङ ख्योङबु मेदुपकि किसाला तङि का ना ताङ्गुप् वे ।
19
चिला सिसिन व्यवस्थाकि चिन्दिङ ताम्ला ल्यामु माजो । हिन्सिनाङ , ता हुङ्गुप् ङिमाला सिनि ङाडेन वे , ति नेसुर ति ओरुङ कन्ज्यककि चाला ख्योल थुक्यु ।
20
तेमे दि ना नेसुर च्युङ मिन । क्ष्यजिक्ला ति ज्येन मितिवा ना मेदाराङ क्ष्योने च्युङ्गुप् नक ।
21
राङ्सा क्ष्यला सिसिन , येशु ना मेदाराङ क्षोने च्युङ्सुङ , तिकि कलाला कन्ज्यककि दुक सिउइ , " चावा कन्ज्यककि ना क्यालुप् वे , ख्योकि दाक्पि सेम मुग्युरुई , ख्योङ नाम्लाङकि क्षोने च्युङ्गुउइ । "
22
ति नेसुर येसुला हुतुङकि थेन्बि ना बिन्दुप वे ।
23
राङसा क्ष्यला , आला क्षोने तिवा च्युङसिनाङ शेत्पाकि किसाला तिवाला क्षोनेकि लाका क्याक्याबा कि माच्यि ।
24
हिन्सिनाङ राङ्सा क्यला सिसिन , येशुतानि नाम्लाङ मिसिन्बु क्षोनेकि चिक दासा वतुपकि किसाला येशु नाम्ला लुक्यु ।
25
दुक क्यानि येशुनेसुर कन्ज्यककि चाला हुङ्गुप् मि तिवाला थार्वा तेरुप् सिसिन तिवाला गङ्बा श्यप सिनि नाम्लाङ सेन्बु वे ।
26
चिला सिसिन दुक्राङ क्यानि क्षोने गेर्पु ओरुङ्ला सिनि डिकुप् वे । ख्यो दिक्पा मेतुप् नवेः ङेवा मेतुप् , चेङि दिक्पा तिविकि ला टालुप् नाम सिना थेन्बु वे ।
27
क्षोने गेर्पुकि दगे तङ्ला दाक्पि दिक्पाला सिनि , तितिङ्ला मितिविकि दिक्पाला सिनि ख्योकि ङिमिटाङ जिन्बा तेर मोगोउइ । दजोला ख्योकि दाक्पुलाराङ च्याक बिन्सुङ , तजोला ख्योकि दि खेप्तङ्मा नाम्लाङ सिनि क्यासुङ ।
28
व्यवस्थाकि मितिवाला क्षोने गेर्पुला काताङुकि किसाला तिकि मुथुबु च्युङ्गुप नक । ख्यो व्यवस्था तिङला लेपुप् नाकि सुङकि काताङ्गुपकि किसाला ख्योला नाम्लाङ सिनि ङेवा मेतुप् जोबु वे ।