लिउ ४
1
ज्यिन्दाक तिवा दाल्जि योक्पु तिवाला चिन्दि तामदि लेनु हिन तिराङ बुन । खिरेकि दि श्येक्यु खीरेकि जिन्दाक देवाचनला वे।
2
(द्रिडतापुर्बक ) नाम्लाङ सवां किइ देत । थुचिछेतानि सोवा दोप ।
3
चिला सिसिन ओरुङ्ला तुज्येकि सोवा तेगा कन्ज्यककि दाक्पि बाबु हुतुङकि सुङ तिवा पेनि तेर थुसित दि सुङकिराङ किसाला ङा टाबु वे ।
4
च्युक क्यानि ङेकि ताम कि गोबु हिन , तुकराङ क्यानि हाक कोदु क्यानि सि थुसित सिनि सोवा तोप ।
5
फिकि तिवातानि च्याङ्से लाका किइ दोङ तेमे खिरे तुज्येला च्याङसे थतोङ ।
6
खिरे सुङ नाम्लाङ काटिन तानि लुसित । खिराङ छा थनि छाटक जोबु दगे मिन , चिन्दिङ मितिवाला च्युक क्यानि कालेन कि गोबु हिन सिनि खिरेकि सेसा ।
7
तुखिकसकि ङेकि कला तेरिक काच्या सिउइ । खिराङतानि ङे ङिङ्ज्येबु नुक्तिवा चावा कन्ज्यकला मोवा वतुप लाका किरुप हिन ।
8
ति लाका किरुप सिनि ङेकि तिला खिरे चाला ताङिन चिला सिसिन खिरेकि ङेरे ग्यालुप कला हाक कोसित खिरेकि सेम्ला सेम्सो कि थुसित सिनि ।
9
खिरे नाङ्ला मोवा ङिङ्ज्येबु नुक ओनेसिमसतानि ङेकि तिला खीरेचाला ताङु हिन । तिकि दगे वतुप तरि काच्ये तिवा खिराङ्ला सिउइ ।
10
ङा तानि गबु दाल्जा उरिस्तार्खसकि खिराङला दाक्पि ताङु वे , वारनावासकिदिङ मर्कुसकिदिङ (अभिबादन ) वे । सिकि ठक्ला खिरेकि का ङेनि सिदु वे । हुतुङ ति खीरे चाला लेप्सिन खीरेकि गासो श्युसा ।
11
तेमे युस्तस सिरु यसुकि साङ खीराङला ताङु वे । कन्ज्यककि ग्यालखापकि चेताङ क्याबुकि दाल्जा दि क्याजिक हिन । तिवा दि ङेकि सेम्सोकि दाल्जा च्युङु वे ।
12
इपाफ्रासकि खिराङ्ला गासो क्याबु वे । दिङ तिवि नाङिकिदिराङ मिच्यिक चावा कि लाका किरु मि हिन । दि खिराङ्ला सवा देपुपला नाम्लाङ लाका किउइ , चिला सिसिन कन्ज्यककि नावा दगेराङ खिराङ तिरिक हुतुङकि सेम किइ लाङ थुवा ।
13
दि काच्येला ङा तिकि (साक्षि) च्युङु वे , चिलासिसिन ति खिरेकि ठक्ला , लाउडिकियाकि तिकि (खातिर) क्योङ्बु लाका किउइ ।
14
ङिङ्ज्येबु (चिकित्सक ) लुका ताङ डेमासकि खिराङ्ला गासो टुङु वे ।
15
लाउडिकिया ला वतु नुक्तिवा ताङ नुफासर ताङ तिकि खाङ्बाला वतुप्ति क्ष्योक्षोककि गासो कि ।
16
खिरे पार्ला ति ले रासिमा लाउडिकियाकि क्षोछोक्ला रकुप तेमे लाउडिकिया नेसुर लेबु लेननाङ खिरेकि रसा ।
17
अर्खीप्पसला सिसा खिरेकि कन्ज्यकला ङेदु लाका तिवाला क्योलुप नावा ला नासाम तोङ ।
18
दि गासोकि लेन ङा पावल दाक्पि लाक्पा थनिराङ टिबु हिन । ङे च्याताक तिवाला नासाम ज्यक । खिराङ्ला काटिन वे ।