लिउ ३
1
तजोला कन्ज्यककि खिराङ्ला चावा तानि लाङु वसिन ख्योकि ताम तिवा छोला । कनि चावा कन्ज्यककि याबा लाक्पो क्ष्यला देदु वे ।
2
योकि ताम तिवाला नासाम तोङ , जाम्बुलिङ ताम तिवाला सेम माक्यि ।
3
चिला सिसिन खिराङ श्येप वे, खिरे मिकि कन्ज्यक तानराङ बानि वे ।
4
तजोला चावा थोङुतिराङ हिन तजोला खिराङ ङाङ सवांला क्ष्यार्क्यु ।
5
तिकिकिसाल सेम मेचेङि , जाम्बुलिङकि तिवा मिन्सिन काला मेङेन्दुप मेलेवा लाका तिवा माकि चिला सिसिन दिवा कुला साङ देपुप तिवा हिन ।
6
दि ताम किरुप तिविकि गिपि पुज्युङ पुमि खाला दिनक ङेर्मा गिउइ ।
7
खिरेकि खेप्जिक तिनकराङ क्यानि युबु हिन ।
8
मेचेङि , स्याम्डेन लाका ङेर्मा, मिजेर, मेलेवा सेम ,ख्यरे खे नाङ्नेसुर थेदु मेलेवा मेचेङि ताम तिवा ता फेन्ला खिरेकि तोङगोक्यु ।
9
जेन तिवाला जुनाक माकि, चिलासिसिन खिरेकि यिङ्बा सेम तिवा दाङ किताङ तिवा ताङ्नि लेबु वे ।
10
खिरेकि सावा सेम तिवा जोनक क्यासिन कन्ज्यककि सेम दगेराङ येन्देन सावा जोबु वे ।
11
दि येन्देनला , सु ग्रिक , सु क्ष्युक्पु , सु ल्यामु मेतुप , सु येन्देन मेतुप , यक्पु , सु येन्देन चतुप , तजोला कन्ज्यकराङ तेरिक ताम्ला वे ।
12
तिकि किसाला कन्ज्यककि ङिङ्ज्येबु तिवा, दामु तिवा ङिङ्ज्ये लाङ्दे सेम तिवा , ज्यापु ङिङ्ज्ये च्याम्बा सेम तिवा धारण कि ।
13
मिराचिगि राङ्साला मिजेर माकि । राङ्सा मिला दाक्पि च्याम्बा कि दजोला मिराचिगि राङ्सा मिराचिगि खाला च्युप्तेर क्यासिन ताङ्देन बिन । कन्ज्यककि ख्योरुङ्ला ताङ बिदु दगेराङ ख्यरेकिङ ताङ बिन ।
14
दि तेरिक ताम तिविकि खाला च्याम्बाकि चिन्दि (पर्णता) कि (बन्दन) हिन ।
15
खिरे सेम्ला चावाकि सेम येङकि ग्यालखाप हुङ्सित । खीराङ्ला सेम येङि किरुपला खिराङला जुबु चिक्ला काताङु हिन ।
16
खिरे मिजिला कन्ज्यककि सुङ आला वसित । तेरिक रिक्पाकि राङ्सा मितिवाला (भजन ) (अर्ति )ताङ सेम्गि लुतिवि मितिवाला येन्देन बिन । खिरेकि सेम्ला कन्ज्यकला थुचिछेकि लुतिवा ल ।
17
खिरेकि किरु तेरिक सुङ्ताङ लाका तिवा कन्ज्यककि मिन्ला कि । कन्ज्यकला थार्वा नेसुर थुचिछे बिन ।
18
पेर्मि तिवा ख्यकि कला देत चिन काच्ये कन्ज्यककि मिङााल ल्यामु वे ।
19
ख्य तिवा दाक्पि पेर्मिला ङिङ्ज्ये कि पेर्मि खाला सेम क्योङ्बु माकि ।
20
पुज्युङ पुम तिवा तेरिक पापा मामि कला ङेन चिला सिसिन दि काच्ये तिविकि कन्ज्यकला गालोङुइ ।
21
पापा मामा तिवा दाक्पि पुज्युङ पुमला ङेर्मा मालोङ चिला सिसिन तिकि किसाला तिविकि सेम रेमे गिउइ ।
22
यक्पु तिवा जुबुला ज्यिन्दाककि तिविकि सिक्याबु तेरिक कला देत्, मिला गालोङु सिनि क्याजिक मि मिङाला लेमु ज क्याजिक मिन सिक्याबु तिवा ङेनि ते लाका कि । कन्ज्यकला जिवा कि ।
23
खिरेकि काङ काङ किउइ ति मिला क्याबु दगे मिन कन्ज्यकला दाक्पि सेम नेसुर साङ कि ।
24
खिराङ श्येक्युइ, खिरेकि नेसुर छ्याक्तक ङेक्यु खिरेकि सिकि लाका किउइ तिदि चावा हिन ।
25
ङेवा वतुप दिक्पा किरुप तिविकि दिक्पा क्याबुकि किसाला (दण्ड) ङेक्यु तिला चिन्दिङ क्ष्य मेङेउइ ।