लिउ १
1
तङ्नेराङ वतुप् मिजिकि सुङ् ति अरेकि ङेनि वे अरेकि राङि मिगिराङ् थोङ्नि वे राङिराङ् ल्हानि वे राङि लाक्पि रेङ्नि वे।
2
ति मिजि छार्सुङ् तेमे अरेकि ति थोङ्सुङ तेमेम तिकि ताम ति लाप्क्यु तेमे तिवाला नाम्लाङ् मिसिन्बु मिजि लाप्क्यु ति दि पापा ताङ नक् तेमे ओरुङ्ला छ्यार्सुङ।
3
चुका ति अरेकि थोङ्नि ताङ् ङेनि वे तिदि ङेराङ् खिराङ्ला साङ श्येक्यु तेमे ङेराङ् ताङ खिरे छक्पा हुङ्सित् । तेमे हुतुङ्रङ छक्पा ति पापा ताङ खोकि पुज्युङ चावा येसु ताङ गिउइ।
4
खिराङ्ला लो दिम्सित् सिनि ङेराङ दि ताम तिवा खिराङ्ला टिगु।
5
ङेरेकि खो नेसुर् थोबु सुङ दिराङ हिन तेमे ङेराङ् खिराङ्ला श्येक्यु दि कन्ज्यककि ठा छ्यालि हिन् तिला दि चोजिगाङ नाक चुमि मेङुइ।
6
अरेकि खो ताङ छक्पा किउइ सिनि सिउ हिन्सिराङ नाक् चुबिला युसिन् क्यासिया ङेराङ् जुनाक ज्वप् तिवा दगेराङ गिउइ टेङ्मु लाम्ला मोडोउइ।
7
हिन्सिराङ खोकि ठाछ्यालिला वतुप् दगेराङ् ओरुङ्साङ ठाछ्यालिला युसिन् ङेराङ्ताङ खिराङ् छ्वकुप् किउइ खोकि पुज्युङ येसुकि ठागि थिवाकि अरे तेरिक दिक्पा ने ता जिक्यु।
8
ओरुङ्तानि दिक्पा मेत् सिनि सिक्यासिया राङि राङ राङ्ला जुनाक जेउइ तेमे ओरुङ् टेङ्बु मेङुउइ।
9
हिन्सिराङ ओरेकि राङि दिक्पा तिवा सेम्ला लासिन क्यासिन् अरे दिक्पा तिवा ताजितुप्ताङ् तेरिक् मेचेङि लाका ने चेङि ज्वप्ला खोति मोवा किरुप् ताङ दिक्पा मतुप् हिन्।
10
अरेकि दिक्पा माक्यावा वे सिनि सिसिया अरेकि खोला मेलेवा सिउइ खोकि सुङ् ति ओरुङ्तानि मेङुउइ ।