अध्याय ४
1
जहेमारे मिर भैया, मए तुमके माया करत हौँ, और तुमर चँहत हौ, तुम मिर आनन्द और मुकुट हौ । मिर प्रिय, अइसी प्रभुमे स्थिर रहौ|
2
मए इयोदिया और सुन्तुखेके प्रभुमे एक मनको होमए होबऔ कहिके आग्रहपुर्वक बिन्ती करत हौँ।
3
विश्वासी सहकर्मी, मए तुमके फिर अनुरोध करत हौ, कि जे बैयरनके मदत कर, काहेकी जे मिर संगसंगए सुसमाचारको काममे क्लेमेससंग और मिर और बाँकी सहकर्मीनसंग परिश्रम करी हएँ, जौनको नाउँ जीवनको पुस्तकमे हए जिवनकी किताबमे हएँ।
4
प्रभुमे रोज आनन्द कर मए फिर कहात हौ आनन्द कर ।
5
तुमर सहनशीलता सब आदमीके पता होबए । प्रभु ढिंगैँ हए ।
6
कोइ बात मे चिन्तित मत होबओ, पर सबए बातमे प्रार्थना और निवेदनसे धन्यवाद सहित तुमके बिन्ती परमेश्वरमे जाहेर होबए,
7
और समझ ना पानबे परमेश्वरको शान्ति तुमर हृदयमे और तुमर मनके येशूमे रक्षा हुइहए।
8
अन्तिममे भैया हो, जौन् बात सत्य हए, जौन् बात आदरणीय हए, जौन् बात न्यायसङ्गत हए, जौन् बात शुध्द हए, जौन् बात प्रेम-योग्य हए, जौन बात कृपामय हए, अगर कोइ श्रेष्ठता, प्रसंशाको योग्य कोइ हए कहेसे जे बातके विचार करओ ।
9
तुम जौन बात मोसे सिखे, और ग्रहण करे और सुने और मोके देखे, बहे करओ, और शान्तिको परमेश्वर तुमरसंग होबैगो ।
10
मए प्रभुमे गजब आनन्दित हौँ, कि अब गजब दिनपिच्छु मिर घेन तुमर वास्ता फिर उल्ही गओ हए । तुम नेहत्य मिर ताहिँ चिन्तित रहओ, पर तुमके मौका ना मिलो ।
11
जरुरि पाडो कहिके मए गुनासो नाकरोहौ, काहेकी जैसो परिस्थिति होएसे फिर मए बामे सन्तुष्ट रहान मए सिखो हौँ ।
12
कैसे झुकन और कैसे बढन् मए जान्त हौँ । परिपूर्णतामे होए या भूकप्यासमे होए, प्रश्स्तामे होए या अभाबमे होए, सब गुप्तमे सन्तुष्ट रहन मए सिखो हौ ।
13
जुन मोके शक्ति देतहए, बामे मए सब बात करन् सकत हौँ ।
14
ताहुँ फिर मिर कष्टमे तुम सहभागी भए, जा अच्छो करे ।
15
तुम् फिलिप्पी अपने फिर जान्त हौँ, कि सुसमाचारके सुरुमे मए माकेडोनियासे बिदा होत, देन और लेन काममे, तुमर बाहेक कोइ मण्डलीको सहाभागी मिर् संग ना भव रहए, ।
16
काहेकी थेसलोनेकेमे फिर तुम मोके एक चोटीसे जद्धि मिर ताहिँ सहयोग पठाए ।
17
मए भेटी ना ढुंडो हौ, पर मए त तुमरमे अइसो फलको आशा करत हौ, जो तुम्री हिसाबमे जम्मा होतजाए ।
18
मए पानसे जद्धा पाओ हौँ । इपाफ्रोडीटसे पठाओ गव तुमर मिठो बास आओ, और परमेश्वरके मनपडन् बालो और ग्रहणयोग्य बलिदान पाएके मए पुरो भव हौँ ।
19
मिर परमेश्वर अपन महिमामे बाको सम्पति अनुसार तुमर सब खाँचो ख्रीष्ट येशूमे पूरा करदेबैगो ।
20
अब हमर परमेश्वर और पिताके सदामान महिमा होबए । आमेन |
21
ख्रीष्ट येशूमे सब सन्तके अभिवादन देबओ । मिर संग होनबारे भैया तुमके अभिवादन पठाई हँए ।
22
सब सन्त और खास करके कैसरके घरानाके तुमके अभिवादन पठइँ हँए ।
23
प्रभु येशू ख्रीष्टको अनुग्रह तुमर आत्मा संग होबए ।