अध्याय ३
1
अन्तमे भैयओ, प्रभुमे आनन्दित होबओ । तुमके जहे बात लिखिरहन मोके झन्झाट ना लगात हए, और बा तुमरे सुरक्षाके ताहिँ हए ।
2
कुत्तासे होशियार बैठओ, खराब काम करनबारेनसे होशियार बैठओ । अंग-कटाई करनबारेनसे होशियार बैठओ ।
3
काहेकी परमेश्वरके आत्मामे पुजनो और ख्रीष्ट येशूमे गर्व और शरीरमे भरोसा ना धरनबारे नेहत्य खतना हम हए ।
4
अगर मए अपनएके त शरीरमे भरोसा करनको कारण हए । कोइ आदमीको शरीरमे भरोसाकरनको कारण हए कहिसे, मिर त और जद्धा कारण हए ।
5
आठौ दिनमे मिर खतना भव हए । मए इस्राएल जातिको, बेन्यामीन कुलको हौ, हिब्रूको फिर हिब्रू, व्यवस्थाके बारेमे हए कहेसे एक फरिसी,
6
मए जोशमे मण्डलीके सताओ , धार्मिकताके बारेमे हए तव व्यवस्था भव धार्मिकता बमोजिम निष्खोट ठहिरे हौ ।
7
पर जित्तो बात मिर ताहिँ लाभदायक रहए, बे त् मए ख्रीष्टके ताहिँ बेकार मानो।
8
नेहत्यए,मिर प्रभु ख्रीष्ट येशूको ज्ञानको बाड़ो करण अब मए सबए बातके खराबी सम्झत हौँ ।बाको ताहीँ मए सबए बात छोड़ो हौँ ।मए जे बातके काम ना लगन बारे मनत हौँ ताकि मए ख्रीष्टके पाए सकौँ ।
9
और बामे खाड़ा हुइ सकौँ । मए व्यवास्थसे अपने पव भौ धार्मीकता मोएँमे ना हए ।बरु ख्रीष्ट येशूमे विश्वाससे पाव भौ धार्मीकता मिरसंग हए , जौन धार्मीकता विश्वासमे हुइके परमेश्वरसेमए पाव हौँ ।
10
मए बाके और बाको पुरुत्थानको शक्ति जान सिकओ, और बाको मृत्युमे बो जैसो हुइके बक दु:ख भोगमे सहभागी होन सिकओ।
11
सम्भव हए मरेसे मए पुनरुत्थान प्राप्त कर सिकओ ।
12
मए जा सब अग्गुसे प्राप्त करडरो हौ, अथबा मए अग्गुसे सिध्द हुइगव हौ करके त नाए, पर बे बातके पकणनके ताहिँ मए अग्गु बढिगव हौ जौन बातके ताहिँ ख्रीष्ट मोके पकणी !
13
भैया हो, मए जा सब पकण डारो हौ करके मए ना मानत हौ, पर मए एक काम करत हौँ, कि पिछुक बात भुलके और अग्गुक बात घेन जोणसे लम्कत हौँ
14
ख्रीष्ट येशूमे परमेश्वरको स्वर्गीय बोलावटमे पान बारो पुरस्कारके ताहिँ निशाना घेन मए जोणसे अग्गु बढत् हौँ ।
15
हम परिपक्क होनबारे चाहिँ सब अइसी मनके होबओ, और तुम कोइ बातमे औरे बिचारके हौ करके परमेश्वर तुमके बा फिर प्रकट करदे हए ।
16
केवल हम जो पाएगएँ हए, बामे पक्को हुइके बैठऔ ।
17
भैया रेव तुम मिर अनुसरण करन बारे होबओ हमरमे तुमर देखो भव नमुना अनुसार जिनबारेके देखओ ।
18
मए गजब चोटी बताए भए आदमीनके बारेमे फिर मए तुमके रुबात कहत हौँ कि बे ख्रीष्टको क्रुसके शत्रुन जैसो जीवन बितात हँ ए|
19
बिनास बिनको अन्त हए पेत बिनको इश्वर हए, और बे अपन सर्ममे गर्व करत हएँ, और बिनको मन संसारीक बातमे लगे रहत हएँ ।
20
पर हमर नागरिकता स्वर्गमे हए ।बाहुनासे आन बारो मुक्तीदाता ,अथवा प्रभु येशु ख्रीष्टको हम प्रतीक्षा करत हएँ ।
21
बा जौन शक्तिसे सबए बात कि बाको अधिनमे लान के सकहए,हमर हीन शरीरके अपनो महिमाको शरीर जैसो होनके ताहिँ परिवर्तन करदेहए।