अध्धाय 23
1
बे सबए दलके उठे, और बाके पिलातस ठिन लैगए ।
2
बे बाके उपर अइसो कहिके दोष लगान लागे, जा आदमी हमर देशके बहकात हम पाइगए । जा कैसरके कर तिरनसे रोकत है, अपनेके मै ख्रिष्ट, एक राजा हौ कहिके काहत है ।"
3
पिलातस बासे पुछी,’ का तै यहुदिक राजा है ? "येशु “जबाफ दैके कहि, तुमही अइसो काहत हौ ।
4
तव पिलातस मुख्य पुजारि और भिडसे कहि, मै जा आदमीमे कुछु दोष ना पाओ ।
5
तव बे बणे जोर दैके कही ,जा सारा यहुदिया और गालीलीसे जा ठाउँ तक शिक्षा देत आदमीके भडकात है ।"
6
तव पिलातस जा सुनके, जा आदमी गालीलीको है कि, कहिके पुछी ।
7
तव बा हेरोदको इलाकाको आदमी है, कहिके पता पएके पिलातस येशूके हेरोद ठिन पठाइदै ।
8
जब येशुके देखके हेरोद बेढम खुशी भौ । काहेकि बा बाके बारेमे सुनी रहए, बेढम दिनसे बाके देखन इच्छा करत रहए, और बा कुछ अछम्मो काम करो भौ देखन आशा करत रह ।
9
हेरोद येशूसे बेढम प्रश्न पुछी, और येशू बाके कुछू जवाफ ना दै ।
10
मुख पुजारी और शास्त्री ठाणके येशूके जोणतोणसे दोष लगान लागे ।
11
हेरोद अपन सिपैया सँग मिलके बासे घृणापुर्ण व्यवहार करी, और बाको गिल्ला करी। पिच्छु बाके अच्छो कपडा पहिदायके पिलातसठीन घुमाएके पठाए दै।
12
बहे दिन पिलातस और हेरोध दोनो आपसमे मित्र भए।काहेकि अग्गु बिनके बिचमे दुश्मनि रहै।
13
तव पिलातस मुख पुजारि शासक,और जनताके जमा करी।
14
बा बिनसे कहि,तुम आदमीके भणकान मारे जाके मिर अग्गु लाए। तुमारी अग्गु मय शोद पुछ करो, तुम इनके उपर लगाय भौ दोष मय ना पाओ।
15
१५ हेरोद फिर दोष ना पाई, कहिके बे जाके हमर ठिन घुमाइ दै। अब देखौ जा मृत्यु दण्ड पानको योग्या कुछु काम ना करी है।
16
जहेमारे मै जाके सजाए करके छोड देहौ।
17
त्युहारको उपलक्षमे बिनके ताही पिलातस एक जनी कैदीके छोडदेनपडत रहै।
18
बे सब एकसँग अइसो कहिके चिल्लाई ”जाके हमरीबिचसे हटाए देओ, और हमर ताही बारब्बाके छोड देबौ ।"
19
बारब्बा शहेरमे भव विद्रोह और हत्याको काण्डमे झेलमे थुनो भओ एक आदमी रहए ।
20
येशुके छोणन इच्छा करके पिलातस फिर उनके सम्झाइ ।
21
पर बे अइसो काहत चिल्लाइ बाके क्रुसमे टाँग देओ और बाके क्रुसमे टँगदेओ । "
22
तव बा तिस्रो चोटी बिनसे कही, "काहे , जा आदमी का खराब करी हए ? मै त जाके मृत्यु दण्ड देन कोइ बजैए ना पाओ, जहेमारे मै जाके सजाय करके छोड देहौ ।"
23
तव बे बणो जोरसे चोल्लाई बाके क्रुसमे टँगन पणैगो, कहिके माग करन लागे ।बिनको चित्कार सफल भौ।
24
तव पिलातस बिनको मंग पुरा करदेन फैसला करी ।
25
पिलातस बारब्बाके छोडदई,जो विद्रोह और हत्या काण्डमे झेलमे पणो रहै बहेके छोड देओ कहिके बे माग करी रहै ,पर येशुके त बे बिनके इच्छामे सौप दै।
26
बे बाके बाहुनासे लैजात पेती, गाँउसे आनबारो शिमोन नाउँको कुरेनि निबासीके पकणी, और क्रुस बोकके बाके पिच्छु पिच्छु जान लगाई।
27
आदमीको बणो भिण बाके पिच्छु लागो, बा मे बैयर फिर रहै जो , बिलखात रहए और रोत रहै ।
28
तव बिनके घेन घुमके येशु कही, यरुसलेमके लौणीय , मिर ताहीं मत रोबओ, पर तुम अपन ताही और अपन लौणा-लौणीयाके ताही रोबओ ।
29
काहेकि बे दिन आन बारे है, जब आदमी काहामङ्गे धन्या बाँझी और गर्भधारन ना करन बारी कोख और दुध ना खबान बारी बैयर ।
30
तव बे पाहडसे काहामङ्गी हमर उपर गिर और डँगासे काहामङ्गी हमके तोप ।'
31
काहेकी बे ता, रुखा हरो होत जा काम करत है, तव सुक्खा होत का करङ्गे ?"
32
अब बे दुई अपराधीनके फिर बाके सँग मृत्यु दण्ड देन ताही लैगए रहए ।
33
जब बे खप्पेर कहिन बारो ठउँमे आए,तव हुँव बे बाके क्रुसमे टाँगी,और बे अपराधी मैसे एक आदमीके दहीना घेन और दुसरेके दिब्रा घेन क्रुसमे टाँगी ।
34
तव येशु कही, "हे पिता, यिनके क्षमा करीए, काहेकि जे का करत है सो ना जानत है ।" तव बे बाको कपणाको चिट्टा डारी ।
35
आदमी ठाणके देखत रहै , शासक बासे ठट्टा करत कहि, " जा परमेश्वरको ख्रिष्ट हए कहिसे जा औरनके बचाई औ अब अपनेके बचाबै ।"
36
सिपाहि फिर आएके बाके सीर्का देत अइसो कहिके अपमान करिइँ,
37
तए यहुदिक राजा है कहेसेत अपने आपके बचा ।
38
जा यहुदिनको राजा है " करके दोष-पत्र बाके फिर उपर रहए ।
39
क्रुसमे टँगो अपराधि मैसे एक जनी अपराधि बाके अपमान करत कही, " का तुम ख्रीष्ट ना हौ, तुम अपनेके और हमके बचाओ ।"
40
तव बा के ढाँटके दुसरो कहि , "तय फिर दण्डमे पणो है, तहु फिर परमेश्वरको डर ना मानत है ?
41
हमर दण्ड त न्यायसे है, काहेकि हम त अपनो कामको ठिक फल भोग रहे है, पर जा आदमी ता कोइ गलत काम ना करि हए ।"
42
तव बा हकि , हे येशु तुम अपने राज्यमे आबौ तव मेके सम्झीयौ ।
43
बा बासे कहि सच्ची मै तुम से काहत हौ, आजै तुम मिर सँग स्वर्ग लोकमे हुइ हओ ।
44
लगभग दुपाहरको बाह्र बजे रहै, और तीन बजे तक सारे देशमे अन्धकारसे ढाग गओ ।
45
दिनको तेज कम हुइगौ, और मन्दीरको पर्दा बिचसे फटके दुई भाग हुइगौ ।
46
येशू बणो जोरसे चिल्लाइके कहि, “हे पिता मै मेरो आत्मा तुमारे हातमे सौपत हओ । यितकै कहिके बा अपने प्रान त्याग दै ।"
47
जा सब देख के कप्तान अइसो काहत परमेश्वरको महिमा करी ,निहत्य जा धर्मी आदमी रहए ।"
48
जा ठाउँमे आएभए सबए भिड हुआपर भओ घटना देख्के बे अपनी छाती पिटतए घुमगए ।
49
तव बक चिनाजान और गालीलसे बाके पिच्छु आनबारे बैयरए दुरसे ठाणंके जा घटना देखी रहै ।
50
योसेफ नाउँ भव एक जनी अच्छो आदमी रहए ।बा माहा सभामको सदस्य फिर रहए ।
51
बा बिनके सल्लाह और कर्यमे सहमति ना दै रहए । बा यहुदीनको अरिमाथीया शहरको आदमी रहए । बा परमेश्वरको राज्यको डगर देखत रहए ।
52
जे आदमी पिलातस ठिन जाएके येशुको लास मागी ।
53
बा को लास तरे उतारके मलमलको कपडामे लपेटके,और चट्टानमे ढोडर बनाएके एक चौरामे धरी, जहँ कबहु कोइके ना धरि रहै ।
54
बा तयारीको दिन रहै, और शबाथ-दिन शुरु होन लागो रहए ।
55
गालीलसे बाके सँगमे आन बारि स्त्री पिच्छु पिच्छु गई , और बा मृत्युके गड्डामे येशूकोशरीरके कैसे धरिरहए,बाके देखिं ।
56
तव घुमके बे सुगन्धीत मलहिन और अत्तर तयार करके , तव व्यवस्थाके कहो जैसो शबाथमे बे विश्राम करी ।