¹ Na asabar ama woro, maryamu magadaliya na maryamu Pinu Yakubu na Salomi, ama kasheshe manug marentu kangya ma ka sokotya a nipum ni Yesu asuksa manikshi. ² Nikata nya asabar akatuk kazoni ka kusati aworoni akushek a macira mangari. ³ Asu berbene kaci ayeni anagu,''wan ida gongoryedi katari kanna agusan karong ka kushek kumi?'' ⁴ Na mazabpa mayizhi ayeni, ama Yita amang gongorya kutari kumi. ⁵ Na maringyi kushek kumi amayita kadong kasambi kagyazhi ade makusu mabok azomi akacara karye, Kasasa kapuru Yeni. ⁶ Igu yeni, zupotin usahd, Igbene Yesui piyunazarat, unna ama giciye. Iman coko! Izayimi. Yitin katina ama nomokyayi. ⁷ Jharin, akabarya Almagirai ayi na Bitrus, 'agu iman zonzoyeni makana ugalili. Kuri na idama ka yitayi, kenna Imabarini.''' ⁸ Amacira aciri ungyon kushek ausum, asu zara na kasasa, banagu pidong akadamma ayi usahd uputtunu Yeni. ⁹ Nikata ni katuk kazoni, Ima ciddayi aya jhas ayi kushere. ¹⁰ Ima woroyi akabarya ayana Yenayi nayi aya ugongono. ¹¹ Ama potya agu icokon Yi iyitayi, Yeni ana dumyeni. ¹² Na mummu muma woro, ima vergena nici niyi audong ujina adong ayaba amasu jara aujina. ¹³ Amakabarya kudeze kwalimajirai, agabani madumi ¹⁴ Maworo makadong kapa nacin Yesu ima vergena nici niyi kalimajirai ayi pituru akade, agyanga yeni amaza dumya na poti agu iman coko. ¹⁵ Iguyeni agu ''worinni unyong uya abasha abere anan konki, ¹⁶ Piyi sheri Kashiri ayishayi ubaftisma, Izuga magaska, piyi dumunyi idamake. ¹⁷ Aya dumun adama yita ukusu da ma wanzagana, unyong nizagi ninang na yena da ciddaza ayajas, aberbene anarem a passa. ¹⁸ Adama zhiza iyogo aiciriyeni, kikwana kida dene kini yeni kadamna, adama tash sha ayaza gassa icara anaci yenazuga magarga.'' ¹⁹ Na kashri kama duru abere na yeni, atazhiyi makanuzo katinidama zomo akacara karye ka Kashiri. ²⁰ Limajirai niyi nima soto konki asu bashya abere akashiri. Kashiri ka matumzana na yeni, asu tabbatar na aberayi autum al'ajibi na yeni.