¹ Ma Firistoci ma gbakazyi mama kunukura na mamalamai aparya ni yacibru ma ya majalisa ama shishi Yeshi, zondi kazono makanu Bilatus. ² Bilatus ima ribi, "pu pigomu Yahudawa?" Yeshi gu, "kene na piku" ³ Uzargi ibaktazyi na ma dishayi. ⁴ "Pizabu ukusu mabari?" Bilatus kene, "mingya uzargi umuru na disha bu." ⁵ Yeshi ma pa beriMuma doyi kasasa. ⁶ Akapa ku idi ayashillaci a kudo, ana barya Bilatuzyi piyami na yeni amani magu acidda. Adong ayo ka gben kapijiku akacina ana karkya piyar na aya na wunza ayashillaci, ⁷ pidong na ana yesa yi agu Barrabas. ⁸ Aya shillaci ama wanu Bilatus iden yani kene na imaru mina amadishi. ⁹ "Imani magu mbiskini pigomu Yahudawa?" ¹⁰ Imagu kene ayogu ma Firistoci mama dakarya yi abara na yeni ama pok manigi mayi. ¹¹ Mafiristoci mami mama ciptanzya ayashillaci, yeni ama dishigum. Abiski yeni Barrabas, kuta ku Yesu. ¹² Bilatus imagurumi aribi yeni, "nni nan dama dene na pigomu Yahudawa?" ¹³ Asada shere nai gum "a giciyeyi." ¹⁴ Bilatus iriba yene, iyan iyi ibang iyi. Asada pirigum, "a giciyeyi." ¹⁵ Bilatus ima mani ma bokonya yeni ma sugu, ima biskya yeni Barrabas, a kpayillazya Yeshi, ashi do yene Yeshi agu agiciye yi. ¹⁶ Nsoja muzya yi a jaga unyong a konosha mataliya mansoja. ¹⁷ Adene yi makusu ma alkyabba ashen, adeneyi ka rawani ka masab. ¹⁸ A jamana yi a disha yi kabata, a tuganzya yi, asu kuma gu, "A sumazyi pigomu Yahudawa" ¹⁹ A kpapkayi arici aukulki a tubrya yi kitau an nyan, atuturga a dukshayi kicubru kikijam. ²⁰ Ama duru majamanayi, a cidda yi makusu mu shunnaiya, a gudduyi makusu mayi, a cidda yi uya maka giciye yi. ²¹ Ama su jara amana na pidong ana Yeshi agu Saminu Bakairawani wato cu Alizanda a Rufus. Ama gollya yi izya ugiciye u Yesu. ²² Nsoja mu ma yende Yeshi aka ci na yasah u golgota wato "kice kiciri" ²³ A doyi mani ma inabi marishi umur, ima gabi maso. ²⁴ Ama giciyeyi, atusana makusu mayi, a bisksha ukuriya, sa kokishe kisoja kizuk urabu kini. ²⁵ Ai, a witar ima wana a giciye yi. ²⁶ Ama nyakara alama a kijam agu, "pigomu Yahudawa ugwu" ²⁷ Ama giciye yi, na dong adakara ayaba ama gasa ayashillaci ikorga aujina ²⁸ Piyu dah aka cara kare piyu manzu aka cara kagiri, sa ukusu na ukura. ²⁹ Asu woso aka zogonzya yi, a kajigata aci aka kuma gu "Aha! Pu, pidama yiki kudhagha kuma gisa mashiri a suga kini ana tuga tar, ³⁰ garka rici rimu mana, toro awor uzou giciye!" ³¹ Kene nama malamai magballazyi na mafiristoci mama jamana yi aka kuma gu, "i gaskan adong mamma gagi magaska rici riyi" ³² Kashiri Almasihu pigomu Yahudawa itoro awor au giciye. Saga kidumya nayi, ayanna ama giciyeyi na yeni, a jamani. ³³ Ana awa akutashi makatumu uawa uku torinyi, majin magusa kaci na duk. Auawa uku torinyi. ³⁴ Yeshi berya nakham agu "Eloi lamath sabathani? "Umana" Kashiri kanang Kashiri kanang iyan deni na piwurunun nami?" ³⁵ Adong unyong aya ma nyazazyi, ama potya, yene agu "potin, a Iliya ni yasa." ³⁶ Pidong isada dene kumina, azya kusoso a japkya amani mainabi mayanki, a sokya a pigogo a doyi agisu. Piyami gu kiyita ba Iliya idama ma toddi. ³⁷ Yesu ima shibarya arimigh ri gbaki makham ashi ke. ³⁸ U labule uma gmanta kiba, azya uzo mama toro kajhas. ³⁹ Kupana kujarumi kuki soja kuma nyazyi amen Yeshi kuma yita kenna Yeshi ma ke, kinkigu. "Ribin Yesu a kono kas shiri." ⁴⁰ Yinima dukara a dangan. Uchiku yeni, Maryamu magdaliya ima yimi pinu Yakub yenna Isufu a Salome. ⁴¹ Ayini amira yeni amazoboro akapa nai ma yi uGalili asu tumzanayi. Na adong ayini agbaki ama wanu urshalima nayi. ⁴² Morong mama wana apuri ma chakaran abarana azabar ama dama cayi. ⁴³ Piyar umatini, piyi kicubru ayi kuma paje aKashiri, ima ubilatus na sahd agu adugi kuyaza Yesu. ⁴⁴ Bilatus ima sasara make mayesu akapa kayi nacun. Ima yarkya kujariumi kun kwan soja ma potya ba Yesu ikini ⁴⁵ Ima zugu ribin nia abere agu Yeshi kini kaki soja kim, ima do Isufu kuyaza kumi. ⁴⁶ Isufu ima ka sheshe ulikaffani, a toddo Yeshi, a zya ulikaffani a wusu Yeshi mi. Ajagi a kushen kunna ama shere aka tari, kunna ia camsanan nici niyi. Isufu ima yende katari agusa kono kskushek kummi ⁴⁷ Maryamu magadaliya yenna Maryamu pinu Isufu ama yita kaci na niksan Yeshi.