1
Na Yesu ma yita makonusura mayashillaci itug izo katari a zomo, almajirai ayi awanu yi.
2
Ima gbana kano kayi amagasa yeni, anagu,
3
"Libarka aniyin aya caza a uruhu, kigomo kyuzo a kiyeni.
4
Libarka a niyin ayu gongono, adama denini ishigruga.
5
Libarka niyin ayadu tawali'u idu gado uyangwu.
6
Libarka a niyin aya pok igbom na kushek kwa adalci, adama denini ishitunzura.
7
Libarka aniyin ayujinkai, yeni adama zugu jinkai.
8
Libarka a niyin aya vussa nasugu, idama yita Kashiri.
9
Libarka a niyin aya na yendezye usalama, adama yesah yeni agu nonna Kashiri.
10
Libarka a niyi ka ayanna ayisha yeni akidere au kau adalci, kigomo uzo shiri akiyeni
11
Yin aya libarka kadhar kanna ayashillaci a zogonzyini, a kidere, a bishini aukusu zauni kene ikibere abarumi.
12
Izhaghanha, idama zuga ukusu dugan nakam uzoshiri. Kenna aya shillaci ayisan akunzunun.
13
Yiniyi niwana niuya, nde niwana ni bizyi urentu unini nni na adama guddu nini urentu nini? Adama nikya aya shillaci atuksanami.
14
Yiniyi matus ma uyongwu ana wukanyani ubirni tarkan aka kungru.
15
Ayar ana zuku ani matus atara unyong kabende, ana tarkya uzo kuzomi kumani saga matus maballya karari na duk.
16
Biskin matus ma ballya kenna aya shillaci a dama yita utumu yin uvussa ado picuyin uzo shiri kicubru kiyi.
17
Izu doguba ntumi mayakiri matya na akunzunun, ntumi mi ma mayikiri, ntumi ma makurganya.
18
Nbashini nibin, uzo na kajhas udama dara ba ukusu dah unyong mokoki matya mashiri idama ciri nimi koryan idama wanzanami.
19
Don kene, piyi da tuzu ukusu piri amacin unyong idokokin mi ko imagasa adong mayishi kene, adama yerkya yi agu piyicin unyong kigomo kyuzo. Piyi zoboron ini nateng, amagasa ini adama yerkya yi agu piyi piri ama gbaki unyong kigomo kyuzo.
20
Nbashini nna matini mayin mawuri mani ma ayang aa nyakaran na ufarisawa, ba kenna adama dene izuga marinyi unyong kigomo kyuzo.
21
Ipoton, anagu aya zoni, 'Izu wuna nivataru, 'piyi wuni nivataru iyi unyong unasari umatya"
22
Nbashini, piyi shingsan kabini, iyi unyong uhasaru matya. Piyi ku kobini agu piyaru wam, iyi unyong uhasaru unyanzha kagomo, piyar ku kobini agu" Kuwana! iyau hasari ukanu unyong ura.
23
Nnado ubaiko aubagadi amingya agu kwanau ide bu a kusugu.
24
Pi biskya ubaikumi aubagadi a worobu, iduntunzura na kwanau pishi guru amado ubaiku mi.
25
Iduntunzura na piyi jagibu matya aujinu kana matya. Piyu matya izu zyabu ado piyisanu matya, piyasanu matya izyabu a do madogarai, adama jagabu adama karkyabu.
26
Nbashyabu a nibin pidama cirabu a dotu ma bya ikorgi mi nayi bu mi.
27
Iman potya agu, 'A yisu zina'.
28
Mi doi nbashini, piyi yitan piyini akumina kuza dugan iman nomo nayi a kusugu kayi.
29
Ba niyizyi nimu ni kacara kare nidama denebu piciri, pikarka nini aro-, mu piri magu pi biz uku ude a nipum na magu aru nipum nimu na duk unyong ura.
30
Ba kacera kamu kare kadama denebu pijigi, pigumgu kani azya mi, mupiri agu pibiz kadong katege a nipum, namagu a villi nipum nimu, naduk unyong ura.
31
Amagurumi abarya, piyi zobi piyeni nayakarya adoyi.
32
Nbashini piyi zobton piyeni azan magu ipuriyi na pidong i guddun piyeni piytu rituga piyi zanyi a irunga yima idenisha rituga nayi.
33
Ipapoton agu, aya zoni izu shiri ukau kabere dishin mashiri mayin ribin ado kashiri kicubru.
34
Min bashini, izu shiri ko nacun, ko nauzo, uzo umi a kazomi ka kashiri,
35
Ko na uya a kazomi ki bini ikani, ko na Urshalima, kado ku pigomo ugbaki.
36
Ko guri agu shirin na aci ayin, idama yini maguddu kici kya aci ayin kishir ko kibok.
37
I biskya abere ayin awana amagu "kene azan kene", ukusumi auwori mummu, a muciri ka pirogo pimi.
38
I poton agu "Niyizhi ka niyizhi, kubang akubang,
39
Mi nbashini izu dazana na piyi pirogo pimi, na madene kene, piyi kpallanni a kutama ku, itumbarya kumanzu.
40
Piyi mingza majagini a matya amagu isherini kuriga, idoyi ku wukunun kuyin,
41
Piyi denini ujaru imil ude ijara iba.
42
Dugin piyi ribini, piyi gbene kuta uyin izu ngyaza yimi.
43
Ipoton ukusuna abaran, pidama mani jangu uka zomi a gabbu piyi za mani bu.
44
Mbashini detin aya zama nimi dishin aya cogono uyin, aya dishini a kidere idisha yeni addua, adisha yeni albarka aya zamanini ukusu dugan, na alheri.
45
Nni damawana nono na picuyin uzo shiri. I wana mutus ka ya caza na aya matini, I na toddo mani muzo ka piyu matini na picogonon.
46
Nni dumun naya manini, uyan nayin izugi? azan kenna a sheshen aka gandu ana yisha?
47
Nde isumazan a kwanai nazhik, iyanna inayisha ipiri ikudezhe kumi?
48
Azan kenna aya za yo Kasiri ana yisha? Idama wana aya za ibang kenna picuyin uzo iyi piyi yu zai bang.