¹ Uruhu una jatanza Yesu unyong karimi, magu shetan ighasa yi. ² Ima zya atuk iturina asuyizzanan kene ba marini kadamana, igbom ima wani. ³ Piyu maghasa ima wana, aguyi agu, "nna piyi kono ka Kashiri pi guddu natari na nawana ugurasam. ⁴ Yesu ima guddu yi agu "kenne namu nyakaran, azan agurasa nazik na piyar idama garga a na duk na abere a cizza unyong a kanoh Kashiri." ⁵ Shetan ima zya yi ajaga a ku doh ku tsarkaken a tugdi a dugha kwashiri ku piri ko kushe au zangaru. ⁶ Aguyi agu, "nna piyi kono ka Kashiri, pi kepkya kajhas, mu nyakaran agu, 'ina doh malaiku mayi umurni abaru pu kuma. Yani adama zabka bu akari yeni, pizu ciri akatari." ⁷ Yesu ima gu yi agu "mu nyakaran zu ghasa Kashiri kamu." ⁸ Shetan ipa zyi ajagu uzo katari kaco, asaganyayi na duk kigomo kiuya na udaraja ukani. ⁹ Aguyi agu, "ndama dohbuh nna pituturgan a denemi usujada" ¹⁰ Yesu gudduyi agu, "cokobu mina Shetan, a nyakaran agu "disha Kashiri kamu usajada, uta kani na pinama bauta kani" ¹¹ shetan ima biskyayi, malaiku mawana ama yisha yi u hidima. ¹² Na Yesu ima potya agu apuri Yahayi, icoko makana amayingzyi mu Galili. ¹³ A biskya u Nazarat, ariti u Kafarnahum aka zomomi, apati u teku, a uteu uma yingzyi mu Zabaluna na u Naptali. ¹⁴ Uku su umi umawana kene agu a kurgani maberi ma pikuni washiri Ishiya ima barya agu, ¹⁵ Mayingyi mu Zabaluna na Naptali, apati uteku na urabka kumana ku urdun, Galili uyashillaci. ¹⁶ Ayashillaci a zomzyi unyong majin ama yita matus maballuga nakham ga a yella a zomzyi a kupentu nakutongoro ku makye, matus ma ciru yeni. ¹⁷ Akapakami, Yesu ita cing u wa'azi agu "sherin Kashiri, kigomo ki uzo kina pati" ¹⁸ Isu jara a pati uteku Galili, ima yita adong a kwani aba Saminu unna ana yasah agu Bitrus, na kobinu Andarawas, asu ruza na ragrag nisani aya kunara ku isani don yeni ayi anari isani. ¹⁹ Yesu igu yeni agu "wannin azoboromi ndama guddini anari ayashillaci. ²⁰ Ama suksani, ata biskyi na ragrag na yeni ni sani azoboro yi. ²¹ Na Yesu ima kanayi na ujaru, ima yita adong aya aba, ani kobina ni yeni Yakubu kono ka Zabadi a kobina Yahaya, ayu nyong kugirgi na picu yeni Zabadi asu napsa naragrag na yeni ni sani. I yerkya yeni, ²² a biskya picu yeni na ku girgi kumi azoboroyi. ²³ Yesu ima magha mayingzyi mu Galili naduk, asu basha a madagha ma Kashiri ayi aubushara u kigomo kyashiri a sugarganzya aya deshe ko kishe kigbana, na maza mu gara unyong ayashillaci. ²⁴ Aberemi ama rinya koinki unyong mayingzyy mu Suriya ayashillaci ami ama yendezezye naduk aya za gassa, na aya deshe kigbana kibaktazyi na aya shezye kidere, na aya de ayajhas na aya de itirgiza, mkya maku pentu kuri pum, Yesu ima garganya yeni naduk. ²⁵ Ayashillaci adun amazoboroyi aciri a mayingzyi mu Galili, na Dikafolis, na urshalima na mayingzyi mu Yahudiya, na urakpu Urdun.