¹ "U muilki u Kashiri udama wana ne nijinni pituru nanna mazya itillanani maka manya angi. ² Kishi unyan unani na ma de iduntu Kishi kuma nayi na dhangrha. ³ Najinni nan nayi nadhangrha nan na mazya itillinani, ba ma zya mamai mamna na dama ka pirya aitilla. ⁴ Nan na de iduntu na zya inkuturu mude mamai itilla ina ni. ⁵ Ku ango kum kunku ma tumu kuni na wau, na dug unani nanna cingha ma zunzu ata ousan mura. ⁶ Unyong kacaci ka katuk a yerkya agu, 'ku angon kunu kudagi! Cirin aka manya kuni. ⁷ Najinni nami na coko na dug unani a napsa itillanani. ⁸ Na dhanrha nanajinni nami nagu nan na de iduntu agu, 'Ka dugindi ma maimayin sa ki pirya a itilla iwur itilli wur iirimtizhini. ⁹ Nan na de utuntu nagu ma mai mami ma dama wanan manidi nayin, kanin ka ya pizya pi mani aka sheshe'. ¹⁰ Nanna cira maka sheshe, ku angu kumi kutaka tumu, ayami ama mari ma cankarana a rinya na kuni unyan kidegha ki ubuki ui runga, ata gusa karong. ¹¹ Kadhar kanka ma wana najinni nami nanna maguru agu, 'Picu gira, gbani di karong'. ¹² Amma iguddu nani agu, 'ribin nan bashi ni, inyo mini'. ¹³ Abara kene iyogfotyagu, iyoini katuk ko kapa ba. ¹⁴ Mum muyi ne piyi dama kana a madong mayinzhi, ima yarkya adere yi a duksha yeni u dukiya uyi. ¹⁵ Ado piyi de italenti kishi, piyu manzu idoyi iba, ado piyu manzu udha. Na duk uyeni ama duksha yeni daidai na ushiru yeni, piyami ita woryi ujaru yi. ¹⁶ Piyami nama doyi italenti kishi ita cing ukasuwa ado yi mazuga mapirgura ma i manzu italenti kishi. ¹⁷ Kenna piyami nama doyi iba, inyi mazuga mapiri ma imanzu iba. ¹⁸ Piyami ima shere utalenti udha iworo yi ujaru yi, a kogo kadhakarha, a bukya utalentu mi unyong. ¹⁹ Atugangha ma woro picugirah wa derengha inyi ma guru, agui sheshe ikorgo iyyi. ²⁰ Piderumi ima shere italenti kishi, inyi ma tumu ade iyi na mapirgura ma imanzu kishi, agu picugirumi agu pidama domi italenti kishi, mimmi ma ka zuga mapirgura ma imanzy kishi'. ²¹ Piyu girumi iguyi agu, Madalla, piyi pideru matini ide aminci! pideni u mina a u kusu cun, idama tarkya bu a ugbaki. Rinya unyong kati ka dugan ka picu girumu'. ²² Pideru mi ima shere italenti iba, iwana in nayi amagu, 'picugira, pima domi italenti iyi ba mimmi ma zuga mapirgura ma imanzu iba.' ²³ Piyu giru yi aguyi agu, 'Madalla, pidere matini ide u amina! Pi yisan u aminci a ukusu cun indama tarkya bu a ugbaki rinya kati kadugan ka picu girumu! ²⁴ Pideru mi ima shere utalenti udha ima tumu agu, 'Picugira, inyo pu a piyutsanani. Pina baba kati na pi bizzanbu, kuma pina konoshia kati na pigmizhi bu. ²⁵ Inma potu sahd, mimmi maka nisa a kadhakara. Shere makusu mamu. ²⁶ Picugira umi i shere agu, piyi ku mugu pi pai, piyo agu migi a piyar ina baba a kiti nan bizzan mi, kuma ina konoshia a kiti na deni mimi. ²⁷ Pina mada zya ikorgi mi a jaga a ubanki, inna guri aka shere imayi nan ini man pirgura. ²⁸ Abara kene gazin utalenti unwu yi udha ado piyanyi de pituru. ²⁹ Piyami de adama pira yi nakham. Ka piyi zayi ukusun wu yi uyi adama gaza. ³⁰ Zapkin ku mugu ku pideru wunu iza matini a pekya majin mazullun, a kati na nna shibana asu kaza mubo.' ³¹ Kadhar kam na kono kapiyar ka dama tumu unyong u daukaku kani ayi na malaiku makani, ka dama zomo a ukursiyi ukani ukigomo. ³² Kazono ka kani na dama konoshia aya shillaci, idama tusa aya shillaci a dhandha, ne kenna pizani uma nara ina tusa magam na iwan abam. ³³ Idama dene magam a kacara karye kayyi, 'i whan kuma a kacara ka giri. ³⁴ Ashigu wanin yin iyi a kacara ka rhe yin na picu yin na picu nan i denini nibarka, ama yisha ugado umulkin na ama samshinini adoto ma napsa uyaunwu. ³⁵ Imma pati gbom idomi maninaru; in pok kusheg, idomi mani mashir: ayi anijhan idomi kamuri; ³⁶ In su jara kpatkari idomi makusu; asu gonono i mukyami; ayau kurkuku ima sumazya mi; ³⁷ Sa'annan aya disan matini a guddu agu, ubangiji, uyanku na kiyitanbu pipog igbom kido bu maninaru? Ba pi pog kusheg kido bu mani mashi? ³⁸ Uyanku na kima yita bu piwani nijhan ki do bu kamurio? ba uyanku naki ma yita bu pikpatkari ki dobu mariga pideneo? ³⁹ Uyanku na kima yita bu pisu gonono kuma ayi a ukurkuku kima sumazyabu? ⁴⁰ Sa'annan pigomo idama guddu agu, 'Hakika imbashi ni, duk ukusunna iyisan pidong wa kwani umi i caza inna auyah unwu aimi na iyisan mi. ⁴¹ Idama gu ayami ayi a kacara kagiri kaiyi agu, 'rabin nami aya za dugan, warinni unyong ura u Jahannama unna a napsan abaru shetan na aya jhas. ⁴² Abara magu imma pog igbom ina doini mi maninaru inre, in pog kusheg ina doini mi mani inso, ⁴³ Inya ni jhan ina doyini mi kamu ri; in kpatkari ina doyini mi makusu; insu gonono ayi au kurkuku ina koti ni nami'. ⁴⁴ Yenin nayeni a guddu agu, 'Kashiri, inki naki ma yita bu pipog igbom, ba kusheg, ba pi piyi ani jhan, ba pi kpatkari, ba pisu gonono, ba aukurkuku, kina muki di piyo? ⁴⁵ Idama shere uyeni agu, inbashi ni hakika ukusun na isuskananni ma yisha ayami a zani ba ami na iyisan nimi. ⁴⁶ Ayamera adama kana unyong azaba aza dara, aya du adalci kuma unyonfg urentu uza dara.