¹ Yesu ima cira a kudang kwashiri apuru jina. Almajirai ayi ama tumu asaganyayi kusuga ku kudang kwashiri. ² Yi ima shere abere agu, iyitan imanyi shi? Mbashini nibin ba katari kade kanna ada biskya uzo natari, kanna adama yikiani kani." ³ Kapa na ima zomo a katari ku zaitun Almajirai ayi awana uyi kanisa agu. 'Nni na kidama yogotya kathang kama guru mamu na madara mu yangwu?" ⁴ Yesu ishere agu kullin kada pidong iden isakanya kumina. Aya dun adama tumu ani zaginnina migi Almasihu." ⁵ Adama dene aya gbaki awuru jina. ⁶ Idama potya nigumma na u shela uni gumma nannigumma. Kullin kada ipoti usadh, mu wani magu dole ukusumi uwanzagana ama madara muya madoto. ⁷ Ayashillaci adama cokonya ayashillaci, kigomo kidama cokona kigomo. Adama yishi igbom na mayigutura ma mayinzyi ana tage nabaktazyi. ⁸ Na duk ukusumi amacigha ma kigbana kima waba uren. ⁹ Adama denin a kidere a wunzyini. Aya zayo Kashiri adama dotu mani ani mayitini. Abarani zagi ninang. ¹⁰ Daga akapaka mi aya gbaki adama cijjini, ajogoto a ciyeni a gbashani aciayeni. ¹¹ Akunzunun ashiri ka bere adun adama coko adene a pirgura na cap. ¹² Kuchok kudama gbakana, nasugu nayashillaci nana kizyi. ¹³ Piyi nashurga aka tumu idama zugu ceto. ¹⁴ Adama basha abere shiri uyangwu wa ya zayo Kashiri madara muyangwu mashi wana. ¹⁵ Yazu yita ukusu zyiri unna pikunzunun wa shiri ima berya. Ima nyazhanha akaci kawur Kashiri piyi yo manyakari iyogotya. ¹⁶ Ayayi aya Yahudiya asum yeni uzo mapana. ¹⁷ Piyar iyi uzo kidagha kizo izu toro a gizyi kadamana unyong ugiru yi. ¹⁸ Piyar iyi kakap izu guru ugira amazya mayisan mayi. ¹⁹ U kaito aya deshe nono na aya waskanya ana tuk ami! ²⁰ Gishin Kashiri ayo usum uyin uzu wana akapa ka kari na mmayih mu asabar. ²¹ Yisha kidere nakham, kinna adotu mayisha idugi kini a macigha mu yangwu, adama yishini idugi kini. ²² Ana zanna atuzyi atuk ana dama zugani piyi dama cira. Abara alibarka nja yami na samgan, adama agu, yita konno Kashiri na! Konno Kashiri azu. ²³ Nna pidong idama gini agu, yitin "Almasihu ayi na!" Ko, "Almasihu ayi nnari" zu dumin. ²⁴ Akunzunun ashiri aka bere na Almasihu aka bere adama wanzu yin a saganzyini alajibai na ukusu, ado macipanzya aya gbaki, a wuzzu na duk na ayami na asami. ²⁵ Iyitan, mbaranni kapa kajima wana. ²⁶ Abara kene, nna yeni akuini, "iyi unyong magara'. Ko ying wuri aka mangarin kaki dagha," zu dumin. ²⁷ Kenna ma merge mana ballya aciri aka ciri kanmyih makatuma aka ribi kan myih. Kene na matumu ma kono ka piyar madama wana. ²⁸ Kaci na pinama pikini, akaci na ma'angulu manayi. ²⁹ Nna a tugami a kidere awori, matus man myih madama wana majin upi, udama denumi matus, ntatu mudama jikshi kajhas. ³⁰ Alama kono ka piyar adama shi cira uzo shiri a biga naduk uyangwu adama potya maniyi. Adama yita kono ka piyar ka su tozzo na u iko au daukaka ugbaki, awor ama wori. ³¹ Idama kunu malaiku mayi, na marunti ma rituma mashiri, adama konosha na duk ayami na asami ai kusurwi nas, daga aka mangarin ka matus muzo makana aka manzu kamangarin. ³² Magashin ka kaci kaku sherena ki paga kina cigha ma ciddaza mava, idama yogotya rigus nina pati. ³³ Kene ma, nni yitan ukusungwu naduk, baide iduntu idama yogotya, ina pati, idagi a karong. ³⁴ Mbashi ni ribin, uzamani umuru udama woruni, ukusungwu udama wanzagana uyangwu ushi woro. ³⁵ Kajhas na uzo adama woro, ikalmi shiri idama worini. ³⁶ Ana bere ang myih mumi ba pidong iyo, na maleku muzo na kono kami, picumi utayi iyo. ³⁷ Nane kenna atuk a Muhu amayi, kene na mudama wana, ama tumu ma kono ka piyar. ³⁸ Ana tugamiari, mani mu tufana ma doto, ama su re asu shezye asu runya asu runganzya, aka tumu ketuk na Nuhu ima rinya ki girgi kumi, ³⁹ Ama yoani kadamana, mani mami mama toro a zya yani-kene matumu na kono ka piyar madama wana. ⁴⁰ Aya ba adama yi karimi, adama zu dha a bisku dha ka-cini. ⁴¹ Ayini aba adama su shazha aku whazyi adama zu dha a biskyu dha. ⁴² Abara kene, dishin kazom kuciga, abara na iyoini katuk na kashiri uwur udama tumu. ⁴³ Yotin mummu, nna picu gira iyo kapa na pidakara idama zomi a camsanan, idama biskya karari kami ama gbana karong arinya. ⁴⁴ Abara kene, camsanin, kono ka piyar ka dama tumu akapa na adama de ani kumina ku matumu makani. ⁴⁵ Waniya kubawa kun kude kumina ku hikima. Unna picu ugiruyi ima deni ama mente makarari, abara na ima do yeni maninaru unyong kadhar? ⁴⁶ Kubawa kumi apiyi de libarka na picu gira idama zugi iyi akaci kutumuyi a kapa na iguri. ⁴⁷ Mbashini ribin picu ugiru mi idama doyi kude ku makusu mayi na duk. ⁴⁸ Nna kubawa kude kucok kasugu ka kuni, kudama gu, "picu ugiru nang i vinurganyi," ⁴⁹ Isada puru makpaba, kudezye kwa dere amiayi ana re a shezye na'amizanan, ⁵⁰ Picu ugiru piderumi ima guru akapa na piderumi izai kumina kuma gu idama guru akapa na iyoyi. ⁵¹ Picu ugiruyi idama gbapki kiba, idama wana ne umanafuki, adama deni a kaci na ana shiba aka gitara abang.