¹ Bulus ipa katum u' Darba na u' Listirs, kan ti kam kade almajirina ana yasha agu. ² Timoti akari kum, kono kupidong utini Bayahudiya umi idugu nipin, pucu kuwa Bahuinene. Aberbene uyi agu ide matini anno na kebini ayi u Listira na ikenya. ³ Bulus ima yisha Timoti pigani magu imani agu yani ajar ayi, a magu yahudawa ami ayimi akati kam. ⁴ Yani amasu rinizha ungho madho, asu isha ikisiya ugargadi kenna adama na kashiri ubgaku na umurnan na umanzani na ayakaran ushallima. ⁵ Nipin ni iklisiya nipir kuga asu sussa mapiszura maya aduksha nipin ka unsha unmi. ⁶ Bulus na ajami utuma ama rizya unyho ulardi firigiya na u Gakituya, tuna uruhu uvur uma yhaza yani ama yishi abere ashiri ukolma ungho mayinzi ma asiya. ⁷ Ama tuma ana pati misiya, aku mina kuriya ungho Bitiniya, uruhu uyesu uyhaza yani me. ⁸ Ama gata ungho misiya, ariya ungho kudho ku Tarwosa. ⁹ Bulus iyita uwahaya unyho katuk pidog uyer u' makidoniya iyarkya agu, isu kuma agu wanna umakiduniya anwukidi". ¹⁰ Bulus, na ma yita kenne, ipuru ujiho umakana u'makiduniya, na kumina i kwashiri kamani agu yani jok ayu a makiduniya abere ashiri. ¹¹ Na majiki u'tarwasa mi, Bulus na u'kunziya uyi ariyha kujirgi kumani makana samutaraki, na nikata nima vunka yani aworoni niyofakis. ¹² Daga kati kam aworni Filibi, u'biga umakiduniya ude muhimmaci mayinzi muroma, akati na deni uzangawa tuk abgaki. ¹³ Anmi masabaci ki kanakarhok kuka dho, apituga pihagub, ina kumina kuzuga kati ka kagisa kashiri, kima zamzono aberbene rayini akanusuran akati kam. ¹⁴ Pidog uyini ide nizgu agu a nizagi ina zhamana asu zizi aubiga utiyatira piyini umi iderene kashiri, ima rakurgidi, ubangiji ubgani kasugu, iguddu kumina ana bere a Bulus anna ibasha. ¹⁵ Kapa kami nama yisha yi ubaptisma na yer akarari kayi igidi agu, idan nizanmi piya iderene kashiri, iwana ngira unak ama zamzono me. ¹⁶ A katag ko kapa konka, kisu jara akati kama gisa kashiri, kadog kajinni kade uruhunu umadurara na wur, apici gijinta ukusu udugan sosai. ¹⁷ Kazab Bulus zi, ayi sillaci angha, adere ashiri ami na azaphon, yani, abashi ni ujina umagaska. ¹⁸ Ka zan atuk asu berbene kene, anna Bulus ima zinsa kani nakam, akumburga adho uruhu mi unyho agu, undugibu umerni biskya kani ungho nizagi ni yesu almashihu" uruhu umi unu dene nici niven ayikya kanimi akati kam. ¹⁹ Aya agukranan ukoni ayita magu ujina uma zuga ikorko iyani apuru Bulus zi na siko, adusha yani unyho ukazuwa ajaga yani kagomo. ²⁰ Na ama jaga yani alkidhagha kimatha, yani agu, ayer angho ayahudawa yani ayenden macokoni mamatini abiga uwur. ²¹ Yani abasha ukusumi na kida yiyidi masere Belle ki tunizanam. Akayhzi kawur kiyi Ramawa. ²² Aman aya sillaci naduk uyeni acokona nasugu na yeni uBulus na sila aya matha amhana mariga mayani, yani adho umurni apyah Bulus zi na sida ani bulala. ²³ Kacini ka mapyaba mami azah, yani aro unyho kudhagha kukidere, abare aya mamentu agu agusa yani natek azu cisza asumana nu. ²⁴ Yi idene kenna akuyin, adene yani magyen aibini yani, kaman kenna aku yani. ²⁵ Akacaci katuk, Bulus na sila asu gisa kashiri, asu masiba ga kashiri kudeze kwa ya magyen a ok yani. ²⁶ Mina-mina saiga madog mayi kutura mamayizi, mam mamader ugin shiki ukudhagha kukidere kumanurga akapa kami narhok na kidhagah kidere na bgatazana. Aya magyeni kuma, magyan mami mapyatzene. ²⁷ Puyi umamente kudhok kukidere icoko anmura ayitanarok na kidhagha kikidere na maru bgatazono, ikabka kutan kuco, mawuna nici niyi, akumina kuyi, aya ma magyen ami na asumanayani. ²⁸ Aman Bulus i cokono nimi nakom, agu, su yisha nici nimu ubarna, wuri naduk uwur kiyimi. ²⁹ Piyu umente kudhagha kukidere ikunu agu ayedde pitilla irigya unyho nawou asu zara nipum, ajiga kazono ka Bulus na sila. ³⁰ Icidda yani uya agu, "mashugani, iyan nan na dene acidda nici nok? ³¹ Yani agi agu, dho nipin u Yesu ubangiji, napu nakarari kamu, ida mazuga mazkura. ³² Bulus yanna sila abare yani abere shiri na yayi. ³³ Piyu umamente kidhagha kikidere izha yani unyho katuk aguzu yani mako, ama yisha yi ubaptisma akapa komi na yayi. ³⁴ Izha Bulus zi na sila ajaga ugira uyi akdhoyani manina unizagha ni kura karari kapi cigi kidhagha kikidere, ama gu nanna yi na dugi nipin kashiri. ³⁵ Na nikata nima yurka, aya matha adho ukun agu abiski Bulus zi na sila. ³⁶ Piyi ciga kudhagha kukidere ibare Bulus za abere aya matha mami, muma yi kene igu Bulus zi agu worini unyho nasugu nazuk. ³⁷ Aman Bulus ima gu yani agu "yani abgabidi aufili kazono kayer ami nakiyi u Romawa, awunzan anidi adeni di akidhagha kikidere, asu zobdi aka wuku? Yani awon utha yani aciddi di. ³⁸ Aya ciga kidhagha kikidere aguddu apere a Bulus ka yamakara, umi udeni yani aghatha, a mapoti agu, Bulus na sila a Romawa. ³⁹ Aya matha anaci ayani ama tumu agisa Bulus zi na sila; ami aciddan yani akidhogha kikidere, yani agu a Bulus za abiski kudho kum. ⁴⁰ Akene na Bulus na sila ama cira akidhagha kikidere, akana ugira ulidiya na Bulus na ska, ayita akobini ashira na yani ashi jikya kudho kummi.