¹ Adag ayar atumu awur u' yahudiya ama basha a kabini, agu mi ayisan anini ukaciya ungho alada amusa ba, idama zugi ni nagaska. ² Bulus na barnaba amukya yani na bere acaza, akabini aceske ushawara Bulus na Barnaba ana dog akan u'shalima ku manzani naya cubru ana bere ungho. ³ Na muyi kene ikilisiya ima kumu yani, agabara ta finikiya na samariya, abara madho nipin naya ayha ni kashiri. Ima yade nizhazha nibgaki akati kam ani kapina. ⁴ Kacini kamatumu mayani u'shalima, aya shiri na umanzani na yacibru, asere yani abata yani ukusum na kashiri amagu a yani. ⁵ Amma adag ayar ami adugi nipin ungho afarisowa, yani aroko agu; mu wani yani asum ayishi yani ukaciya akuma umurci yani asuma udaka u' musa. ⁶ Umanzani na ya cibru akanusura amagu ayita mummu wanzaga nan. ⁷ Kacini kamaribana managazi Bitrus icoko agu yani agu," akwani, iya kapa kacini kan ka wori, kashiri kama zamga unhyo uyin, akono kanang na alumai adama pota abere ashiri, akurnu do nipin. ⁸ Kushiri kayo kasugu, ka deni yani ushaida, adho yani u'ruhu uvur, kenna ka deni di. ⁹ Kanka baktanondi na yani, ka guzi nasugu na wur anipin. ¹⁰ Mummu yi kenna iyan ideni a gwada kashiri, asu yisha almajirai uzitu aita umu na acu wur adama iyani ma zha? ¹¹ Aman kide nipin ki dama zuga ugaskan, uwor kariben ubangiji yesu kaman kenna yani ade. ¹² Naduk makonusura mayer akizani natik akapa kan ama rakari ukun ushaida umamak ukusu na kashiri ka dani u Bulus na Barnaba ungho wa ya azatani kashiri. ¹³ Kacini kama duru abere, Yakubu isere abere agu," akwani, potin. ¹⁴ Saminu ibara kenna kashiri kacigyi madibuna ujinkai kaya ayani kashiri magu kazi aya sillaci ungho uyani ama nizagi. ¹⁵ Abere a annabawa dumun na muni, kaman kenna muyakaran. ¹⁶ Kacini kan kusu mummu undama aguru, in dama suga karari ka Dauda kan ka jigi kajes, a gurmi asuga kuguba kum, ayazhakya kumi. ¹⁷ Ama gu kudeze kwayasillaci ku bgen unyan mu ubangiji naduk na ya ayoni kashiri ayasha anizagi niyi. ¹⁸ Munimu muni na ubangiji itaran, yi isa unkusu mummu yi mum na aya tum uya ukazono. ¹⁹ Mummu yi kene, amamen mang kizu masha aya ayoni kashirii, ami abandurga kashiri. ²⁰ Kide ma yakarha yani agu azu kabta au gumaka na uzina, na paskanci, ubuguwa, na mare ukusu ukini. ²¹ Tun uzaman nauma yin mayrt ukudho kwa yami ayisha abere mashiri ka ashe asbari." ²² Mu vurka u'man zani na maduttawa na iklisiya a sumga yahuda, na Barnaba na sila da dattawan iklisiya adupya yani u katakiya yenna Bulus na Barnaba. ²³ Ama yakara uwasika umanzani na madttawa, akabini, uzaga akobin, a patakiya, na suriya, na iklisiya, kusumazi kubgaki. ²⁴ Ki poton agu adan ayer awor ungho uwur ami kidato ma umurci yani aciri unnaka uwur ayiishi ni mabashi mamma cokonon ni matini. ²⁵ Mummu dugan naduk uwur, na kidumun masambga adog ayer anura yani uyin ayi na Bulus na Barnaba. ²⁶ Ayer ami adugi avataru ayani sabo na nizagi nu ubangiji yesu alkashihu, ²⁷ Kikuni yahuza na sita abarini unkusu mummu. ²⁸ Sabo na kene mummu vurkan urhu vur na wur kizu zibkani ni mu pira mummu mankusu. ²⁹ Jikin ma nayisha ugumaka uhadaya, ajika kari kama kitaru mi na muna seze unku muma jinkarini, na uzina, nu upaskanci, inna ipatanan ni ankusu mummu idama joma bandag aranzana bandag." ³⁰ Ama sallama yani akana u'antakiya, kacini kam na ama kansha aya sillaci ado yani ukakum. ³¹ Kacini kan na ama karanta yani ayisha nicagha nibgaki sabo na amasirana yani. ³² Yahuza na silla, na yani ayi annabawa mi, ashirana akabini alkalmomi ibgaki. ³³ Kacini kadag atukam, ama sallama yani aguroni makana kakobini ami ama kuni yani. ³⁴ Muma wana magu sina izomo akatikam. ³⁵ Aman Bulus na Barnaba yani ayazhanha u'antokiya na kudege kwa kabini, asu basha abere ashiri. ³⁶ Kacini kadag atuk acin Bulus igu Barnaba, ki gurdi mina aka yita kwani ami na ki yisan yani abere ubangiji, ayita kenna yani ayi. ³⁷ Barnaba imani mani magu azi yahaya yi umi na ayasha agu markus. ³⁸ Aman Bulus iyisha kumina agu mudugan mmi a wor ani ade makus zi. Tunna ijkan yani me a Barmaciya iwor yi kigomo na yani. ³⁹ Aka tikam madazona macoko akacaci kayani. Har yani atuzah zono na nikabina Barnaba iwori ayi na markus arabkya usuku ukara u kuburus. ⁴⁰ Aman Bulus isambga silci yi yani aworani, kacini kam na akabini ama gisa yani kashiri ka alheri, kashiri ka gadkya yani. ⁴¹ Bulus iwori aka manrhozha uzuriya na iklisiya asu sirangha madhagho mashiri.