¹ Bwo ghakindapo amashiku ghatatu, kukisa kwaba ubweghi ku kana muchisu cha Galileya, ung'ina wa Yesu wepe akabako. ² U Yesu nabafundiwa wake bakitishiwa ku bweghi bula. ³ Bwo ubwala bwashila, u ng'ina wa Yesu akayugha kukwake, ''Bata nu bwala.'' ⁴ U Yesu akati kukwake, ''we mukolo, choni chicho ukukwisa kukwangu? Akabalilo kangu kakali katakwanite.'' ⁵ Ung'ina akababula awa bomba mbombo, ''Chochi chicho ayugha kukwinyu, mubombaghe.'' ⁶ Po kukabako ingumbe sikisi isha mishi shisho abayuda bakashibombelagha ukusukusulila ukufwana ulwiho lwabo, ingumbe yimuyene yikeghagha amalita twenthe na sate. ⁷ U Yesu akababula akati, ''Mwisushe ingumbe ya mishi na mishi.'' bakisusha shoshi mupaka pamwanya. ⁸ Po akisa ababula ababombi, ''Egha ghamu amishi mumupe usongo wa bweshi.'' Po bakegha. ⁹ U songo wa bweghi akaghesha amishi akagha ghaba bwalwa, lole atakamanya kuko bukafumila (lole ababomba mbombo babo bakasembagha amishi bakashimanya). Po akisa itisha umwenecho wa bweghi ¹⁰ akayugha kukwake, ''Umundu weshi akwandilagha ubwalwa ubwisa pakupa abandu inga pala bala bakolwa abapange ububibi. Lole uwe basengwile ubwalwa ubwisa ukufika ulu.'' ¹¹ U Yesu akapanga ichimanyishilo ichakwanda ichi mukaya ka Kana muchisu cha Galileya, sona akalangisha nubuchindamu bwake, nabafundiwa bake bakisa bamusubalila yuyo. ¹² Mwo fyachitika ifi u Yesu, ung'ina abowamwabo, sona nabafundiwa bake bakilomoka ku Kapenamu sona bakikala kulakula amashiku manandi. ¹³ Po ulu u pasaka waba Yuda akaba papipi, u Yesu akabuka ku Yelusalemu. ¹⁴ Akabagha abandu babo bakaghulishanga ing'ombe, ing'oshi, ni ngunda mukati mutempheli nabakupelesania indalama bakikala mulamula. ¹⁵ Akisa apanga ichikomo chga ngoye akabakisha boshi ukufuma mu tempheli, pamupene ning'oshi, ning'ombe. Akisa anyambania utukopala twa bakupelesania amakopala sona akisa asanusaniaimesa shabo. ¹⁶ Kubaghulisha ngunda akati, ''Fumya fyoshi mukati muno. Muleke ukupanga inyumba ya Tata ukuba buyo bwa kughulishikishamo.'' ¹⁷ Abafundiwa bake bakisa bakumbuka ukuti chikasimbiwa, ''Ichililishi changu mu nyumba yako chikwaka mumwangu.'' ¹⁸ Abalaghili ba chi Yuda bakamwamula sona bakati kukwake, ''CHimanyisho chiki chicho ungatulanga utwe, ukuti uli nubulaghili ubwakubombela shishishi?'' ¹⁹ U Yesu akabamula, ''Pongolania itempheli iuli, sona mumashiku matatu ngwisa pakuyimika.'' ²⁰ Abalaghili ba chi Yuda bakati, ''Itempheli ili likasengiwa pa fyinja fote sikisi, po uwe ukuti ungalisenga pamashiku matatu? ²¹ Napapo, akayughagha isha tempheli lilyo mubili wake. ²² Bwo ashuka ukufuma ku bufwe, abafundiwa bake bakakumbuka ishi ukuti akayugha, poi bakisa basubalila amasimbo sona namumasho ghagho u Yesu akaghayugha. ²³ Po bwo akali ali ku Yelusalemu pakabalilo ka lusekelo lwa pasaka, abingi bakasubila mungamu yake mwo batesha ifimanyikilo fifyo akabomba. ²⁴ Lole u Yesu atakabasubalila papo akabamanya boshi, ²⁵ papo atakalondagha nayumo uwakuti ayughaghe kukwake isha mundu, papo akamanya chicho chikaba mumundu.