¹ Bobamwitu, pala yumo akoliwa mumbiwi shimo, umwe mwe muli mwa mbepo mumunyoshe mukayilo kalutengano. ² musheghaghe isa mwemwe, ukuti numwe mutakagheliwe. Nyamula imbibi shamunyako pakufisha indaghilo sha Kilisitu. ³ Pakuti weshi wakwinong'ona ukuti ali pamo po atanapamu yuyo akwisho mwene. ⁴ Umundu weshi abaghile ukushipima imbombo shake, po sona ichifukwa chakwikweshekesha chikuba mumwake mwene muyungi hagha. ⁵ Weshi akwisa pakunyamula ukatundu wake. ⁶ Yuyo akumanyishiwa ishu awaghile aghabanaghe nu mumanyishi ifindu fyoshi ifyisa. ⁷ Utakashimbuliwe. U Chala atakolobewa, choshi chicho umundu akubyala,chocho akwisa pakwinula. ⁸ Yuyo akubyala imbeyu kumubili wake, ukufuma kumubili ukukomanika. Yuyo akubyala mwa mbepo, mwo mwa mbepo akwisa kwinula ubwumi bwa bwila na bwila. ⁹ Tutakitaghe pakubomba ubwisa, papo pakabalilo akenecho tukwisa pakwinula umwinulo linga ttutakulita. ¹⁰ Po ulu, isapapo tuli nulusako, saghatubombe ifyisa kubandu woshi, nganinghani kubabo bali munyumba iyalwitiko. ¹¹ Tesha abokalata abatali babo ngusimba kukwinu nakakono kangu. ¹² Bala babo bakulonda ukuti baboneke akisa kumubili bakughesha ukubanyengelela ukuti batumuliwe. bakubombashi nukuti bapone pakufwimiwa chifukwa cha chipingika cha Kilisitu. ¹³ Papo nababo batumuliwe batakusunga indaghilo, lole bakulonda umwe mutumuliwe ukuti bitufikishange mumbibi yinyu. ¹⁴ Ndakaghiwe ukuti ngwitufya mufimo lole mwene mwo muchipingika cha Yesu Kilisitu, ukwendela mwo ichisu chikomeliwe mumwake nawepe muchisu. ¹⁵ Pakuti ukutumuliwa kutakubelengeliwa ukuba chindu chimo pamu mukushita kutumuliwa, lole chochikuwelengeliwa ko kuba chipeliwa ichipya. ¹⁶ Ku boshi bobakwenda ukuyana nakayilo aka, ulutengano ni vhisu fibe papabo, napa Isilayeli wa chala. ¹⁷ Ukufuma ulu pakuya kundashi manye nayumo andamyange sona, papo inyamwile pamubili wangu ifimanyilo fya Yesu. ¹⁸ Ichisa cha malafyale witu Yesu kilisitu chibe pamupene numbepo winyu, bobamwitu. Ameni.