¹ U Paulo, umutumiwa---tamutumiwa wakufuma kubandu pamu mahala gha bandu, lole ukwendela mwa Yesu Kilisitu nu Chala utata, yo akamushusha kubufwe--- ² sona nabowamwabo bobali nune, kumachalichi gha ku Galatiya; ³ Ichisa kuumwe nulutengano ukufuma kwa Chala utata witu nu malafyale u Yesu Kilisitu, ⁴ yo akipa mwene kumbibi shitu ukuti atupoke utwe pakabalilo akamyaka imibibi, ukufyana nubwighane bwa Chala witu u tata, ⁵ kuyuyo kube ulughindiko lyabwila nabwila. Ameni. ⁶ Nguswigha ukuti mukung'anumuka lubilo kufuma kukwake yo akabitisha muchisa cha Kilisitu. Nguswigha ukuti mukung'anamukila kumashu agha kupambana pambana, ⁷ Takokuti kuli ashu aghangi, lole kuli abandu bamo bo bakubatamya bakulonda nu kughakolighania amashu agha Kilisitu. ⁸ Lole linga pope tungaba twetwe pamu indumi iya kufuma kumwanya ifumushe amashu aghangi ukulusha gho tukabafumukisha umwe, leka umundu uyo aghuniwange. ⁹ Isa mwo tuyughile pabwandilo, nulu sona tukuyugha, ''linga yumo akabafumukisha amashu aghangi ukululusha nagho mukapokela, leka umundu uyo aghuniwange. ¹⁰ Pakuti apa ngulonda ichisa cha bundu pamu ni cha Chala? Ka ngulonda ihoboshe abandu? Linga ngali ngughesha ukuhobosha abandu bwo tenemubombi wa KIlisitu. ¹¹ Pakuti ngulonda mumanye, bowamwitu, ukuti ishu lilyo ngafumusha talishu lya mundu. ¹² Ndakapokela ukufuma ku mundu, pamu pakumanyishiwa. musila inyingi, ngapokela ubusetuli ubwa Yesu Kilisitu kukwangu. ¹³ Mwambulika une isha ubwumi bwangu bwa muchiyuda, mwo ingafwimila ichalichi cha Chala kukila imbaka sona ngaghesha nukuchikomania. ¹⁴ Ngaya pandashi leka muchiyuda ukukila abandu abingi boshi botukaghelela nabo, ukuma kuluko lwa bandu bangu. Mwomwo ngabela ingani ngaba ne wanyiho leka ishabotata. ¹⁵ Lole u Chala yo angambatula une pambali ukufuma mulufukwe lya mayi, yo akanyitisha une ukwedela muchisa chake, ¹⁶ akahoboka ukufumbula umwana wake mumwangu, ukuti imulumilile pakati pabakuse, ndakabuka lubilo ukuti imbushe isha mubili nibanda. ¹⁷ Ndakukwela ku Yelusalemu kuko kukaba batumiwa kundashi kwangu. Musila inyingi, ngaya ku Alebiya nukunyokela sona ku Damasika. ¹⁸ Bwopakinda ifinja fitatu(3) ngabuka ku Yelusalemu ukuti imumanye u Kefasi sona ngikala nawe amashiku fifitini(15). ¹⁹ Lole ndakamubona nayumo umutumiwa kupatula u Yakobo, ubamwabo wa malafyale. ²⁰ Mufyo ngabalembela, ngubashimikishila pamaso gha Chala ukuti ndakupika. ²¹ Po ngabuka mufighaba ifya ku Silika naku Silisha. ²² Pope ndakamanyikwa pamaso ku machalichi agha ku Yudeya ghoghaba mwa Kilisitu. ²³ Bakapulika bubu ishakuyughiwa ukuti, ''umundu yuyo akatufwila apa akufumusha inongwa nulwitiko lwo akaghesha ukjukomania.'' ²⁴ Po bakamukwesha uchala chifukwa cha une.