1
Yo a Pol, God ile omaina nalo Jisas krais ile pakeke nea God ile pelalon ke iateal ile toko na sen le nalo ilemilumna nuana ke opanes godople ana ilemilumna,
2
Tomo ne eson a mimmion vusalna auken nea God, I koltet avele, I pepel ne pomon ne nan.
3
Ne nan auken ivelpol ne pepelon auken ne lulumon pepelon auken, Yo pelal motu ne a God elvelilona ile pepelon.
4
Ne a Taitus, i tun nuana na ino ya itpuluana lel peplalon.Lemialon nalo epo molna ino a God al Vovo nalo elvelilona a Krais Jisas.
5
ne utuna auleken valo yo lolel von a kirit, nalo von lo senu utuna auleken mo i vulvul ko i pake yana le la.
6
Na yonom le moion, toko ke yevo senena omole, tomo ne itutun leke opelal nalo oma voiun pasana avele ave onombol pepelon.
7
Toko ke ilopolal utuna le ilopoli unai utuna posna omole, na imukal ne utuna le ya God ile vel,utuna omole ino ya ine avele. Valo isevena itoko mukalona, mesipunon molna avele, ilemi tun ne vain avele, ipunona avele, nalo itoko pamutalona avele.
8
Valo, I lopolal leke ilemial ol ne omaon senuna. Valo imit motu, I oma omain nuana na, I lemlem na, nalo ilevoiun senuna.
9
I amal motu pepelon auken ke oliai ne kene, mo i pamele ol tomo ne pepelon senuna nalo imosek pot ne leke opepel pasa ya ine kene.
10
Pulua pom auke o lopolal toko nalo senre, pile ke onombol pepelon avele, ne auna leke otet toko le onipeti.
11
Te lipoal ol avele. O papasa oiana puluana ne pameleon utuna leke valo opamele olne kene avele.
12
Krit le va nepes ilia ve, ''Krit auleke omeltetona le, o toko pasana, o lemi lum ina anon nalo okoltetona le.''
13
Pepelon auken inuana na. Kene uake, von valo von suna pepelon motuna ya olne, mo o pavenven ole voiun,
14
mo valo osun otenna ne Juda le ole rurumon avele, eva ne ole pepelon ne tokona auna leke mo oloel nuana na auken.
15
Ne leke ovoi lemlemna, utuna puluana ilemlem. Ave ne auna leke o voi mosu avele nalo o pelal motu avele, utuna omole ilemlem avele, ave olemilumna nalo oepo senu avele.
16
Na olia ve olala nea God, ave ole voiun opanene poti ve olala ne I avele. osun lel okime nea God, onombol pepelon avele, nalo valo oma voin senuna avele.