¹ Ave von, pepel ne utuna nalo pelalon ne sovena senuna. ² Pamele toko pombomena le ne utuna puluana le ne a nop, ole voiun, lemilumon senuna, keion ne ole pelalon, ne lemialon, nalo ne nombolon a God ile pepelon. ³ Pamele sen pombomena tomo le ne paneson voiun senuna, mota oin rinrin vain, ave von pamele ol ne utuna senuna, ⁴ nalo pamele sen leke ovu ponana mo olemial oevo tomon na nalo otutun le, ⁵ ne lemilumon senuna, vulvulna, na ne lopolalon utuna vel ana, nalo opalou ol ne oevo tomon na le ole pepelon, mo opepel pasa ne a God ile pepelon avele. ⁶ Ne sovena auken, pamele tomo toko kulpopoi le ne lmilumon senuna. ⁷ Ne utuna leke von omai. Panene poti ya olne, nalo palou von, ⁸ nalo pepelon senuna teleka ana, ve oepo i pasa valo ovotitet it avele valo ole mara ne oepo pasaon auken. ⁹ Pamele lolel na le ne pomna iena utuna le, pepel senu ya olne nalo mota papasa ol, ¹⁰ mota von kem ya olne, ave mo von panene pot ole pelalon senuna, ne utuna puluana ke omai na opamele ne a God elvelilona. ¹¹ God ile lemialon ivelpol ya lalana na valo yel velil toko na senle. ¹² God ile lemialon auken ipamele it mota te sikin kimel ne i ne utuna ople ana, nalo sevenel te lopolal al mimion, te mit motu, nalo God ya mimion ino ne pomon auken, ¹³ te yal a mukalon ne elon utuna senuna ke valo isuni, nalo te paesa al poma God yon nalo Jisas krais elvelilona. ¹⁴ Jisas isuna isevena ya itne ne elvelilon it nalo te lolel lel voiun pasana le nalo te voi lemlem unai ile toko na senle, na te mit motu ne omaon voiun senuna. ¹⁵ Pepel ne utuna auleke, pamele toko na senle ne, nalo von mosek ol. Mota omole i pepel pombom ne lom pepelon.