¹ Teu rumanna ngana me,sonrou au apasia songomini lua ngana lala meu, me lopae lomeu matana ngana te lomeu matana mule uru nama kala te lomeu matana ngana ken tapu rorol mana. ² Au amate me,meu lomeu matana mule poropet me kao kare nama kituni ngailia ve,lo tana ngana Karauso Lesing tuni la aposel me kaore vonna. ³ Uru uso ngana nama lomeu matane mua me, keu ngana nama me kepele lollo ne kilisi la kae ulkala ngana te kenanne lore matana tal ngana. ⁴ Te iri kepele lollo me ,''votaena tana ngana ne Karauso mule atu muni? Ngailia la uru rorol mana kilisi,iri kitu munna kena rong'' ⁵ Iri kevei kao kana mata nei , ka iri sao me lore matane me la Nutu kaona,I pele ve tava lisi ,ve I pele te maa kapatalia mii te la ngailu, ⁶ nga rume Nutu pele te volu uso ngana lisi taupite ura ve uru rorol mana . ⁷ La veng munna kena,tava ve maa kitu alle sia me kanninte la Nutu kaona munna kena.Iri kitu alle votaena nama turung ngapa kana ve kepeu tamane me nama kiunni tolore la nutu nane nge, kemwae rorol mana . ⁸ Tulau me,au amate me lomeu matana kole me ,kae tena la Nutu matana kanna vei mana me sila iri 1000, ve 1000 sila vei me kae tena . ⁹ Keu ngana panrae lore mantana me Karauso empei ulul la pele popotia pelenga sio ke .Sao. Ulave I tutu, te tuu alla meu pari mana.I mate me, kepeu tamane me kekale pule lore matana ngana la veng tal ngana. ¹⁰ Ulave, Karauso atu me kolong kaina .Tava pokale karisi palle palama rong ngana kena .Sia kanpite meu ve uru me rorol mana. ¹¹ Uru me rorol mana kemwae ke veng kana mata nei,meu kave me keu ngana tana ngana me? ¹² Meu ma katu alle Nutu kae ke atu te meu kauma kanrisi te kapatae inte kae nei.La kae nane,sia milangana kanpite tava ,ve uru rorol mana te kilisi veime mii. ¹³ Ulave kapele la pelenga sio ke ,ita tatu alle tava popou ngana, maa popou ngana te veng toro ngana mana tuu ke . ¹⁴ Nane, teu me,meu katu alle uru nei kala me lilisi,meu kaumma kanrisi ke motoning kameu ve sao me kou palpatae sao. Kallo ke kapameu yate ngana la Nutu matana kanna. ¹⁵ Karauso empe pari mana la meu ve tu alla.I veiya mangina ka I mate me rou ita tamule.Teira rumanna ngana Paulus pasia kao nei kena la meu, pupu la lomatana ngana nama Karauso tuni la i. ¹⁶ La songomini nama me Paulus pasi re, i pepele uru nei kala.I rumanna ngana me, kao panrae ita pame lora matane pepale sao.Mangina te, keu ngana me lore matana pe palle ke Nutu kaona ve keu ngana nama lore matana pampang sao kepele pele kao nei te kepa leklek ke .Kempe la Nutu kaona name kala kena.Nane nge iri kemwae mana. ¹⁷ Teu me ,meu lomeu matane uru nei kala rong te meu kale meu pekolo .Meu sao me kata gnate keu ngana nama kepasiling alla meu me kananne lo nama palek leke kameu ne meu kakan salapi bilip. ¹⁸ Ulave meu ma kalisi kauso palle ke marmari ve karae lomatana pe ngana la Karauso Lesing .Ita ma talo angka I yana sonrou ve saelle saelle.Rumanna.