¹ Ngailia ,keu ngana poropet pasiling ngana me panrae,kekalla pot ngalua la Nutu kepeu tamane ke me .Magina mana ,iri pangalo matana pasiling ngana me kyatu kena la meu me kepalo mantana meu ke kau kare me kepa lekleke lomeu matana ngana.Iri kituni kau kanna sao ngana me kaullia tolomeu la Karauso nama raure kimule la sereng . ² Keu ngana ansuna me kenanne veng kare tal ngana.Ve la nei ,keu ngana me kepasise kau rumanna ngana kana ulu nama kenanne. ³ La veng kelanga keke kare ,iri kempe kau me kea ke mani ve uru kameu.Ansuna mana me Nutu turu angka kare me kesan ranrae. ⁴ Nutu sao me tangate anun me me kempe sereng.Sao.I pakela re me kitu anta ngape mali kangkung ngana te kitu ngalle turungapa kare. ⁵ Ngailia nia, keu ngana ve kepeu me kipul tolore la Nutu, ve I tang ngate iri sao.Sao.I veiya mii lisi te taupita re te kesanrae.Ulave I lesi pite Noa,i keu ngana pe ngana, pupu la kepeu ve tamane iri lotele lua . ⁶ Nutu pele mali Sodom ve Gomora ma kemamae ,te I siling pitare ke sia uso ngana te iri kilisi me sia puna.Uru nei kala vei me, kau pangamasi la la kepeu tamane nama me kemate me kiulul tonre la Nutu. ⁷ Lot ,i keu ngana pe ngana ,i kele kepeu ve tamane me veng kare tal ngana te, i rae veng uso ngana rumanna. ⁸ Keu ngana ne mokoi, tuu teu ngallo la iri ve, ella ve tatae veng kare tal ngana la kae me kae me te,i nanameiya lona vonna vei lalal. ⁹ Nutu lona matane ulu nama I rau mumule iri nama kenanne vengke, la veng maena nama I lona matane kana ulu ve I tal kollia kilipu tal ngana la keu ngana tal ngana me la turu ngapa kana kae uso ngana . ¹⁰ Keu ngana kana mata nama kenanne lore matana ngana nane nge,kerae kilipu tal toto mana rumanna.Pame kematau sao toto la kera vavale Nutu anun ke me . ¹¹ Iri Anun me likire pampang ve osipalle, mua tote keu ngana me ngape la maa.Ulave iri sao me kera vavala re ve kela kituru angka kare la Nutu. ¹² Keu ngana kana mata nei me,kevei me ki nama kana lona matana sao te tutu la keu ngana naa me ma kare ,iri kevalto la keval vallia te mamate mana.Nei me kemwae mana , ka ,iri saome lore matana me iri kera vavale keu ngana tana ngana. ¹³ Iri nge kerae kilipu tal ngana valto mana la veng kare tal ngana nama kempei ke.Kepele me,la veng nama kerarako ve kinining la kae, kitore mana rumanna .Iri soremana keveire kilisi toal ve iri kepesao kare mana. ¹⁴ Iri kempe kolikoli ke kepeu me me kepa lellei re.Vei me iri sao me kevaltae lore matana ngana te kempei sereng. ¹⁵ Iri keu ngana kana mata nei,kello keke la ulu nama kenanne Nutu, ve iri sao me kitutu toro mana la Nutu vei me I mate ke.Iri kemate me kenanne Beor tuna Balam veng ke nama veiya ngailia.I mate me empe veng nemokoi te rarae kilipu la veng ke tal ngana nama empe ke. ¹⁶ Ulave,Nutu pele karisi ke veng tal ngana nama kepasiling alle keu ngana me.I veiya dongki pepele me keu ngana,te pele la i me kansalapi veng nama kala i empe. ¹⁷ Keu ngana kana mata nei me ,kevei me mi matana nama popo rong ,kevei kena me sakuma nama allo ito palsange te kwi tuna sao.Nutu lesia mali kare kang kung ngana nama kitutu ke . ¹⁸ Iri kelo angka re ke kao kare panga siling ngana ,ulave kau kare kanna sao.Iri kera rae keu ngana me pou manna te kekan salapi veng sereng. ¹⁹ Keu ngana nei me kepepele me ,vei me meu kanana mam ,meu kattu ulutu.Ula ve iri kitutu kumang kaina nama veng tal ngana nama momae.Vei me keu ngana tena tangate uru tena me mumua la i, ai ve ,i nane lisi me uru nane kumang ke kaina. ²⁰ Vei me iri kerae lomatana pe ngana la Karauso Lesing ve kitu keke ke veng tal ngana la ma nei.Vei me kimule kella te kittu kepakela la veng nemokoi,nei nge kemotong tal rumanna. ²¹ Nane pe ,vei me iri lore matane ulu toro ngana nama iri kilisi kela la Nutu matana kanna,sonrou iri lore matane rong te iri kipul tonre ke lo Nutu tuni la iri. ²² Veng nei mokoi, vei me kao tena nama kepele me,''kaune kalasae rong, te i mule la te kanne kalesaena,ve ki mokae rong, i mule la te kale palulul la maa melete ngana.''