¹ Au Simon Pita,Karauso Lesing kumangke kaina, apakule songomini nei lala meu nama lomeu kenpite Lesing, munna kena vei me mam aposel me. One ve mam kamam lomatana munna kena te Nutu vengke toro ngana, la Karauso Lesing, rae mule ita. ² Lom lisi osi palle ngallo la Nutu ve Karauso Lesing lore matana. ³ Nutu tuni uru rorol mana ita tamate ke,tamoton toro ve tarae motoning pe ngana atu la Nutu lona matana ngana. ⁴ Pupu la uru uso ngana nama kala, I pele tae la ita.One korae uru pempe ngana ve one komale keke uru tal ngana nama lisi la maa nei lomatana tal ngana. ⁵ One kompei veng pe ngana, kopananne veng kone nama poteya veng kone, ve lomatana pe ngana. APOSEL ME KEKELE NUTU LAMANG KE LA KARAUSO. ⁶ Pupu la lomatana pe ngana ,one kopatore veng kone ,ve one kona nameiya maina ngana vei me veng nama one kongatae,one kopateya Nutu vengke toro ngana, ⁷ pupu la Nutu vengke toro ngana ,one kovei veng pe ngana la teng me ve la tulang me. ⁸ Vei me,veng nei rorol mana tu la one ve lisi osi palle,one kutu mana sao.One kongatae kaning ansuna la Karauso Lesing lona matana ngana. ⁹ Itia kana veng nei sao,i pame kela sao.I veime keu ngana nama matana kanna pesao ve i lona matane me Lesing lome sarae sereng ke. ¹⁰ Teu me ,veng le kampe la mokoi.One lomatane Nutu kaona pekolo,I pule one me kovei kumangke ,one kweleiso sao. ¹¹ La ulu nei ,uru ansuna me kitutu la motoning pe ngana nama tutu saelle la Karauso kita mali ke ,I Lesing ,itia na rae mule ita. ¹² Mangina te,au saelle ailalla ve apele kao nei la uru me vei me one lom matane ke, ve veime one kutu pampang ngallo la kao rumanna ngana nei one kam. ¹³ Pekolo ,au lomatane me ,voteana nama au atutu la vale pakele ngana ,alopae mule one la uru nei kala ve apele la one me ,lom matane mule uru nei kala. ¹⁴ Au nei lomatana me ,mateng kou nei atatu paran rang,veime Karauso Lesing poteya la au. ¹⁵ Te au apule likiu te apasia songomini la one me lomatane au la mateng kou. ¹⁶ Mam aposel me ,mapele la one me ,Karauso Lesing likina osi palle.I atu ante la kae tena. ¹⁷ Tamara Nutu ,Karauso kita ,tuni ya osi palle la I,ve Nutu lamana uso ngana taupite I,te I pele me ,''Au Tu nei,Au amate ke pe palle mana ve Au kitou mana ke I.'' ¹⁸ Mam matae Nutu pele mokoi la votaena nama mam matutu ngailu litu Sinai. ¹⁹ Mam matampa runrumi kao nama poropet me kepasia la Lesing ngaelia nia.Koralpite pampang kao nama iri kepasia, la I vei me lamang nama unni lamana la ura kangkung ngana te kepeu tamane me kekele ,kenanne.Lamang nei,milalang valto la kae nei lisi ve mata nama kaepa kana kurupa la lomeu vonna . ²⁰ Ngailu la uru rorol mana,one lom matana me ,kao poropet lisi la keu ngana tena lona matana sao. ²¹ Kao poropet lisi la keu ngana lona matana te i peleke.Sao.Iri nama Nutu kannuna tuu ante,Kannu Likong ngana lopae lore vonna te kepele poite I kaona.