¹ Ngane teu a bakovi te tahoka nitora na niluhoi tora tege kalohoa ni mava ne huriki ri uka nitora lakea tege nahani vivi mule ne teu. ² Teu takutaku tege vakavivi erei i made tabukoi ne teu na maki i kamumu,bara te koria ni bele kamumu. ³ Na arana,E Kristo kimi rata maki ni vakavivi mulea.Uka,i manga hini ni here pali, "e virika nita padikede ne hurika bakovi ri padikede matou ri vakaboru langa nau." ⁴ Ara maki ni here muga pali,ni here ni vakasiri teu na dala turana naro ni made madoru ni bolea nitora pololilo na nitane Deo,tege tahoka ni luhoi tora ge tora. ⁵ I ngane e Deo na ni tamudi madoru,ge vakatora matou ge habia matou a ni luhoi vona ne matou,nege matou ni made kunana pololilo ne Isu Kristo. ⁶ Ia i rata maea ne matou ni made na ni luhoi ge taku,turana ngavane teu ge taku ni kavurikea nane Deo erei ie tamane ViriDagi ne teu e Isu Kristo. ⁷ Tege made tamudi taku turane huriki ranga manga e Kristo i vakabele ani tamudi taku turane teu,na ni rana dagi ne Deo kunana. ⁸ Na arana,iau a taki maea e Kristo i rata leho na maka tara na Juda,ni vakakavea ni ta muholi e Deo,turana ni vakatorea nita gamai e Deo i rata na maka hamone tou. ⁹ Pali e huriki a tara ranga rigi habia harikianga lakea ne Deo na ni dodo vona.Ra hini nga a ni here i tabuli pali maea; "a vuhuna ra hini nga,bara habia ni rana dagi nevomu na palane huriki a tara ranga lakea bara kalolo a linge ni kavurikea ramu. ¹⁰ Lakea I ta tabu I ta maea, "matou a tara ranga moto vivi turane huriki a tara vona." ¹¹ Lakea tabu,kavurikea rane ViriDagi,matou e huriki a tara ranga,ru e hurika bakovi a ngatavine lobo rigi kavurikea rana." ¹² E Aisaia tara i ta maea, "biri tahoka a hamone Jesi biri bele I matakari e hurika tara ranga.Nevona e hurika tara ranga bara ri tahoka ni luhoi tora vona." ¹³ I ngane e Deo te davea biri vakavonu matou turana ni vivi lobo ni tamudi madoru a vuhuna matou moto luhoi tora,lakea ani tora na Hanu Kiripiripi bara moto davea maki ge bele. ¹⁴ Iau tara a tahoka ni luhoi tora i tora hateka ne matou a maka turagu.Iau tara a tahoka ni luhoi tora maea matou ranga moto vonu ne virika naro kamumu lobo turana virika ni lohoka kamumu.Iau a tahoka ni luhoi tora dagi maea,moto kara ni kori ni vakatora mule matou. ¹⁵ Iau a herea ni here i tora hateka lakea ne matou,ne virika maki ranga ni vakarike tabu a ni luhoi ne matou,vona ra nihabi i habia nau e Deo. ¹⁶ Ra nihabi iea i maea,iau a bele manga voravora e Isu Kristo erei i rudue Deo lakea ne huriki ranga,ge bele manga mugamuga na ngava turana nihabi na velenga kamumu e Deo.Iau ga rata maea na hini a nihabi ne ria e huriki ranga ge kamumu ge malimali pololilo na Hanu Kiripiripi. ¹⁷ Pololilo ne Isu Kristo i tahoka vuhuna hini iau a kavurikea ragu turane virika maki lobo e Deo. ¹⁸ Na arana,iau kama ga ta ne virika maki ranga,iau bara ta ne virika maki i vakabele nau e Kristo,a tahuna e huriki ranga ri ramaia ngava.Re virika maki nga ri bele na ngava turana naro ni ramai a ngava. ¹⁹ Turana ni vakabele ni vakasiri turana nitorana Hanu Kiripiripi.Ra hini nga i maea,ne Jerusalem turana maka tanga tabukoi vona i lakealiu o Ilirikum,iau bara vano a taki talea velenga kamumu e Kristo. ²⁰ Pololilo na hini nga,a ni ngaru dagi nau ni taki talea velenga kamumu,kimi na tanga ri lohoka pali na rane Kristo a vuhuna,iau kama ngaru ni leho langa na ara maki i ratea pali a bakovi tara. ²¹ Ra hini nga i manga hini ni here i tabuli pali: "Erei e huriki kama ri longoa velenga kamumu vona,bara ri mataia e huriki kama ri longo bara ri lohoka." ²² Vona ra hini nga kunana,boloko kupo pali i hebi a dalagu ni valai ni matai matou. ²³ Pali ngane a uka tara tanga vona ra tabeke ia iau a tahoka ni ngaru dagi ni valai ne matou muga ma. ²⁴ Iau bara polo a lakea io Spein,a ngaru hateka ni matai matou,muri bara moto vakarike muri iau,ga vivi turane matou na parava ge popote. ²⁵ Pali ngane a lakea io Jerusalem ni habi ne hurika bakovi a ngatavine ni luhoi tora. ²⁶ E hurika tara ne Masedonia turana Akaia ri vivi hateka ni ru palupu e virika maki ni kori e hurika tara ri matasia na palane hurika bakovi a ngatavine ni luhoi tora ri made io Jerusalem. ²⁷ Muholi,a maki kamumu hateka lakea to tahoka makoli ni koli.A vuhuna,hurika tara ranga ri bole ani kori na maki na spirit,pali rigi kori e hurika tara na Juda na maki na kakaine ria. ²⁸ Na tahuna a vakaloboa ra leho lakea a matai maea e huriki a tara io Jerusalem ri bolea pali ra ni kori ne ria,na tahuna a ngaru ni lakea io Spein bara valai a matai taro matou muri a vano. ²⁹ Iau a lohoka maea na tahuna a valai ne matou,bara valai turana ni habi lobo e Kristo. ³⁰ I ngane a nana matou e hurika turagu ne ViriDagi ne teu e Isu Kristo,turana ni ngaru na Spirit,moto leho tora turagu ni vasileki ne Deo ni kori iau. ³¹ Vasileki ne Deo ge vakapagitala iau ne hurika tara io Juda erei ri putupurua ngava lakea ga leho na palane huriki a bakovi a ngatavine ni luhoi tora io Jerusalem. ³² Matou moto vasileki nau ga valai turana ni vivi,na ni ngaru ne Deo pali iau turane matou tege porovisi a ni malo. ³³ A ni tamudi madoru e Deo ge tabuli turane matou lobo.I muholi.