¹ Tamudi taku turane erei ri uka ni luhoi tora nahani luhoi kadoa na naro ni vagege. ² Tara bakovi i tahoka ni luhoi tora ni kani virika maki ni kani,tara kimi tora ni luhoi tora vona ia i kani kunana kobo. ³ Erei ri kara ni kani virika maki lobo nahani rupuru e huriki kama ri kani virika maki,erei kama ri kani virika maki,nahani luhoi kadoa a viri i kani virika maki.Na rana e Deo i bole mulea. ⁴ Matou erei mu luhoi kado a voravora na bakovi tara?Na matana matakari vona bari i pesi o i boru puru,ia maki vona.Pali ia biri ratea i pesi,na rana e ViriDagi ia biri ratea i pesi. ⁵ Tara bakovi i matakilalea tara parava i polomeli ne virika parava ranga.Tara i matakilala maea virika parava lobo i palupu.Rua ge takutaku kunana ge tahoka niluhoi ne vona kunana. ⁶ Erei i matakilala parava i taku,ia i matakilala e ViriDagi erei i kani,ia i kani lakea ne ViriDagi,na rana,ia i ta kamumu ne Deo.Erei kimi kani, ia i malo ni kani ne ViriDagi lakea ia tara i ta kamumu ne Deo. ⁷ Na arana,i uka tara ne teu ge made mahuri ge nevona pali uka tara ge mate ge nevona. ⁸ Pali teu te made mahuri, teu te made mahuri ne ViriDagi lakea bara te mate te mate ne ViriDagi. ⁹ A vuhuna ra hini nga,E Kristo i mate i mahuri mule tabu,pali biri ia ViriDagi ne hurika tara ri mate turane hurika tara ri tababana ni mahuri. ¹⁰ Na ara vuhuna moto luhoi kadoa turane matou? Na ara vuhuna moto pahadanu a turane matou? Teu lobo bara te pesi na kot e Deu. ¹¹ A ngava i tabuli na buk i maea,"E ViriDagi i ta maea,"ne nau," huriki lobo bara ri turume puru turana ngavane ria bara ri kavurikea e Deo." ¹² Lakea bara te takia e Deo ne virika maki lobo te rata. ¹³ Pali nahani tege luhoi kado e huriki ranga,bara te rata maea,biri uka tara ge ru karia o vakaborua turana ¹⁴ Iau a lohoka a tahoka ni luhoi magamaga pololilo ne ViriDagi e Isu maea,uka tara maki ge katoki ne vona.Erei a bakovi I luhoi maea a maki katoki,ne bona kunana ra maki ia i katoki. ¹⁵ Maga na maki ni kani kunana moto tepua turane matou,pali ngane kama moto laho na naro ni ngaru.Nahani tepua tara viri e Kristo i mate ni bole mulea turana maki ni kani matou. ¹⁶ Pali ara maki mu matai maea i kamumu,nahani ru a viri tara ge tamaea i hale. ¹⁷ Na arana a Harikianga ne Deo kimi nevona ni kani turana ni ninu,ia nevona naro malamala,ni tamudi puruma tura na ni vivi pololilo na Hanu Kiripiripi. ¹⁸ Erei a bakovi i rata lehone Kristo vona ra dala iea,ia e Deo i ngarua turane hurika bakovi a ngatavine ri tamudi taku turana. ¹⁹ Manga hini te ramai a maki biri vakabele a ni tamudi puruma turane virika maki biri kori e hurikiranga ni bele kamumu. ²⁰ Nahani ratapilea lehone Deo na dala ni kani kunana.Virika maki lobo ri magamaga.A naro hale na bakovi i kani lakea i vakaborua viritara. ²¹ I kamumu nahani ni kanina mit o ni ninuna naru vagole o e virika maki biri rata turane mua ri boru na sin ²² Ra ni luhoi tora moto tahoka i tabuli na palane mua turane Deo.Erei atamudina kimi vakapesi mulea a vuhuna i ratea ra bakovi biri vivi. ²³ Matou erei a bakovi moto tahoka ni luhoi i rua a vuhuna a maki moto kani i vona kot pali,na arana kama moto kani turana ni luhoi tora.Ara maki moto rata kimi valai turana ni luhoi tora ia a sin.