¹ Na pida i ravulu taku a polona i lima ne Sisa Tiberius i made manga kingpali e Pontes Pailet ia gavana o Judea,e Herot tara i made i matakaria Galili pali a e Filip ia tara i matakari o Ituria turane Trakonitis.E Lisanias i matakari o Abilene. ² Na tahuna,Anas e Kaiafas ru manga rua mugamuga,ni tane Deo i valai ne Jon tune Sekeraia na tanga tavula. ³ Ia i lakea ne virika distrik lobo o Joden,i taki e hurika bakovi a ngatavine rigi pulo a tamudine ria na naro hale ne ria,pali rigi puru na naru, ngane e Deo bari vaka loboa naro hale ne ria. ⁵ A golu lobo nigi voro tagu, a lolo a kupona nigi bitarida puru,pali a dala i marogo lae nigi rata e kiripiripi, pali rata dala ge polo na hiningi uka dala vona ma, ⁶ pali huriki lobo bari mataia laho bari ratea e Deo ni bole mule teu." ⁷ Jon i taki e huriki, ri valai ne vona ge rupuru ria na naru,"matou a tuna mata!erei taki mua maia e Deo i tamudi hale ne mua pali bari rata hale mua,pali mua mu ngaru ni polo lele vona maki hale ge bele mua? ⁸ Mavonga, mua mu taki tala mu vasileki vona pekato ne mua,nahani ta kapiloho pololilo mua maia,'tamane mia Abraham,'mavonga Iau a taki matou, Deo i kara ni pulo a kedo bari manga e tune Abraham. ⁹ A kira i tabuli pali na kana kai.hurika kai koma ri vua kamumu,ria bari ni tolo voroki ni voroki lakea na kanono." ¹⁰ Huriki a bakovi a ngatavine ri nanea ri tamaia,"ara migi ratea?" ¹¹ Ia i koli i tamaia,"erai tahoka varakia i rua,ia ge habia tara na turana i uka varakia,pali erai tahoka maki ni kani ia ge habi na turana i uka maki ni kani ranga." ¹² Huriki a bakovi ni bola moni ne huriki a bakovi a ngatavine ranga ri valai ne Jon ge ru puru ria na naru,ria ri nanea e Jon maia,"Vinara,ara migi ratea?" ¹³ Ia i koli i tamaia,"Nahani bola moni ge kupo ne huriki a bakovi a ngatavine, bole ge kara vona hiningi ni ngaru mua mugu bole ne ria." ¹⁴ Ranga nugu maheto ri nanea,ri tamaia,"pali mateu?Ara metege ratea?"Ia i taki tou maia,"nahani bola moni ne huriki ranga o panaho,pali nahani tatami ni bola maki ne ria. Mua mu luhoi mai,i riva moni ni kona mua vona ia ra ia." ¹⁵ Huriki a bakovi a ngatavine ri longoa ri luhoi lege lae vona e Jon,ria ri luhoi maia mege ia kunana e Kristo. ¹⁶ Jon i koli tamaia,"Iau,a vahilolo mua na naru,bari tahoka bakovi erai i tahoka ni tora i dagi hateka ne nau,pali Iau koma mata pado ni pagea motana sendel vona.Ia bari vahilolo mua na Hanu kiripiripi turana kanono. ¹⁷ Ia bari valai turana savol na limana ge palakadoa virika tuna vit nigi ru dili na ruma ni ru a vit vona. Ia bari rungani virika luluna vit na kanono uka ge mate." ¹⁸ Jon i rata huriki a ngava i kupo ne ria rigi longo rigi pulo vilone ria. ¹⁹ Na tahuna e Jon i tahatea e Herot,gavana ne ria.Na ara ia i bole poloa e Herodias girihine tarina,pali ranga naro hale ia i rata, ²⁰ Herot i rata tabu ranga vilo hale,pali rua dilia na bavi e Jon. ²¹ Na tahuna huriki lobo a bakovi a ngatavine ni vahilolo ria,e Isu tara ni vahilolo,tahuna ia ni vahilolo,ia i vasileki, a hunu i mataka, ²² pali a Hanu kiripiripi i bebe puru manga kadirovo a balu i pasike langa vona,pali a ni gale i valai na hunu,"Ioe tugu,a ngaru hatekoe. Iau a vivi vomu." ²³ Tahuna e Isu I vaka tubu leho vona,Ia i tahoka pida i ravulu tolu.Huriki a bakovi a ngatavine ri luhoi maea ia e tune Josep,e tune Heli a bakovi, ²⁴ Heli iea tune Matat,Matat iea tune Levi,Levi iea tune Melki,Melki iea tune Janai,Janai iea tune Josep. ²⁵ Josep iae tune Matias,Matias iea tune Amos,Amos iea tuneNahum,Nahum iea tune Esli,Esli iea tune Nagai, ²⁶ Nagai iea tune Mat,Mat iea tune Matias,Matias iea tune Semein,Semein iea tune Josek,Josek iea tune Joda. ²⁷ Joda iea tune Joanan,Joanan iea tune Resa,Resa iea tune Serubabel,Serubabel iea tune Salatiel,Salatiel iea tune Neri, ²⁸ Neri iea tune Melki,Melki iea tune Adi,Adi iae tune Kosam,Kosam iea tune Elmadam, Elmadam iea tune Er,Er iea tune Josua, ²⁹ Josua iea tune Elisa,Elisa iea tune Jorim,Jorim iea tune Matat,Matat iea tune Levi. ³⁰ Levi iea tune Simion,Simion iea tune Juda, Juda iea tune Josep,Josep iea tune Jonam,Jonam iea tune Eliakim, ³¹ Eliakim iea tune Melea,Melea iea tune Mena,Mena iea tune Matata,Matata iea tune Natan,Natan iea tune Davit,Davit iea tune Jesi,Jesi iea tune Obed,Obed iea tune Boas,Boas iea tune Salmon,Salmon iea tune Nason. ³³ Nason iea tune Aminadap,Aminadap iea tune Admin,Admin iea tune Admin,Admin iea tune Ani,Ani iea tune Hesron ,Hesron iea tune Peres,Peres iea tune Juda, ³⁴ Juda iea tune Jekop,Jekop iea tune Aisak,Aisak iea tune Abraham,Abraham iea tune Tera,Tera iea tune Naho,Naho iea tune Serug,Serug iea tune Reu,Reu iea tune Peleg,Peleg iea tune Ebe,Ebe iea tune Sila. ³⁶ Sila iea tune Kainan,Kainan iea tune Afaksad,Afaksad iea tune Sem,Sem iea tune Noa,Noa iea tune Lamek ³⁷ Lamek iea tune Metusela,Metusela iea tune Inok,Inok iea tune Jared,Jared iea tune Mahalalel,Mahalalel iea tune Kenan, ³⁸ Kenan iea tune Enos,Enos iea tune Set,Set iea tune Adam,pali e Adam iea tune Deo.