¹ Vona ra parava ia,Sisa Ogastas i rua tara lo maia huriki lobo a bakovi a ngatavine ri made polo tano na Roman gaman,ria rigi habi a rane ria. ² Parava ni vaka tubu nigi gi a rane huriki a bakovi a ngatavine, ra hinigna i bele na parava e Kwairinias ia gavana o Siria. ³ Mavonga i taku taku e huriki ri lakea na vuhu tanga ne ria ri habi a rane ria. ⁴ Josep I bele na tara e King Devit,mavonga Ia i hata roa e Nasaret o Galili pali I lakea o Judia na tanga kiroko e Devit, ni gale Betliem. ⁵ Ia i vano turana e Maria rugu rua rane rua.Maria I singou,ia ra ngatavine ni taki ga rihina. ⁶ Na tahuna ru bele o Betliem.Maria i hata Kia koma. ⁷ ,Hurika ruma ni habi ne huriki Koma ria tahu tanga i vonu, lakea ru mahita na ruma na bulmakau,i podea koma bakovi, i Sivua na lavalava i ria na murina ni kani ne hurika bulmakau. ⁸ Vona ra rodo ia e huriki a bakovi ni matakara sipsip ri mata kara sipsip ne ria polovavo na tanga o Betliem. ⁹ Tara angelo e Deo i bele ne tou,pali a bagetua e Deo i kavatagu tou,pali tou to mangenge hateka. ¹⁰ Muri a angelo e Deo i taki tou maia,"nahani mangenge, nara Iau bara taki talea matou tara ngava kamumu,pali ra ngava ea bari haba ni vivi ne huriki lobo a bakovi a ngatavine. ¹¹ Mona a bakovi ni kori mule huriki a bakovi a ngatavine I poda na tanga e Devit!Ie Kristo e Isu! ¹² A kila bari ni vakasiria matou vona:Ba mu mata ia tara koma barini sivu na lavalava pali ni vuli pololilo na murina ni kani ne huriki a bulmakau." ¹³ Laviri kunana a kabuna angelo na hunu ri bele ri turana ra angelo ea ri kavurikea ri tamaia, ¹⁴ "Kavurikea rane Deo polomeli hateka,pali na mala huriki a bakovi a ngatavine bari tamudi kamumu pali e Deo bari vivi ne ria." ¹⁵ Tahuna angelo to pe tou to hamule na hunu,tou to vata mule ne tou,"Teu te vano te loko Betliem te masia ra maki bele,i vaka longo teu vona e Deo." ¹⁶ To malaviriri kunana to vano to bele pali to matai e Maria,e Josep,a koma,ni vuli pololilo na murina ni kani ne huriki a bulmakau. ¹⁷ Muri ne tou to masia,tou to vaka longo ara maki taki tou vona angelo vona ra koma ea. ¹⁸ Huriki a bakovi a ngatavine ri longoa ra ngava to takia ri luhoi lege. ¹⁹ Pali e Maria i ru na tamudina ra huriki a ngava nga i luhoi. ²⁰ Ra bakovi nga tou to hamule,to kavurikea rane Deo na ara maki to longa to masia,manga kunana hiningi ni taki ne tou. ²¹ Muri na parava i polo tolu ne kinana i podea, Ia ni pala kulina,pali ni vunu a rana e Isu.Ra rana ea,i vunua angelo na parava ia koma i singou vona ma e kinana. ²² Na parava Ia i mata pado na matane Deo i lobo,i ramaia lo i rua e Moses,Maria e Moses ru bole lakea na roho ni vasileki o Jerusalem nigi habi mule ne Deo. ²³ Manga kunana hiningi ni here pololilo na lo e Deo."Ne huriki a tabua lobo a bakovi I bele,ria bari ni habi mule ne Deo." ²⁴ Pali tou to habia ni habi manga kunana hiningi taki a lo e Deo,"Habi a tuna kadirovo ge rua manga ni habi." ²⁵ Vona ra parava ia i tahoka tara bakovi o Jerusalem a rana e Simion,ia bakovi ni rata vilo kamumu pali vasileki ne Deo.Ia davea ra parava vona ra bakovi i pasia Deo ni rata kamumu e huriki a Israel, pali a Hanu kiripiripi I tabuli turana. ²⁶ Hunu kiripiripi I takia Maia, ia koma ge mate ma,is bari masia e Kristo. ²⁷ Hunu kiripiripi i mugea Simion i dili na roho ni vasileki.Na tahuna e Maria e Moses ru bole dilia e Isu,ni gi rata virihi vona hiningi ramaia lo, ²⁸ Simion i bokea na limana pali kavurike e Deo,pali ia i tamaia," ²⁹ Ngane o rua voravora vomu ge vano turana ni vivi,o Deo,ramaia ni tamu. ³⁰ Ngane a matago i mataia pali a maki bari bole mule mia, ³¹ Ioe o vaka belea na matane huriki a bakovi a ngatavine: ³² Tara ni para bari taki talea ni ta kapiloho ne huriki a bakovi a ngatavine ranga,pali bari ru rikea rane Israel. " ³³ Tamana e kinana ru luhoi lege vona huriki a ngava ru longo. ³⁴ Simion i talo kamumu tou,pali takia e Maria e kinana,"Longo,ra koma ea i pasia Deo ne huriki a bakovi a ngatavine o Israel ge boru puru pali bari rata i kupo bari ri pesi tabu.Ia bari bele manga kilakila koma i ngarua huriki a bakovi a ngatavine. Pali a ni ta kapiloho ne huriki a bakovi a ngatavine bari bele kava ³⁵ Pali ioe baro bolea tara ni madihi i dagi hateka, manga vito i padoe i palakudua hatemu. ³⁶ I tahoka tara propet ngatavine rana e Ana.Ia e tune Penuel a tara e Asa.Ia i gare halililu.Ia i parangi pali made vona pida i polo ru turane girihina. ³⁷ Mate e girihina ia i made kerikeri na pida i ravulu polo tolu a polona i va.Ia koma i hataroa roho ni vasileki,ia i pe a maki ni kani pali vasileki na rodo a haro. ³⁸ Vona ra parava ia i valai tabukoi ne huriki pali nana i habia ni ta kamumu ne Deo,pali ia i taki ria vona ra koma ri davea ge habia ne ria Deo ge bole mule ria huriki a bakovi a ngatavine Jerusalem. ³⁹ Na tahuna ri vaka lobo a hiningi ni ngaru rigi rata ramaia lo e Deo,ria ri hamule o Galili,na tanga kiroko ne ria o Nasaret. ⁴⁰ Isu i koru rike i tora,ni luhoi kamumu i dagi hateka vona pali ani dodo ne Deo i tabuli turana. ⁴¹ Ne huriki a pida lobo e kinana e tamana ru luhoi ni loko Jerusalem ni mataia parava na pasova ⁴² Na tahuna e Isu i tahoka pida i ravulo taku a polona rua ,ia i hamule tabu o Jerusalem ramaia huriki a parava ni vapopo dagi. ⁴³ Lobo a parava na vaponga ria ri hamule.Pali e Isu i made mule o Jerusalem, pali e kinana ra e tamana koma ru palala vona. ⁴⁴ Rua ru luhoi maia ia i turane huriki ri valai palupu,pali ria ri laho pali na hini ola.Muri ri viroa ri vanana lae vona ⁴⁵ Na tahuna ria koma ri mata ia,rua ru hamule tabu o Jerusalem ru mata kanena. ⁴⁶ Muri na parava i tolu ru matavisia pololilo na roho ni vasileki, made na koropalane huriki a vinara,i longo ria pali nana ria na ni nana. ⁴⁷ Huriki ri longoa, ri luhoi lege vona lohokanga i tahoka, pali hurika ni koli ia i habi mule. ⁴⁸ Tahuna ru mataia,rua ru turutu.Kinana i takia i tamaia,"Tugu,navai a hini o ratamai maria?Longo,maria e tamamu miri tamudi hale vomu miri matakanoe." ⁴⁹ Ia i koli rua i tamaia"Navai muru matakanau?Marua koma muru palala maia,iau bara made pololilo na ruma e tata? ⁵⁰ Pali kama ru bole kamumu ara vuhuna ni luhoi ia i koli. ⁵¹ Lakea ia i hamule turane rua o Nasaret, ia i longo toto rua.Lakea kinana I ngaru hatekea na hatena. ⁵² Isu i koru turana ni luhoi kamumu i dagi turana lohokanga.E Deo i ngaru hatekea pali huriki ranga ri ngarua hatekea.