¹ Ngne a parava na vaponga na bret i uka ist i valai tabukoi,ni gale a Pasova. ² Huriki a mugamuga turane huriki a bakovi ni lohoka na lo ri vata ne ria,ge navai a dala togo ratea nigi bimate Isu,na ra ria ri mangenge ne huriki a bakovi a ngatavine ³ Pali e Judas Iskariot,erei ia tara a murimuri e Isu nga to ala ravulu taku a polona i rua. ⁴ Judas i lakea ne huriki a mugamuga a Kepten ri vata turana ria ni bolea e Isu ge habia ne ria ⁵ Pali ria ri tamudi taku nigi habi vona moni. ⁶ Judas tamudi taku pali ia i matakanea tara dala ge bolea e Isu ge habi na limane ria na tahuna i uka tara viri ge muri vona. ⁷ Pali valai na parava na bret i uka ist,pali ia parava ni bimate a maka tuna sipsip na Pasova. ⁸ Pali e Isu i rudu e Pita e Jon,i tamaea,,"Marua muru muga muru rata puru a maki ni kani ne teu na Pasova,bari te kani." ⁹ Pali ri takia maea,"Ivai hiningi o ngaru teu tege kani vona?" ¹⁰ Ia i koli i tamaea,"Masia,na tahuna Marua muru bele na tanga dagi bari tahoka tara bakovi bari bole baket na naru bari moto vakorokoro muru muri vona ivai a ruma i dili vona muru dili. ¹¹ Muri muru takia maea,'Vinara i taki ioe maea,"I vai rum ne huriki ri valai basi,ga kani turane hurika murimuri nau na Pasova?" ¹² Ia bari vakasiri marua vona rum dagi i tabuli polomeli.Muru rata puru a maki." ¹³ Pali ru vano,pali ru matai maea ara maki taki i bele manga ia i taki.Muri ru rata puru a maki ni kani na Pasova ¹⁴ Pali a parava i bele,Isu i made turana e hurika aposel vona. ¹⁵ Muri i taki ria," Iau a tahoka ni ngaru i dagi hateka ne nau ga kania ra Pasova turane matou muga Iau ga bola ni madihi. ¹⁶ Iau a taki matou,Iau koma ga kani turana matou tabu na tahuna i bele muholi a maki taki e Deo ge bele na harikianga ne Deo ¹⁷ Na tahuna e Isu i bole kap,pali ta gamai ia i tamaea,"Bolea,mu vaveru ne mua. ¹⁸ Iau a taki matou,Iau koma ga ninu tabu vona ra vuana ra wain vano na parava a harikianga ne Deo bari bele." ¹⁹ Pali muri i bolea bret,tahuna i gamai loboa,i kevea,i habi ne tou,i tamaea,"Ra makea podagu,ni habi mua.Ne mua mugu luhoi Iau." ²⁰ I bolea kap i rata manga ngi rata muri ne ria ri kani,ia i tamaea,"Ra kap ea ia kontrak karaba pololil na podagu,ni guru tala ne matou. ²¹ Pali mu longo.A viri bari ru Iau na limane huriki a pilea ia I made turagu ngane na dede na maki ni kani. ²² Ra hininga bari bele ne Tuna Bakovi manga ngava e Deo i taki.Pali a dodo hatekea ra bakovi erei ge habia na limane huriki a pilea!" ²³ Ria ri vata mule ne ria,"Erei ne tou ge rata ra hininga?" ²⁴ Pali ri tapuhaki ne ria maea erei ge muga. ²⁵ Pali e Isu i taki tou maea,"Hurika king na tara tara i made dagi ne ria.Pali e huriki ri tahoka ni tora i dagi ria, e huriki ri luhoi ni rata kamumu ne hurika tara ne ria ²⁶ Pali nahani ga bele ne matou,mavonga,bakovi made dagi na palane matou ia ge bele manga koma bakovi,pali tara i dagi a rana ia ge bele manga voravora tavula. ²⁷ Pali erei i dagi a rana,mege ia ra bakovi i made i kani, o mege ia ra voravora tavula? Pali iau a made na palane matou manga voravora ne matou. ²⁸ Pali mua mu made turagu ne hurika ni toni i bele nau ²⁹ Iau a habia mateu harikianga,manga e Tata i habia nau a harikianga vona, ³⁰ bari mu kani mu ninu na dede na maki ni kani pololilo na harikianga nau,pali bari o made na sia king pali bari o luhoi kado a maka narone huriki a tara o Israel i ala ravulu a polona i ua. ³¹ Saimon,Saimon,o kali kamumu, Satan i nanea e Deo maea ia ge bokoe, manga bakovi ni vakula vit. 32 Pali Iau a vasileki ne vomu,maea ni luhoi tora vomu ge nahani boru.Parava ioe o hamule o vaka tora make tarimu." ³³ Pita I takia maea,"Viri Dagi,Iau a kara ni muri turamu lakea na bavi o ni matae." ³⁴ Isu i kolia i tamaea,"Iau a taki ioe,Pita,A kureko koma ge tangi ma, ioe bara o ta maea koma o palala ne nau bloko tolu." ³⁵ Pali muri e Isu i taki tou maea,"Na tahuna Iau a rudu matou hamule na tanga mua koma mu bola pou,hole, o a su,o mogo uka tara maki?"Ria ri koli,"Uka." ³⁶ Pali muri i taki tou,"Pali ngane,a viri tahoka pou,rua ge bolea,turana hole.Pali a viri uka vito ia ge salimia varikia vona ge konea tara. ³⁷ Pali Iau a taki matou,ara maki i here a maka propet ne nau na buk e Deo ia ge bele muholi." ³⁸ Pali tou to koli maea,"Viri Dagi,o masia! a vito i rua i tabuli." pali e Isu i taki tou maea i kara." ³⁹ Isu i vano,I sike na lolo e Oliv, manga ia luhoi ni rata pali e huriki a murimuri vona ri muri vona. ⁴⁰ Na tahuna to bele,i taki tou maea,"Mu vasileki pali koma mu boru na ni toni." ⁴¹ Pali e Isu i pe ria i vano basi popote manga hini ni pesi vona ni vora kedo,pali pasike puru i vasileki i tamaea, ⁴² " Tata,ge ia ni ngaru vomu, i kara go bole vorokia nau a kap. Pali ioe o nahani ramaia ni ngaru nau uka rua ni ngaru vomu ge bele." ⁴³ Tara engel i valai na hunu i bele vona i vakatorea. ⁴⁴ Isu i bole tara ni madihi i dagi hateka pali vasileki tabaka,a mavidia vona sisi puru na malala manga dara. ⁴⁵ Na tahuna ia i lobo ni vasileki ia i pesi rike,i valai ne huriki a murimuri vona pali matai ria ri mahitan ⁴⁶ pali nana ria,"Navai moto mahita? Hadongo rike moto vasileki,pali ani toni koma ge valai ne mua." ⁴⁷ Na tahuna ia i tabana ni tata,malaviriri kunana, a kabuna bakovi ri bele,turane ria e Judas,a turana murimuri vona,ia i muga ria.Ia i valai tabukoi ne Isu pali ngurua, ⁴⁸ Pali e Isu i takia maea,"Judas,ioe o ngaru ni habia e Tuna Bakovi na limane huriki a pilea vona ra ni nguru vomu?" ⁴⁹ Na tahuna ri matai e huriki ria vona turane Isu ra hininga, ria ri tamaea,"Viri Dagi,i kara ne mia ni vaubi turana vito?" ⁵⁰ Pali tara ne tou a murimuri vona i voro a vito ne vona tara voravora ne hurika mugamuga, pali palakudu talea talingane kanena. ⁵¹ Isu I tamaea,"I pali!"I nugua talingane,i rumulea. ⁵² E Isu i takia ria maka mugamuga, kepten na tempel, pali a maka matakari ri valai ni nugu tatea maea,"Re mua mu valai ni bolea tara bakovi ni panaho, turana maka vito a kai ni ubia? ⁵³ Pali Iau na parava lobo Iau a made na tempel, pali mua koma mu nugau.Pali ngane a parava mua turana ni tora na uvo." ⁵⁴ Ni nugu tata e Isu,pali ni bole lakea na roho ne huriki a mugamuga.E Pita i laho muri liu. ⁵⁵ Pololilo na murine huriki a mugamuga ri tunua kano na kurukuna pali ria ri made palupu, Pita i laho dili. ⁵⁶ Ranga voravora a ngatavine ri masia i paraia kanono pali ia i mata lakea i tamaea"Ra bakovi ea ia tara turane tou." ⁵⁷ Pali e Pita i lavuni,i tamaea."ngatavine, Iau koma palala vona." ⁵⁸ Koma i tabaka i tara masia,pali tamaea,"Ioe tara ioe a turana,"Pali e Pita i tamaea,"Bakovi, kimi Iau." ⁵⁹ Muri na aua i taku tara tabu i valai nana,"Muholi ra bakovi ia tara ia turana,ia bakovi o Galili." ⁶⁰ Pali e Pita i tamaea,"Bakovi, Iau koma palala ara maki o takia."Malaviriri kunana, na tahuna ia i tata,a kureko i tangi. ⁶¹ Isu i puloa,i mata lakea ne Pita,pali e Pita i luhoia ngavane Viri Dagi,Na parava ia i takia maea,"Muga na kureko ge tangi ioe bara o nana rovi nau bloko tolu." ⁶² E Pita i pori polovavo pali tangi dodo. ⁶³ Pali muri e huriki ri matakaria e Isu ri rata haleha ri ubia. ⁶⁴ Ni voro tagu na varikia pali ni nana,ri tamaea. "Propet!Erei i uboe?" Ria ri taki a maka ngava kimi kamumu ne Isu,pali ri rata halea. ⁶⁶ I mavida more,hurika mugamuga ri vapopo palupu, hurika mugamuga a bakovi ni palala na lo.ri bole dilia ne huriki a Kausel ⁶⁷ pali ri tamae,"Gi ioe Kristo,o taki matou."Pali is i koli ria,"Pali Iau ga taki matou,matou koma motogo luhoi torea, ⁶⁸ pali ge Iau ga nana mua,mua koma mugu koli. ⁶⁹ Ngane muri ma,e Tuna Bakovi bari made na limana kanena turana ni tora ne Deo." ⁷⁰ Ria ri tamaea,"Mavonga ioe Tune Deo?" Isu i taki ria maea ,"Manga hiningi mu taki," ⁷¹ Ria ri tamaea,"I navai si ngara viri ge bole kori hita na ngava? Nara teu te longoa na ngutuna ia i taki."