¹ Isu i masia tara bakovi i tahoka hateka mahala i valai ri rupurua a maka mahala ne ria na boks. ² Pali mataia tara ngatavine i mate e girihina i rua toea i rua. ³ Pali ia i tamaea,"Muholi hateka Iau a taki matou, ra ngatavine ea i uka maki pali ru a mahala koma i kara ne mua. ⁴ Hurika maki lobo mu habi mu bole tala na maki mua mu tahoka.Pali ne vona ra ngatavine ea i uka liu a maki pali ia i kara ni habi na maki ia i uka.." ⁵ Pali ranga i ta na tempel,ni vakabagetua na maki kedo turana maki peda ni habi ne Deo manga ni habi ne tou.Isu i tamaea, ⁶ "Ne vona ra hurika manga nga mu matai,na parava tara bari valai a kedo bari tabuli langa na viri tara bari ni bitarida puru." ⁷ Pali ri nanea, ri tamaea," Vinara,na ara parava ge bele ra hininga?ara kilakila ge bele ge vakasiri maia ra hurika maki nga?" ⁸ Isu i koli i tamaea,"mu kapi kamumu maga ni tami mua.Kupo bari valai na ragu,bari tamaea, Iau e Isu,'pali,'Parava i valai tabukoi.'Nahani muri ne ria. ⁹ Na tahuna mua mu longa maea a vaub dagi i bele huriki ri vabi mate,nahani mangenge,nara hurika maki nga bari bele taro,pali ani koma ni lobona malala." ¹⁰ Muri i takia ria,"Hurika tanga dagi bari vaubi turane hurika tanga dagi,pali hurika king turana hurika king ranga. ¹¹ Bari tahoka tara burke,ne huriki a tanga lobo bari tahoka ni vitolo i dagi hateka bari bele.Bari bele a hurika maki i kupo bari rat e huriki ri mangenge pali huriki a maki bari bele na hunu. ¹² Pali muga ne hurika maki nga ge bele,bark ni nugu tata mua ni rata pile mua bari ni bole mua lakea na roho ni vasileki pali na bavi,bari bole mua lakea na king turana matakari na ra vona ragu kunana. ¹³ Nga i kamumu ne vomu go taki talea ngavane Deo ne ria. ¹⁴ Mavonga mu nahani luhoi lege ni dodo ara ngava mugu koli ria. ¹⁵ Nara Iau bara rua na ngutumu a ngava pali bara habi matou a ni luhoi kamumu pali e huriki a pile matou koma rigi taki matou. ¹⁶ Huriki e tamamu kinamu,tarimu,maka kabu vomu a turamu ria ranga bari ru mua na limane huriki a pilea,pali bari ni bimate ne matou ranga. ¹⁷ Bari ni koi matou na ragu kunana. ¹⁸ Pali bari uka tara ivu na gine matou ge velu. ¹⁹ Mu pesi tora pali bari mu bolea ni mahuri malaku. ²⁰ "Na tahuna o masia e Jerusalem i pesi karia nugu maheto, mua mu luhoi maia a maki hale bari bele i valai tabukoi. ²¹ Vona ra parava ia huriki ri made o Judea bari ha sike na lolo,pali e huriki ri made na tanga dagi bari hataro,pali e huriki ri made na tanga dagi koma rigi dili ne huriki a tanga ri tabukoi na tanga dagi. ²³ Ni dodo ne huriki a ngatavine ri singou pali a viri vaka ruru bona ra parava ea!bari tahoka tara ni mava bari vona ra malala Deo bari rata madihi ne huriki a bakovi a ngatavine. ²⁴ Ranga ne ria bari ni bimate pali ranga bari ni ru na bavi na tanga tebi.pali a hurika tanga dagi ranga bari pahea e Jerusalem i vano na parava takia e Deo. ²⁵ Bari bele na hunu a kilakila,na keva pali na hada, na malala.Hurika tanga dagi bari lobo hurika bakovi a ngatavine bari mangenge na nangina dari. ²⁶ Ria bari mangenge ri boru puru tavulavula ria ri mangenge vona hurika maki i bele na malala pali a hurika maki tora na hunu bari vakulu. ²⁷ Pali muri ria bari masia e Tuna Bakovi bari puru valai turana ni tora bagetuanga. ²⁸ Pali na tahuna ri bele ra hurika maki nga,pesi rike o mata rike,nara bakovi ni kori i valai tabukoi." ²⁹ Isu i taki tou vona tara ni ta vakakika, "Moto mata lakea moto masia kai a fik,pali e huriki a kai ranga. ³⁰ Na tahuna ria ri lubu,mua mu palala maea a haro bari bele. ³¹ Manga kunana,na tahuna o matai ra hininga i bele matou moto luhoi maea a harikianga ne Deo i valai tabukoi ³² Muholi Iau a taki matou,Huriki a tara mona koma rigi mate ria bari matai ra hurika maki nga bari bele. ³³ A Hunu a malala bari lobo,pali a ngane Deo koma ge lobo. ³⁴ " Pali mua mu kapi kamumu ne mua,ma mugu ngaru ni ninu a maka naru i tora mugu manga pali mugu dodo a maki mugu tahoka,parava bark bele na tahuna mua koma mu luhoi ge bele. ³⁵ Ra parava ia bari bele ne huriki lobo a ngatavine a bakovi vona ra malala ea. ³⁶ Pali mu pasi mata na parava vakaroro,pali mu vasileki tora bari bole kori mu na maka maki i bele,pali bari mu pesi tora na matane Deo." ³⁷ Parava vakaroro na haro Isu i vavara na tempel,na rodo ia i vano i lakea na lolo e Oliv. ³⁸ Ne hurika hetelanga lobo huriki a bakovi a ngatavine ri valai na tempel ni longoa.