¹ Isu i hataroa e Jeriko. ² Malaviriri kunana,i tahoka tara bakovi a rana e Sakias.Ia mugamuga ne huriki a bakovi ni bola takis pali ia i tahoka mahala. ³ Ia i ngaru ni masia e Isu,pali ia koma i karea ni masia nara i kupo hateka e huriki, nara i kapo hateka. ⁴ Ia i nunu muga pali rike na kai a sikamo ge masia,nara e Isu bari polo vona ra hininga. ⁵ Na tahuna i valai na vuhuna ra kai ea,i mata rike i takia,"Sakias,puru valai malaviriri,mona Iau bara made turamu na ruma vomu." ⁶ Lakea i puru Malaviriri bole lakea na ruma e Isu turana ni vivi. ⁷ Na tahuna ri matai e huriki ra hininga, ria ri ta kupo gala,ri tamaea,"Ia i lakea na ruma na bakovi ni rata naro hale." ⁸ Pali e Sakias i pesi rike i takia e Isu,"Masia,Viri Dagi,bara habi ne huriki ri uka maki a kalavana virika mahala nau,pali Iau a panaho ne huriki ranga Iau bara koli a ru langa bloko va ra maki ne ria Iau a bole." ⁹ Isu i takia im tamaea,"Mona e Deo i bole mule e huriki vona ra ruma ea,na ra ia tara ia e tune Abraham. ¹⁰ A Tuna Bakovi i valai ni matakana pali ni bole mule huriki ri velu." ¹¹ Ri longo ra hininga,pali e Isu i takia ria vona tara ni ta vakakika, nara ia i tabukoi o Jerusalem, pali ri luhoi maea a harikianga ne Deo bari bele ngane. ¹² pali tamaea mavonga,"I tara bakovi vona rana i lakea vona tara tanga dagi na hini tebi nigi gamai ge ia king pali muri ia bari hamule. ¹³ Ia i gale a voravora vona to ala ravulu pali vaveru ne tou to bole ravulu lima ne tou takutaku pali taki tou maea,'Moto rata leho vona mahala a habi vano na tahuna i ga hamule.' ¹⁴ "Pali e huriki a tara vona koma ri ngarua mavonga to rudu ranga bakovi to muri vona, to takia maea,'Mia koma mi ngarua ra bakovi ea ge ia king ne mia,' ¹⁵ Pali lakea ni gamai pali ge ia king lakea i hamule,i taki a maka voravora vona erei i haba moni ne tou ge gale valai tou,ge longo tou vona ara tou ratea vona moni ia i habi ne tou. ¹⁶ "Pali valai viri muga ,i tamaea,'Viri Dagi,a ravulu polona lima a leho a ratea 500 a rulangea bona,' ¹⁷ "Pali a king i tamaea,kamumu hateka,voravora kamumu na ra ioe o matakari kamumu a maki kiroko, ioe boro matakari a maki tanga dagi ravulu.' ¹⁸ "Muri i valai tabu tara.i Tamara,'A moni vomu i ravulu lima,Viri Dagi,a ru langa tabu 250.' ¹⁹ Pali a king i tamae,'ioe bara o matakari a tanga dagi I lima.' ²⁰ " Muri i valai tabu tara,i tamaea,Viri Dagi a moni vomu ea i ravulu a polona lima,a ru kamumu kapiloho na varikia, ²¹ nara iau a mangenge ne vomu,nara ioe o bole rike ara maki ioe koma o rupuru,pali o lipu ara maki ioe koma o varo.' ²² "Pali e king i takia maea,'Na ngavamu kunana Iau bara luhoi kado iea,ioe a voravora hale.ioe o taki maea o palala nau,a bole rike ara ma ru pali a lipu ara ma varo. ²³ Pali navai koma o ngaru ni rua na benk,pali na tahuna a hamule bara bole turana ranga moni bari ni ru langa vona?' ²⁴ Pali a king i taki a huriki ri pesi tabukoi,'Bolea vona moni a habia vona moto habia na bakovi rata moni kupo.' ²⁵ "RI koli ri tamaea,'Viri Dagi,pali ia i tahoka 500 tabu.' ²⁶ "Iau a taki matou,e huriki ri tahoka maki kupo bari ni ru langa tabu,pali erei i uka,pali popote ia bari ni bole voroki vona. ²⁷ Pali e huriki ri koi nau,ge iau a king ne ria ,mu bole valai ria na matagu pali mu bimate ria." ²⁸ Na tahuna taki ra hininga,Isu i laho tabu i loko Jerusalem. ²⁹ Isu i valai tabukoi o Betfeij e Betani,vona kupona ni gale e Oliv,i rudu a voravora vona i ru, ³⁰ I taki rua maea,"Muru lakea vona ra tanga kiroko ea,na tahuna muru bele, bari muru masia tara donki ni kolo, muru pagea muru bole vilia ne nau. ³¹ Pali ge tahoka viri ge nana marua, 'I navai muru pagea donki?'muru taika maea,'Viri Dagi tahoka leho vona." ³² Ru vano ru bele ru matai maea ara maki taki e Isu i bele manga hiningi is i taki. ³³ Na tahuna ru pagea,a tahona i nana rua,"Navai muru pagea donki?" ³⁴ Rua ru tamaea,"Viri Dagi i tahoka leho vona." ³⁵ Ru bolea i lakea ne Isu,pali ri bole a maka varikia ne ria ri ru langa na donki pali made vona e Isu. ³⁶ Na tahuna to vano,to voro na dala a maka varikia ne tou i laho langa vone Isu. ³⁷ Isu i valai tabukoi na ni dili na vuhuna kupona e Oliv i puru,huriki a bakovi a ngatavine ri muri ri vivi ri kalolo ri kavurikea e Deo vona viri maki dagi ia i rata ri matai, ³⁸ Ri tamaea,"Vivi vona ra king ea i valai na rane Viri Dagi!Ni vivi na hunu a bagetuanga polomeli!" ³⁹ Ranga Parisi pololilo ne ria ri nanea e Isu,"Vinara,O tahate e huriki ri muri vomu." ⁴⁰ Pali e Isu I koli i tamaea,"A taki matou,"ria rigi mangulu,ra virika kedo nga bari gale tala." ⁴¹ Tahuna e Isu i valai tabukoi na tanga dagi, ⁴² i tamaea, "tahuna ioe go palala vona ra parava ea,i ioe,ara maki I habani vivi vomu!Pali ngane i kapiloho na matamu ⁴³ Tara parava bari bele,huriki ni pile bari kapi karoe ni tono tala,barini matakani ni vaubi turamu na maka tanga lobo. ⁴⁴ Bari ni bimate puru na malala,pali e huriki e tumu bari taringoe.Koma rigi rua tara kedo ge tabuli polo meli na viri tara ara ioe koma o mata kilalea e Deo i ngaru ni koroe," ⁴⁵ Isu i dili na roho ni vasileki pali lili tala e huriki ri vahabi na maka maki, ⁴⁶ Isu i taki ria maea,"Ni here a buk na lo,'A ruma nau ge ia ruma ni vasileki, 'Pali mua mu rataea i manga ruma ne huriki a panaho." ⁴⁷ Pali e Isu i vara parava vakaroro na roho e Deo.Pali e huriki a mugamuga ne huriki a mugamuga lobo ri ngaru ni bimatea e Isu, ⁴⁸ Pali ria koma ri matavisia tara dala na ra e huriki a bakovi a ngatavine ri made ri longo kamumua i tata.