1
Muri i taki tara ni ta vakakika ne tou ge navai tou togo vasileki pali nahani togo koi,
2
I tamaea,"Na tanga dagi tara i tahoka tara bakovi ni luhoi kado ia koma i mangenge ne Deo pali koma i toga viri
3
Pali i tara ngatavine i mate girihina vona ra tanga dagi ea,ia na parava lobo ia i valai ni masia ra bakovi ni luhoi kado pali takia ,maea,'kori iau a pile nau i ngaru ni tara pile iau.'
4
I tabaka pali ia koma i ngaru ni koria,pali muri ia i luhoi maea, 'Iau koma mangenge ne Deo o luhoi hateka bakovi,
5
pali ra ngatavine ea i mate girihina i habia nau tara ni madihi,pali bara koria na kot vona,pali ge na nahani hamule valai ni haba ni madihi ne nau."
6
Muri e Isu i tamaea,"Mu longo kamumu ara maki ra bakovi ni luhoi kado kimi kamumu.
7
I navai e Deo koma i kara ni rata malimalia kot ne huriki a bakovi a ngatavine ri luhoi torea,o uka?
8
Iau a taki matou,Deo i malaviriri ni kora viri.Pali na tahuna ne Tuna Bakovi i valai,ia bari matai e huriki a bakovi a ngatavine ri luhoi torea ne vona o uka?"
9
E Isu i takia tara ni ta vakakika ne huriki ri loho mule ne ria pali ri loho puru ne huriki ranga,
10
" Bakovi i ala rua ru lakea na roho ni vasileki rugu vasileki a Parisi tara a bakovi ni bola takis tara.
11
A Parisi i pesi rike i vasileki mule ne vona maea,'Deo,Iau koma manga e huriki ranga, a panaho,huriki ni rata naro hale,e huriki ni rata naro na molenga o ga manga ra bakovi ni bola takis ea.
12
Iau a pe a maki ni kani bloko rua na parava lobo.Iau a haba tent ne vona maka maki Iau a tahoka. '
13
Pali a bakovi ni bola takis ia i pesi basi,koma i mata rike na hunu,i ubia gorona, i tamaea,'Deo,o dodo iau,iau a bakovi ni rata naro hale.'
14
Isu i taki ria maea,Deo i ratea ra bakovi ni bola takis i bele malimali,pali hamule na ruma vona,pali a bakovi tara i uka.Na ra,huriki a bakovi ri ngaru ni ru rike ria,Deo bari rupuru ria,pali erei i rupurua Deo bari ru rikea."
15
Huriki a bakovi a ngatavine ri bole valai make tune ria ge gamaia e Isu,na tahuna i matai a maka murimuri vona,you to tahate ria.
16
Pali e Isu i gale tou to valai vona,i tamaea,"Mu taki a maka koma kiroko rigi valai nau,nahani matakari ria.Na ra a harikianga ne Deo i ne vona ra huriki hulu maea.
17
Muholi hateka Iau a taki matou,erei i bolea harikianga ne Deo manga re huriki a koma kiroko nga,ia koma ge dili na harikianga ne Deo."
18
Tara mugamuga i nanea e Isu,maea,"Vinara kamumu,ara maki ga rata ga bole ni mahuri vakaroro?"
19
Isu i takia maea,"I navai o galau maea Vinara kamumu?uka tara viri ge kamumu,e Deo kunana.
20
Mua mu palala na lo ia i tamaea nahani rata naro ni molenga,nahani bimate a viri,nahani panaho,nahani tatami,o ngaru e tamamu turane kinamu."
21
A mugamuga I tamaea,"Na tahuna Iau a kiroko Iau a ramai kamumu ra hurika lo nga."
22
Na tahuna e Isu i longa ra hininga, i takia i tamaea,"Tara maki mu tabana vona.Mu habi vakuloi na mahala maki mua mu bole mu vaveru turane hurika matasia,pali ioe bari o tahoka mahala na hunu pali mu valai,muri may."
23
Na tahuna ri longo maea huriki a mugamuga,ia koma i vivi nara i tahoka mahala i kupo.
24
Muri e Isu,i mataia ra mugamuga ea i dodoa pali tamaea,"I madihi hateka ne huriki ri tahoka mahala i kupo ni dili na harikianga ne Deo!
25
Pali i maluvi na kamel ni dili na dupina nil ni rahi,pali na bakovi tahoka hateka mahala ia koma i karea ni dili na harikianga ne Deo."
26
Huriki ri longa ra ngava ea,ri nanea e Isu maea,"Pali ge Mavonga erei ge karea ni bolea ra ni mahuri vakaroro?"
27
Pali e Isu i koli ria i tamaea,"Hurika maki koma i karea bakovi ni rata e Deo i kara ni rata."
28
Pali e Pita i tamaea,"Mavonga, mia mi hataro a maki mia pali mi muri vomu."
29
Muri e Isu i koli ria maea,"Muholi hateka Iau a taki mua maea i uka tara viri ge pea ruma vona,e girihina, a make tarina,o e tamana e kinana,o e tuna,na vuhuna i ngaru hatekea harikianga ne De,
30
na ra koma giri bole a maka maki vona ra malala, o muri ma na ni made mahuri malaku,."
31
Isu i bole a maka murimuri vona to ala ravulu polona i ru i taki tou maea,"Moto longo,teu bari te loko Jerusalem,pali a maka maki ne here a maka propet ne Tuna Bakovi ia bari bele lobo.
32
Nara ia bari ni habi na limane huriki a bakovi na tara tara,pali bari ni padikede,ri rata pilea,pali ri kalupea tahoa.
33
Muri ne vona ni ubi,ria ri bimatea, pali muri na parava i tolu bari hadongo mule."
34
Ria koma ri palal vona vuhuna ngava ea ra ngava ea i kapiloho ne ria,pali koma ri palala vona ara maki si takia.
35
I valai na parava,e Isu bari loko Jeriko,i tara kepa i made na rerena dala,
36
pali longo e huriki ri ala kupo ri polo vona,ia i nana ara maki i bele.
37
Pali ri kolia ri takia maea e Isu o Nasaret i polo.
38
Na tahuna i longo maea ia i tangi tala i gale,i tamaea, "Isu,Tune Davit,o dodo iau."
39
Pali lakea e huriki ri laho polo ri tahatea ge mangulu.pali ia i gale dagi,"Tune Davit,o dodo iau."
40
Pali e Isu i pesi i taki ria rigi bole lakea vona ra bakovi ea. Na tahuna ni bole valai tabukoi ne Isu,Isu i nanea maea,
41
"Ara o ngarua nau ga ratea vomu?"
ia i koli i tamaea,Viri Dagi, Iau a ngaru ni mata para tabu."
42
Isu i takia i tamae,"O mata para.A ni luhoi tora vona i rata ioe o mata tabu."
43
Mavilangau i mata tabu pali muri vona,i kavurikea e Deo. huriki lobo,ri matai ra hininga, ri kavurikea e Deo.