¹ Huriki a bakovi ni bola takis turane huriki a bakovi ni rata naro hale ri valai ni longoa e Isu. ² huriki a Parisi a man ni palala na lo ri bole hate ne ria,ri tamaea,"Ra bakovi ea i bole huriki a bakovi ni rata naro hale,pali kani turane ria." ³ Isu i taki ria vona tara ni ta vakakika,i tamaea, ⁴ "Erei ne matou,ia ge tahoka sipsip i100 pali velu i taku,re ia ge hataro na robo tavula ra viri 99,pali ge vano ia ge matakanea ra viri velu ge bole mulea? ⁵ Na tahuna ia i matavisia,ia i kalohoa na lohona pali vivi. ⁶ Ia I bele na ruma,I gale palupu lobo e huriki a turana pali e huriki ri tanga tabukoi vona,i taki ria maea,'Mu valai mu vivi turagu,na ra Iau a matavisia sipsip nau i velu.' ⁷ Iau a taki matou,ani vivi dagi bari bele na hunu na tahuna i tara bakovi i pulo a vilona ra ni vivi ea koma i karea ni vivi na 99 bakovi ni rata naro malimali. ⁸ Tara ngatavine i tahoka silva coin i ravulu,pali velu i taku,re ia koma ge namia lam, ge kovoa ruma, ge matakane vano ge matavisia? ⁹ Na parava ia i matavisia,ia i gale a maka turana e huriki ri tanga tabukoi vona,i taki ria maea,'Mu valai mu vivi turagu,na ra a matavisia silva coin nau a vaka velua.' ¹⁰ Manga kunana,Iau a taki matou,hurika ensel e Deo na hunu ri vivi hateka vona tara bakovi i pula vilona." ¹¹ Muri e Isu i taki ria i tamaea,"A bakovi tara i tahoka koma I rua, ¹² pali a viri kiroko i takia e tamana maea,'Tata,o vaveru Maria ara maki oe o tahoka pali o habi ara maki ne nau,'pali Mavonga i vaveru ne rua maka maki. ¹³ Koma i tabaka,i bole lobo a maka maki vona i vano i lakea na tanga dagi i basi,pali voroki lobo a maka mahala vona ne hurika naro hale. ¹⁴ Pali na tahuna i lobo a mahala vona,a pago i bele vona ra tanga dagi ea,pali ia i uka tara maki. ¹⁵ Ia i vano i nana leho vona tara bakovi vona ra tanga ea,pali rua ge matakara boro. ¹⁶ Ia i matakara boro pali vitolo i kani a maka kalvana maki ni kani na boro na ra i uka viri ge haba maki ni kani vona. ¹⁷ Pali ra koma ea i valai vona ni luhoi kamumu,pali ta rike i tamaea,'Huriki a voravora na ruma e tata ri tahoka maki ni kani i kupo,pali iau a made koia a mate ni vitolo! ¹⁸ Iau bara hataroa hininga bara hamule lakea ne tata,pali bara takia maea,"Tata,Iau a rata naro hale ne Deo pali ne vomu. ¹⁹ Iau koma bakovi kamumu go gale iau e tumu;tara iau ga manga kunana tara voravora vomu. " ²⁰ Pali pesi rike i hamule maia e tamana.Tahuna ia i tabana ni laho basi,e tamana i mataia pali makudu a tamudina vona e tuna, pali nunu vano i lakavu dilia na ngalana pali ngurua. ²¹ Pali e tuna i takia i tamaea, 'Tata,Iau a rata naro hale no Deo pali ne vomu.Iau koma kamumu go gale iau e tumu.' ²² "E tamana i taki maka voravora vona maea,'Mu bole malaviri vilia varikia nau i peda hateka, mu vakarodoa vona, mu rua na limana ring,pali mu vakarodoa na pakana sadel. ²³ Muri mu bole valai a maka tuna bulmakau i koru mu bimate.Teu tege vivi tege kani palupu! ²⁴ Na ra e tugu i mate pali,pali ngane i mahuri mule.Ia i velu,pali ngane ia ni matavisi.'Pali ria ri raulo ri vivi. ²⁵ " E tukana i na hania,na tahuna i valai tabukoi na ruma,i longoa nangina musik turane huriki ri raulo. ²⁶ Ia i galea tara voravora i nanea ara ni rata. ²⁷ Pali a voravora i takia maea,'E tarimu i hamule valai na ruma pali e tamamu i bimate a maka tuna bulmakau na ra e tarimu i hamule kamumu.' ²⁸ "Pali e tukana i bole hate pali koma i dili na ruma,pali e tamana i pori i nanea ge dili. ²⁹ Pali e tuna i kolia i takia e tamana maea,'O masia,na pida i kupo pali iau a leho manga iau a voravora vomu,pali iau koma longo taroa tara ngava vomu,pali uka tara parava go habia nau tara tuna meme ga gale a maka turagu migi vivi, ³⁰ pali ne tumu ea i vakalobo a maka mahala vomu na naro ni ngoi,pali ngane i hamule valai ioe o bimata tuna bulmakau i koru vona. ³¹ "Pali e tamana i kolia i tamaea,'Tugu,parava vakaroro ioe o made turagu,pali a hurika maki nau lobo ne vomu. ³² I kamumu ne teu tege kani palupu tege vivi,na ra e tarimu i mate pali,pali ngane i bole mule ni mahuri vona;Ia i velu pali,pali ngane te bole mulea."