¹ I bele na Sabat,ia i dili na ruma na mugamuga na Parisi ge kana bret,pali ria ri mata kamumu vona. ² Malaviriri kunana, muga kunana na matana tara bakovi i tahoka gilanga i vaki lobo a maka kulina. ³ Pali e Isu i nanea tara bakovi ni palala na lo turane huriki a Parisi,"I kamumu ni vakalobo a gilanga na Sabat o uka?" ⁴ Ria ri mangulu,pali nugua e Isu vakaloboa gilanga vona pali rudua i vano. ⁵ Isu i taki ria maea,"Erei ne mua i tahoka tuna bakovi o a bulmakau i boru puru na lovo na parava na Sabat pali koma go kori malaviriria?" ⁶ Ria koma ri kara ni kolia ni nana vona. ⁷ Isu i matai e huriki ri valai ni kani ri ngaru ni made na murine huriki a mugamuga, ia i takia tara ni ta vakakika, i taki ria i tamaea, ⁸ "Na tahuna ioe ni nana go lakea vona tara vaponga na ni parangi,ioe nahani made na murine huriki a mugamuga,na ra mege tahoka tara mugamuga ge valai. ⁹ Pali ra bakovi i nana mua mu valai i bele,ia bari tamaea ne mua,'Mu habi a maka murine mua ne huriki ranga, 'pali mua bari mu maruhu mu vano mu made muri liu. ¹⁰ Na tahuna ni nana mua ni lakea vona rata vaponga,mua mu made muri liu,tahuna i dili a tahona ruma,ia bari taki mua maea,'Turagu,mu luku muga.'pali e huriki ria na vaponga bari kavurikea mua. ¹¹ Erei i kavurikea rana,Deo bari rupurua rana,erei i rupurua rana ,Deo bari kavurikea rana." ¹² A tahona ruma tara i takia e Isu maea,"Na tahuna ioe i haba maki ni kani o rata tara vaponga, nahani nana e huriki a turamu o e tarimu o a maka kabu vomu o e huriki a ri made tabukoi ne vomu ri tahoka hateka mahala, mege muri ria ranga rigi galoe,ni koli a maki ni kani ne ria. ¹³ Pali na tahuna ioe o ratea tara vaponga, o gale a maka bakovi ri uka maki,huriki i hale a vahane ria a limane ria,huriki ri ngava rubu pali koma ri mata, ¹⁴ Deo bari rata kamumu ne vomu,nara ria koma ri karea ni koli a maka maki o rata virihi ne ria.Deo bari koli a maka maki vomu na parava ne huriki a bakovi ni rata naro malimali ri hadongo mule na matat." ¹⁵ Pali tara viri made turane Isu na dede ni kani i longo ra hininga,ia i takia e Isu maea,"Huriki bari kana bret pololilo na harikianga ne Deo ia rigi vivi!" ¹⁶ Isu i kolia i tamaea,"Tara bakovi i gale e huriki i ala kupo rigi valai na malunga rigi kani. ¹⁷ A maka maki ni kani na malunga ni tara puru pali,pali taki a maka voravora vona rigi taki e huriki ia i gale ria maea,'Mu valai,na ara virika maki ni rata puru pali.' ¹⁸ " Pali a voravora i gale pali ria lobo ri haba maka ni ta kari kupo.I valai muga tara i takia i tamaea,Iau a Konea tara malala,pali bara vano a gosia.Iau koma ga vano.' ¹⁹ "Muri i valai tabu tara i tamaea,'Iau a kona bulmakau karaba i lima ga toni tou na leho.Iau koma ga valai.' ²⁰ " I tara i valai i tamaea,'Iau a parangi karaba,pali Iau koma ga valai.' ²¹ " Pali a voravora i hamule na ruma pali takia a matakari vona.Pali a matakari na ruma i bole hate pali takia voravora vona,'Malaviriri kunana o lakea ne hurika dala na tanga dagi mu bole valai e huriki a matasia,a maka bakovi koma ri laho,huriki a kepa,pali e huriki a ngava rubu.' ²² " A voravora i tamaea,'Viri Dagi,ara maki o takia a ratea pali,a maka rum koma i vonu ma.' ²³ " A matakari i takia voravora vona maea,' Lakea na maka dala dagi pali a maka dala polo vavo na tanga dagi mu gale huriki rigi valai,rigi dili na ruma ge vonu a ruma. ²⁴ Pali Iau a taki matou,uka tara ne tou a viri a gale ge tonia tara maki ni kani na malunga." ²⁵ A kabuna bakovi a ngatavine ri muri ne Isu,pali i taki ria i tamaea, ²⁶ "I tara bakovi i valai nau pali ia koma i lemua e tamana,o e kinana,o e girihina, o e tuna,o e tarina,o e korobana o kimi ngaru mulea,ia koma i kara ge ia murimuri nau. ²⁸ Pali tara ne mua, i ngaru ni rata ruma na bakovi ge matakara maki vona muga ia ge luhoi kamumu maea ge riva moni ge voroki ne vona ge vakaloboa ruma? ²⁹ Mege uka,ia ge vaka tubu kunanea pali koma i vakaloboa,erei huriki ri matai ria bari padikedea tahona, ³⁰ ri tamaea,'Ra bakovi e i vakatubu ni horia pali koma i kara ni vakaloboa. ³¹ Pali tara king i ngaru ni vano ni vaubi turana king tara,ia i luhoi kamumu taro.Ia i tahoka 10 tausen bakovi bari vaubi pali re huriki a bakovi ri kara ni vaubi turana king tara erei i tahoka 20 tausen bakovi o uka? ³² Ge uka,pali na tahuna ria ri tabana ni laho basi ia ge rudu ranga bakovi rigi muga malaviriri rigi vata ge vakabela ni tamudi puru pali ge uka ni vaubi. ³³ Manga kunana,i tara ne mua koma i pe mule a maka maki vona ia kimi karea ge ia murimuri nau. ³⁴ A sol i kamumu,pali lobo a namina, ge navai ge bole mule tabua namina? ³⁵ Ra sol Mavonga ia kimi kamumu tabu na malala o nigi ru turana tahena bulmakau. nigi voroki.Erei tahoka tulina ni longo,rua ia ge longoa."