¹ Tara bakovi a rana e Ananias,a viri ngatavine a rane e Sapira,ru habi vakuloi ranga tabekena malala, ² ru nugu mule ranga moni vona (girihina i lohoka vona pali)nugu ranga moni ru rupuru na vahana maka aposel. ³ Pali e Pita i ta,"Ananias,i navai e Satan i vonu na tamudimu lakea o tamia Hanu Kiripiripi,ioe o nugu mule ranga mani na malala? ⁴ Tahuna ioe kama o habi vakuloi ma,ia kama i tabuli manga maki vomu?Muri o habi vakuloi,kimi ioe o matakaria,navai o luhoia ra maki nga lakea o ruhololoa na tamudimu?Nahani tami e hurika bakovi,pali ioe o tami e Deo. ⁵ I tabana ni tata a profet i boru puru e Ananisas i banago bloko taku i mate.Ri mangege hateka i hurika bakovi a ngatavine ri longoa ra ngava iea. ⁶ Hurika koma bakovi ri valai vona ri sivua na varikia,ri bole talea ri tanua. ⁷ Muri na aua i tolu,girihina i dili valai,kama i lohoka na ara maki i bele. ⁸ Pita i takia,"Takau maea,ioe o habi vakuloi a malala vona ra moni maea o uka."Lakea i kolia,"E,na moni maea." ⁹ Lakea e Pita i takia,"Navai muru vataki na ni luhoi taku murugu tolina Spirit ne Viridagi?Masia vahane hurika bakovi erei ri tanu e girihimu,ri pesi pali na ni hebi,ioe tara bara ri kahoho pori ioe. ¹⁰ Malaviriri i borupuru na vahana,i bango blokotaku,lakea maka koma bakovi to kaloho talea i mate;ri kalohoa poria ri tanu turane girihina. ¹¹ Ni mangege dagi i bele na maka sios,ne erei ri longoa ra maka hini nga. ¹² I kupo maka mirakel turana maki ranga i bele na palane hurika bakovi a ngatavine na limane hurika murimuri.Ria lobo ri vapopo na tabeke na tempel na ruma e Solomon. ¹³ Pali i uka tara ge tahoka ni luhoi tora ni ramai ria;pali e hurika bakovi a ngatavine ri kara ni vakasiri a naro kamumu ne ria. ¹⁴ Lakea i kupo e hurika bakovi a ngatavine ri luhoitora ri valai ne Viridagi,i kupo a bakovi a ngatavine, ¹⁵ Lakea ri bole valai maka bakovi ri tahoka gilanga ri lakea na tanga dagi ri vakamahita ria na dala polomeli na kiri a moke lakea e Pita bari polo vona,pali a hanuna biri bole ria. ¹⁶ Ranga nigi dagi na bakovi a ngatavine tabukoi na maka tanga dagi iea o Jerusalem ri valai ri vapopo,lakea ri bole valai maka bakovi a ngatavine ri giloa ri turane ria turane hurika bakovi a ngatavine ri tahoka spirit hale ria ranga,ria lobo ri kamumu. ¹⁷ Pali maka mugamuga ri pesi,turana erei a tara ri made turane hurika Sadusi ria ri vonu turana ni luhoi hale. ¹⁸ Lakea to nugutata maka murimuri,lakea to turari tou ri lakea na bavi turane hurika bakovi lobo. ¹⁹ Pali na rodo tara ensel ne Viridagi i tala maka ni hebi na bavi ni bole tala ria,lakea i ta," ²⁰ Mu vano mu pesi pololilo na roho na ni vasileki mu takitala ngava ne hurika bakovi a ngatavine na maka ngava lobo na ni mahuri." ²¹ Tahuna ri longo a hini nga,ria ri dili na ruma na ni vasileki i papote ge palala hini lakea ri tovo ria.Pali a mugamuga i valai ne erei a tara ri made turana,i gale e hurika bakovi dagi ri vapopo palupu,pali maka bakovi a ngatavine iea o Israel,ni rudu ria ni bole ra maka aposel na roho na bavi. ²² Pali e hurika voravora ri vano,kama ri matai ria na roho na bavi,to uka ria ri hamule ri vakalongo maea, ²³ "Mia mi matai maea,roho na bavi ra ni hebina ni tukari kamumu lakea ra nugu maheto ri pesi na ni dili,pali na tahuna mia mi talea,kama mi masia tara maki ge tabuli pololilo." ²⁴ Ra matakari na roho ni vasileki turana maka mugamugari longoa ra ngava iea,ri luhoi lege na ara maki ge bele ne ria. ²⁵ Lakea tara bakovi i valai i taki maea ria,"Hurika bakovi ioe o rudili ria na ruma na bavi ri pesi pololilo na ruma na ni vasileki ri tovo e hurika bakovi a ngatavine vonga." ²⁶ Lakea ra matakari i vano turana ra maka voravora,lakea i bole mule ria,pali kama to rata hale ria,na rana,ri mangege ne hurika bakovi a ngatavine bara ri padi ria na kedo. ²⁷ Na tahuna ri bole mule tou,kama to pesi na matana matakari.Pali lakea mugamuga i nana tou. ²⁸ lakea i ta,"Mia mi takari mua nahani takitalea ranga,pali,mua mu vakaloboa e Jerusalem turana maka ngava nitovo ne mua mu ngarua ni bolea ra darana ra bakovi iea ge valai ne mua." ²⁹ Pali e Pita turana maka murimuri ri koli maea,mia bara mi murimai e Deo kama mi muri na bakovi." ³⁰ Deo na hamone tamane teu i vaka mahuri e Isu,erei mu rabalakia,na tahuna mu vakatavorea na kai tavalavala. ³¹ Deo i bolea i vakamadea na limana kanena ni bele manga King turana bakovi ni kori,ni habi manga ni kori ne hurika Israel rigi pulo a vilone ria,na dala ni puga sin. ³² Mia bole kori vona hini nga,lakea Hunu Kiripiripi tara,erei e Deo i habia ne hurika tara ri ramai." ³³ Na tahuna a matakari ri vapopo ri longoa ra ngava iea,ria ri hatekapupu ri ngaru ni rabalaki e hurika murimuri. ³⁴ Pali tara Farisi a rane Gamaliel,ia vinara na lo,pali e hurika bakovi a ngatavine ri rupuru ria ne vona,ia i pesi i haba ni ta tora ne hurika murimuri rigi pori ge papote kunana. ³⁵ Lakea ia i taki ria,"Hurika bakovi iea o Israel,longo kamumua ara maki mua mu ru palupu a ni luhoi ni rata ne hurika bakovi a ngatavine. ³⁶ Ranga tahuna i vano pali,Teudas i pesirike i ta maea ia bakovi tara ia,nigi ne huriki a bakovi ri muri vona,i papote ge 400 e huriki ri ramai.Ri rabalakia,lakea erei a tara ri ramai,ri haviliha lae i uka tara maki ge bele. ³⁷ Muri na bakovi iea,Judas iea o Galili i pesirike na tahuna ni gi e hurika tara i bole ranga ri ramai.Ia tara i mate,pali erei a tara ri ramai ria ranga ri haviliha. ³⁸ "Ngane iau a taki mua,mu made basi vona re hurika bakovi o ru ria.Muholi hateka,pali ra niluhoi iea o a leho i valai na bakovi,bari boru biri hale. ³⁹ Pali,ra hini nga ia ge valai ne Deo,kama mugu vaka boru ria;mua bara mu matai maea mu vaubi turane Deo."Lakea ria lobo ri tamudi taku. ⁴⁰ Pali lakea ri gale valai e hurika muri muri ri ubi ria,ri taki ria nahani rigi takitala rane Isu,lakea ri rudu ria ri vano. ⁴¹ Ri pea ra ni vapopo turana ni vivi ri tahoka pede ni bole a ni madihi na ranga. ⁴² Muri na hini nga,parava lobo,pololilo na ruma ni vasileki ruma i lakea na ruma,ri leho ni tovo e huriki ri takitala maea,Isu ia e Kristo.