¹ Tahuna e Pita turane Jon ru tabana ni tata ne hurika bakovi a ngatavine,hurika pris turana kepten na tempel turana hurika Sadusi ri valai ne tou. ² Ri bole a ni mava dagi na rana,Pita turane Jon ru leho ni tovo e hurika bakovi a ngatavine ni vaka longo ni pesirike ne Isu erei i mate. ³ Ri nugutata rua ni rudili rua na bavi i vano i bele na parava tara,na rana i popote ge uvo ngane. ⁴ Pali i kupo e hurika bakovi a ngatavine erei ri longoa ra ngava iea,ri luhoitora vona;ni gi ne hurika bakovi a ngatavine ri luhoitora i bele maea 5, 000. ⁵ Na parava tara;hurika lida turana mugamuga turane hurika bakovi ni lohoka ni here a lo ri vapopo palupu iea o Jerusalem. ⁶ Hetpris e Anas tara ia vonga,e Kaiapas turane Jon,turane Aleksenda,turana hurika kabu na hetpris ranga ri made palupu. ⁷ Tahuna ri ru e Pita turane Jon na palane ria,ri nana rua,"Na ara ni tora,na rane erei marua muru rata maka maki nga?" ⁸ Pali e Pita i vonu na Hanu Kiripiripi,ia i taki maea ria,"Mua hurika lida turane hurika mugamuga ne hurika bakovi a ngatavine, ⁹ pali ra na parava iea,ri nana hita na ara leho kamumu i bele vona ra bakovi iea i giloa,na ara vuhuna ra bakovi iea i mahuri? ¹⁰ Mua lobo turane hurika bakovi a ngatavine iea o Israel bara mu lohoka maea na rane Isu Kristo iea o Nasaret,erei mu vaka tavorea na kai tavalavala,pali e Deo i vaka muhuria na tanga ne huriki ri mate pali.Pali na rana kunana,ra bakovi iea i pesi na matane mua i bele mahuri. ¹² I uka tara rana viri tara e Deo ge kara ni bole mule hurika bakovi a ngatavine:Na rana,i uka tara rana viri tara ge polotano na hunu Deo i habia na palane hurika bakovi ia bari bole mule hita. ¹³ Pali a tahuna ri masia a ni tora i tahoka e Pita turane Jon,ri matakilala maea rua bakovi tavula kunana,kama ru skul lakea ri turutu haleliu,lakea ri matakilala maea e Pita turane Jon ru made turane Isu hosi. ¹⁴ Kama ri ratea tara ngava vona hini nga,na rana,ri masia ra bakovi iea i mahuri pali i pesi turane ria. ¹⁵ Pali muri ne ria ri taki ra murimuri nga i rua rugu pea vaponga na maka kaunsel rugu vano,ri ta mule ne ria kunana. ¹⁶ Ri ta,"Mia migi rata ara vona ra bakovi nga?Ru rata maka mirakel lakea e hurika bakovi a ngatavine ri made iea o Jerusalem ri lohoka;pali kama te kara ni ruhulolo ra maki nga. ¹⁷ Pali nigi rata maea ra ngava iea nahani ge lakea ne hurika bakovi a ngatavine,mia migi takari ne ria maea nahani rigi takitala tabu ra rana." ¹⁸ Ri gale e Pita turane Jon ru dili,lakea ri tatora ne rua maea nahani rugu taki tabu e hurika bakovi a ngatavine nahani rugu tovo tabu e hurika bakovi a ngatavine na rane Isu. ¹⁹ Lakea e Pita turane Jon ru koli maea,"Mu luhoi kadoa.I kamumu na matane Deo nege mia migi ramai a ngavane mua o migi ramai a ngavane Deo. ²⁰ Mia kama migi mangulu ni ta vona ara maki mi masia mi longoa pali. ²¹ Muri na maka ni takari ne Pita turane Jon,ri tongo ria ru vano.Kama ri kara ni matavisia tara potu rigi rata pile rua,na rana e hurika bakovi a ngatavine ri kavurikea rane Deo na ara maki i bele. ²² Ra bakovi iea erei i bole a ni mahuri,a pida vona i polotaroa a pida i ravulu va ²³ Muri ne ria ri tongo e Pita turane Jon ru vano.Ru hamule ne hurika bakovi a ngatavine ne rua ru taki ria na maka maki hurika bikpris turane hurika mugamuga ni taki rua vona. ²⁴ Tahuna ri longoa ra ngava iea,ri vakalipopo ri gale Deo,"Viridagi,ioe kunana o ratea hunu a malala turana dari,maka maki lobo i tabuli ne ria. ²⁵ Na ni tora na Hunu Kiripiripi,ioe o tata na ngavana voravora vomu e Devit ia e tamane mia,'Na rana e hurika haideni i madihi a hatene ria,lakea e hurika bakovi a ngatavine ri luhoi lege na maka maki hale?' ²⁶ Ioe o ta maea,"Maka king na malala ria kunana ri vapopo palupu hurika mugamuga ranga ri valai ri vapopo ri ta puhehe ne Viridagi turane Kristo vona." ²⁷ Muholi hateka,Herot turane Pontius Pailat turane hurika haiden turane hurika bakovi a ngatavine o Israel,ri vapopo palupu na tanga dagi ri bele manga pile Isu,a voravora kamumu vomu,erei ioe o pasia. ²⁸ Ri valai ri vapopo palupu ni rata maka maki ioe o pasi hosi pali bari bele,na ni tora turana ni ngaru vomu kunana. ²⁹ Kamumu,Viridagi,ioe o matai maka ngava matakari ne ria,lakea o longo ne hurika voravora vomu rigi takitala ngavamu turana ni tora. ³⁰ Ru talea limamu o vaka mahuri hurika bakovi o vakasiri a maka kilakila na leho na rana bakovi malamala a voravora vomu e Isu. ³¹ Na tahuna ri vasileki lobo pali,ra hini ri vapopo ri vasileki vona i vakulu e hurika tara lobo ri vonu turana Hanu Kiripiripi,lakea ri takitala ngavane Deo turana ni tora. ³² Kupo a nigi ne hurika bakovi a ngatavine erei ri luhoitora ri tamudi taku na niluhoi turana tamudine ria.Uka tara ne ria ge ta na ara maki tahoka vona ne vona kunana.Pali maka maki ri veru ri bole palupu. ³³ Turana ni tora dagi,hurika murimuri ri takitala maka maki ri matai ni mahuri mule ne Viridagi e Isu,lakea ni dodo dagi i tabuli langa ne huriki lobo. ³⁴ I uka tara bakovi o a ngatavine na palane ria ge kapo vona tara maki,na rana hurika bakovi ri tahoka maki papote maka malala o a ruma ri habi vakuloi ri bole maka moni nga i valai. ³⁵ lakea ri ru na vahana maka murimuri,lakea ri verua ra moni lakea takutaku ne hurika bakovi a ngatavine i vano i bele na harenga ri kapo vona. ³⁶ Josep ia tara bakovi na tanga iea o Saiprus na tara ne Livai,erei hurika murimuri ri gale balea e Banabas.(A vuhuna rana i maea,Koma ni vakatora tamudine hurika bakovi.), ³⁷ ia i habi vakuloi tara tabekena malala lakea i bole a moni i ru na maka vahana murimuri.