¹ Pali e Agripa i takia e Pol,"Ioe o ta kia nuverei vomu."Pali e Pol i toto rikea limana i tamaea. ² "King Aripa ,Iau a vivi ni vaka longa nuverei nau nevona a maka Juda ri padui iau na ngava, ³ nara ioe i palala hateka vona a maka naroa Juda pali a maka ni nana ne ria.Pali Iau a nana ioe go longo kamumu iau. ⁴ Muholi,huriki lobo ri palala vona narogu na tahuna iau a koma bakovi na vuhu tanga nau o Jerusalem. ⁵ Ria i palala kamumu ne nau hosi pali rigi tamaea Iau a made manga Parisi,ia tara kabu i tota ni vasileki ne mia. ⁶ Ngne Iau a pesi koia na kot nara Iau a palala vona maka ni ta gamai i tara e Deo ne huriki e tubune mia. ⁷ Ia ni ta gamai ne huriki a kabu i ala ravulu taku a polona i rua o Israel ni vasileki ne Deo na rodo a haro,ni davea ra makea,king Agripa,ne vona ra hininga ria Juda ri vaka pesi iau na kot. ⁸ I nava koma mu luhoi maea e Deo koma i kara ni vaka hadongo mule na ni mate tara viri? ⁹ Na parava i vano pali,Iau a luhoi maea Iau ga rata maki ge kupo koma na rane Isu o Nasaret. ¹⁰ Iau a rata ra hininga o Jerusalem. Iau a kolo tata maka bakovi ri luhoi tora ne Deo na ra Iau a bola ngava ne huriki a mugamuga pali a ru na bavi pali ta kunana ni bimate . ¹¹ Iau a vaka vora ria bloko kupo pololilo ne huriki a roho ni vasileki Iau a toni ni vakuku ria ri ni tahale.Iau a bole hate lae ne ria pali A muri ne ria lakea na citi tara. ¹² Na tahuna Iau a rata ra hininga, i rudu Iau a maka mugamuga ga lakea o Damaskas ; ¹³ tahuna iau a lalaho na dala,na kuru haro,king Agripa,o king,Iau a masia tara ni para i valai na hunu i para hateka koma i karea parana haro,i para halui mateu lobo a bakovi mete vano palupu. ¹⁴ Tahuna mateu lobo mete boru puru na malala,Iau a longoa tara viri i taki iau na kavonanga na Hibru i tamaea,"Sol,Sol,i navai o rata pile iau? Ioe koma o kara ni rupuru Iau.' ¹⁵ Pali muri Iau a kolia maea,"Ioe erei,Viri Dagi?'Pali e Viri Dagi i kolia,'Iau e Isu erei ioe o tara pilea. ¹⁶ O pesi rike;ne vona ra hininga kunana Iau a bele vomu,ga pasi ioe gi ioe a voravora nau go taki tale ara maki o masia nau ngane pali a maka maki muri ma Iau bara vakasiri vomu; ¹⁷ pali Iau bara kori ioe ne huriki a bakovi a ngatavine pali turane huriki a tara tara ne ria kunana Iau bara rudu ioe, ¹⁸ nege ria ge palala matane ria pali rigi pea a naro hale ne ria rigi valai ne Deo,laeka e Deo bari puga sin ne ria bara ri bole a maki iau a habia ne hurika bakovi iau a pasi pali erei maka bakovi a ngatavine ri luhoitora ne nau.' ¹⁹ Lakea,e king Agripa,iau kama longo taroa ra ngava na maki manga vurena i valai na hunu; ²⁰ iau a taka ngava na maka bakovi a ngatavine rigi pulo a vilone ria rigi rata naro manga ria ri pulo a vilone ria,iau a takitala ngava taro iea o Damaskas muri iea o Jerusalem na hini lobo o Judia ne huriki ranga a bakovi a ngatavine. ²¹ Na hini nga kunana maka Juda ri nugu tatau na ruma ni vasileki ri ngaru ni rabalaki iau ge mate. ²² Deo i kori iau i valai i kara mona a pesi na palane hurika bakovi a ngatavine tavula turane hurika bakovi a ngatavine ri tahoka pede a taki ria na ara maki Moses turana maka profet ri tata vona bari bele, ²³ ia i manga e Kristo bari bole a ni madihi i mate lakea bari mahuri mule tabu na ni mate muga ni mate ni takitala ni para i lakea na maka bakovi a ngatavine iea o Juda na maka viri ranga." ²⁴ Tahuna e Pol i vaka loboa ngavana,Festus ta dagi i ta maea,"Pol ioe a manga;ioe ni tovo kupo pali ioe o manga vilihui ra hini nga i ratoe o manga," ²⁵ Pali e Pol i ta maea,"bakovidagi e Festus,iau kama manga,iau a rata a ngava i malamala na maki tara i dagi. ²⁶ King ia kunana i pala vonga masia iau a takitala,iau a pala maea i uka tara maki ge kapiloho vona;na rana ra maka maki nga keme ge kapiloho na tabeke tara. ²⁷ Lakea e Pol i nana,"Agripa ioe o luhoitora na maka ngava na Profet,e?Iau a luhoi maea ioe o tahoka ni luhoitora." ²⁸ Lakea e Agripa i taki maea e Pol,ra na tahuna i kapo ioe o luhoi maea go ratau ga bele manga kristen,e?" ²⁹ Lakea e Pol i ta maea,"Iau a vasileki ne Deo,pali ri kapo a tahuna o i ola tahuna iau a ngaru ioe turane hurika tara erei i longau a takitala ngava ngane,mua bara mu bele manga iau,i manga hini boro pugea sen na bavi. ³⁰ Pali a king turana gavana turana Benis turana maka tara erei ri made turane ria ri pesi; ³¹ Na tahuna ri pea ruma na kibung lakea ri laho pori ri ta mule ne ria maea,"Ra bakovi iea kama i ratea tara potu i vano ia ge dili na bavi o ge mate." ³² Lakea e Agripa i taki maea e Festus,"Pali re Sisa kama i takia ni bele na kot,ia kama i kara ni vano manga bakovi i uka potu."