¹ Ngane,e Festus i dili valai na provins,muri na parava i tolu,iea o Sisaria ia i sike lakea o Jerusalem. ² Hetpris turana maka hetman ne hurika Juda ri padi a ngava ne Pol ri nana torea ne Festus ³ lakea ri nana ia ge longo ria rigi haba ni mava ne Pol tahuna ia ge valai o Jerusalem,na dala ri ngaru ni rabalakia ge mate. ⁴ Festus i koli mule maea ri nugua e Pol i made iea o Sisaria,kama ge tabaka ia bari hamule kereri vonga. ⁵ "Ia i ta,mavonga erei ne mua i kara,"ia ge vano turane mia vonga.Pali ra bakovi iea ge tahoka potu,pali bara mu kotim ia." ⁶ Muri e Festus kimi made na parava ge polotolu o na parava ge ravulu lakea ia i puru o Sisaria.Lakea na parava tara tabu ia i made na sia ni longona kot,ia i taki ria rigi bole vilia vona e Pol. ⁷ Tahuna e Pol i bele maka tara iea o Juda ri pesi tabukoi vona,ri rata maka ngava i mava i kupo virihia i maea kama ri matai talea vonga tara vuhuna ra ngava iea. ⁸ Pol i koli mule a ngava maea ge bole kori mulea,"Iau kama ratea tara potu na lo na maka Juda,o na tempel o ne Sisa." ⁹ Pali e Festus i ngaru ra maka Juda rigi tamudi kamumu vonga,lakea ia i koli mule maea ngavane Pol,"Ioe o ngaru ni sike iea o Jerusalem iau ga longo a kot na maka maki nga?" ¹⁰ Pol i ta maea,"Iau a pesi na matane Sisa ria rigi longo a kot nau.Ioe o lohoka kamumu maea iau kama ratea na maka bakovi o Juda tara potu. ¹¹ Pali re iau ga rata potu i vano iau ga mate vono potu nau.Pali iau a uka ngava vona hini nga.Pali ra ngava ri padi virihi iau ia kama i muholi i uka tara bakovi ge ru iau na limana lo.Iau a nane Sisa ni longo a ngavagu." ¹² Muri ne Festus i ta turana maka kaunsel,ia i koli maea ngava,"Ioe o takia e Sisa ge longoa ngavamu,mavonga ioe o lakea ne Sisa!" ¹³ Pali muri na parava ranga,King Agripa turane Benais i valai iea o Sisaria ni matai e Festus i ta vivi vona. ¹⁴ Muri na tahuna ia i made parava kupo vonga,Festus i habia ra ngava ni kotim e Pol lakea na king;lakea ia i ta maea,"Feliks ia i pea tara bakovi koea manga bakovi na bavi. ¹⁵ Tahuna iau a made iea o Jerusalem,maka hetpris turana maka hetman na maka Juda ri valai ni kotim ra bakovi iea ne nau,ri nana kot ge longo ne vona ga ni ratapile. ¹⁶ Iau a koli mule a ngavane ria maea kama narona maka Rom ni haba bakovi lakea na limana bakovi tara ge rabalakia na tahuna ia kama i ta ma ni vaka tora mule a ngavana na tara erei ri kotim ia. ¹⁷ Mavonga,na tahuna ri valai ri vapopo turagu koea,kama dava,pali na parava tara a vano a made na tanga ni longo a kot ni taki ria rigi bole dilia ra bakovi iea. ¹⁸ Tahuna erei e tara ri paga ngava lakea i pesirike i kotim ia iau a luhoi maea i uka tara ngava vona hini nga ge mava. ¹⁹ Pali, ri tata na maka ni mava ranga na narona ni vasileki ne ria ne Isu a bakovi erei i mate,e Pol i tata vona ia i tabana ni made mahuri. ²⁰ Iau kama pala na leho ni luhoikado a vuhuna ra ni mava iea,lakea ri iau a nanea re ia ge ngaru ni lakea o Jerusalem ni longo a kot vona ra maka maki nga. ²² Agripa i tata ne Festus maea,"Iau tara ngaru ni longoa ra bakovi ea ge ta.""Kuduvi,"E Festus i tamaea,"ioe bari o longoa." ²⁴ Pali e Festus i tamaea,"King Agripa,pali mua lobo erei mu pesi koia turane mia,mu masia ra bakovi ea;huriki lobo a bakovi a ngatavine o Juda ri taki iau o Jerusalem pali koia ranga,mu gale ne nau mu taki maea ra bakovi ea ge mate. ²⁵ Pali Iau a masia maea i uka rata maki ge ratea gene vona ge mate;pali navuna ia i nanea e Sisa ge koria ,pali Iau a luhoi maea bara rudu talea ngane. ²⁶ Vona ra hininga,Iau a bole vilia ne mua,ne vomu o King Agripa,nara Iau bara tahoka ngava ni here ni ta vona ra ni mava ea. ²⁷ Na ra ia koma i kamumu ge ne nau ga rudua talea tara bakovi na bavi ge uka ranga ngava nigi vaka longo i navai ia i pesi na kot."