¹ Tahuna mateu mete hataro ria matou mete bola aga mete vano,mete vano mete lakea na citi o Kos,pali muri mete lakea o Rodea,pali muri na parava tara mete lakea o Patara. ² Pali v mete masia aga ge lakea o Foinisia,pali mete rike mete vano. ³ Pali na tahuna mete masia bodu e Saiprus, i tabuli basi vonga pali mateu mete buloa aga mete lakea maea maurine mateu,pali mete lakea o Siria o Taia, vonga a aga bari rupuru ranga maki vonga. ⁴ Pali muri mete matai ranga disaipel,mete made vonga na parava i polo rua.A Spirit e Deo i taki a maka disaipel ri takia e Pol ge nahani lakea o Jerusalem. ⁵ Nagane a parava ne matou ni made i lobo,pali matou mete vano,pali fia lobo,runae girihine ria e tune ria,ria taparaki tala matou na aga vona ra citi ea.Pali mete pasike puru na bike, mete vasileki, ⁶ pali mete talu ria. Mete rike na aga mateu mete vano mete lakea na tanga. ⁷ Na parava mateu mete vaka tubua lni laho o Taia pali vali mete bele o Tolemais.Vonga mete ta kamumu mai e huriki a tunane matou mete made turane ria na parava i taku. ⁸ Pali na parava muri mete pe ria mete lakea o Sisaria.Mete lake mete dili na ruma e Pilip,ia tara bakovi ni taki talea ngavane Deo,ia tara vano ra bakovi ala polo rua ni pasi tou, pali mete made turana. ⁹ Pali ra bakovi ea i tahoka tuna koma ngatavine to ala va tou koma to made turana bakovi ma tou a ngatavine ni taki tala ni ta vakakika. ¹⁰ Na tahuna mete made vonga,i tahoka tara propet i valai o Judia a rana e Akabus. ¹¹ i valai matou i bolea reane Pol.Pali bolea i kolo tataea vahana a limana pali tamaea,"E Hanu Kiripiripi i tamaea,'Huriki a Juda o Jerusalem bari bolea na tahona ra reana ea, bari ni habi na limane huriki a tara tara." ¹² Na tahuna mete longo na hininga, mia lobo vona ra tanga ea mi takia e Pol ge nahani lakea o Jerusalem. ¹³ Pali e Pol i koli,"Ara mu ratea,mua mu rakudua hategu pali mu rata iau a taringni mua?Pali Iau a bara vano,iau bari ni kolo tata,pali bari ni bimate o Jerusalem na rane Viri Dagi e Isu." ¹⁴ Pali e Pol i koli ne matou migi ta karia,pali mia koma mi ta pali muri mi tamaea,"Rua ni nagaru ne Deo ge bele." ¹⁵ Muri vona ra parava ia,mi bole a maka tulua mia mi sike o Jerusalem. ¹⁶ Pali ranga disapel o Sisarea ri muri turane matou.Tou to bolea tara bakovi a rana e Nason,a bakovi o Saiprus,hosi ia disaipel,i turane mia mi made. ¹⁷ Na tahuna mi bele o Jerusalem, huriki a turane mia vona ri ta kamumu ri vivi ne mia ri bole dili mia. ¹⁸ Muri na parava e Pol i turane mia mi lakea ne Jems,pali e huriki lobo a mugamuga ri bele. ¹⁹ Pol i lakea i ta kamumu ne ria,pali muri taki talea ara maki e Deo i rata virihi ne huriki a taratara na tahuna ia i rata leho vona. ²⁰ Tahuna ri longo ra hininga, ria ri kavurike rane Deo,pali ri takia ri tamaea,"Ioe o masia,turagu,i ala riva huriki a bakovi a ngatavine ria ri luhoi tora turane huriki a Juda.Ria ri tora ni muri vona lo e Moses. ²¹ Ranga e huriki ri vaka longo ne vomu,maea ioe o vara e huriki a Juda erei ri made turane huriki a tara tara koma ri ramaia lo e Moses,pali o taki ria maea rigi nahani pala kuline tune ria,pali rigi nahani ramaia naro hosi. ²² Ara maki mia migi ratea? Na hiningi ria ri longoe mai ioe o valai pali koia. ²³ Mavonga ioe o taki matou vona ara maki mete nana ioe vona ni ratea. Matou mete tahoka bakovi ala va tou to rata ni ta gamai. ²⁴ Bole ra bakovi nga i ala va o rata na naro ne matou togo palakado na matane Deo,pali o kona maka maki,nigi riri tala vune tou na gine tou.Tahuna ioe o rata maea huriki a bakovi a ngatavine bari palala maea ara maki ne taki virihi ne vomu koma i muholi.Pali ria bari palala maea ioe tara o ramaia lo. ²⁵ Pali ne huriki a tara tara erei ri luhoi torane Deo,mateu mete here mete taki ria maea rigi nahani vasileki tabu vona maka deo tatami,pali rigi nahani kana dara,na maka kani ri tano lae ni mate,pali nahani rigi rata naro ni molengaa." ²⁶ Muri e Pol i bole ra bakovi nga to ala va i rata tou na naro ni palakado ne tou lobo.Pali muri tou dili na tempel,pali ri taki tala i riva parava ria ri rata naro ni palakado ria ne ria lobo rigi haba ni habi ²⁷ Muga na parava i polo rua ge lobo,ranga Juda na provins o Esia,ri masia e Pol pololilo na tempel,pali ri vaka rike a tamudine huriki pololilo na tempel ri ubia e Pol. ²⁸ Ria ri gale tala ri tamaea,"Bakovi o Israel, o kori mateu.Ra bakovi ea erei i vara e huriki a bakovi a ngatavine nr virika maki i kamumu ne huriki a bakovi a ngatavine ne teu,pali a lo e Moses, vona ra tanga ea.Lakea i bole a maka Grik ria koma ria Juda ri dili na tempel ri ratea pilea mailona e Deo." ²⁹ Ria ri tamaea na ra ria ri masia hosi e Trofimus a bakovi o Efeses turane Pol o Jerusalem, pali ri luhoi maea i bolea e Pol i dili na tempel. ³⁰ Huriki lobo a bakovi a ngatavine vona ra citi ea ri turutu,ri nunu palupu ri tango tatea e Pol.Ri turari talea na tempel,pali ri tu karia ni hebi na tempel. ³¹ Na parava ria ri ngaru ni bimatea e Pol,a ngava i bele na kepten i mata kari a maka nugu maheto maea e huriki a bakovi a ngatavine o Jerusalem ri ratea tara maki hale. ³² Malaviri kunana i bole a maka nugu maheto a mata kari ne ria ri nunu puru ne huriki a bakovi a ngatavine.Na tahuna ria ri masia kepten turana e huriki a nugu maheto, ria ri lobo ri ubia e Pol. ³³ Pali e kepten i laho lakea ne Pol i nugu tatea, apli taki a maka nugu maheto ri kolo talea na sen.Pali e kepten i nanea maea ia erei pali ara i ratea. ³⁴ Huriki a bakovi a ngatavine ri gale tala ri taki a maka ngava i kupo.Pali e kepten i keri ni ta nara ri ngere hateka, lakea i vakuku e huriki a nugu maheto rigi bole lakea na murina e Pol. ³⁵ Na tahuna e kepten i bele na ni riki,huriki a nugu maheto ri valai ri tangi ri tamaea nara e huriki a bakovi a ngatavine ri tara pilea. ³⁶ Huriki a bakovi a ngatavine ri muri gosi ri gagale maea,"Bole talea koia!" ³⁷ Na parava e Pol ni bole lakea na murine kepten,e Pol i takia e kepten maea,"I kara Iau ga takia vomu tara maki?" pali e kepten i kolia i tamaea,"Ioe o ta na kavonaga na Grik? ³⁸ Ri ioe mege ioe ra bakovi o Isip erei i vakabela ni vaubi hosi pali bole a 4000 bakovi erei ri gega nitana gaman pali ri lakea na tanga tavula i uka bakovi vona?" ³⁹ Pol i tamaea,"Iau a bakovi o Juda na citi e Tarsus o Silisia.Iau a valai manga taho tanga vona tara citi i tahoka rana.Iau a nana ioe,o ru iau ga ta turana e huriki a bakovi a ngatavine. " ⁴⁰ Na tahuna e kepten i taki ge ta,Pol i pesi na ni rike e toto rikea limana ne huriki a bakovi a ngatavine. Pali e huriki lobo ri mangulu,e Pol i taki ria na kavonaga na Hibru.Ia i tamaea,