² Ia i laho na hini lobo vona ra tanga iea i vakatora maka bakovi a ngatavine ri luhoitora muri ia i lakea o Gris. ³ Tahuna ia i made keva tolu na hini nga,maka tara o Juda ri bele manga pile vona lakea i ngaru ni bole a sip ge lakea na kantri e Siria.Lakea i puloa niluhoi vona ia i hamule tabu iea o Masedonia. ⁴ Lakea a koma i kapo e tune Piras iea o Beria;lakea e Aristakas turane Sekondas;rua a bakovi ni luhoitora;iea o Tesalonika turane Gaius iea o Debi;Timoti turane Tikikas;e Trofimas ia a Esia i lakea turana iea o Esia. ⁵ Pali ra maka bakovi nga ri muga lakea o Troas ri dava mia vonga. ⁶ Mia mi pea e Filipai muri na parava ni luhoi a bret i uka yist mi bole a bout mi bele iea o Troas pololilo na parava i lima. Mia mi made iea o Troas na parava i polorua. ⁷ Na ni mugana parava na wik,na tahuna mia mi vapopo ni keve palupu a bret,Pol i takitala ngava na maka bakovi a ngatavine ni luhoitora i vano i kururodo.Na rana ia i luhoi ni pe ria ni vano na parava ranga. ⁸ Ra rum i tabuli polomeli mia mi valai mi vapopo vona i tahoka lam i kupo i tabuli vonga. ⁹ Tahuna e Pol i tabana ni tata tara koma bakovi a rana e Yutikas,ia i made na windo na ruma i mahita mate liu.Na tahuna e Pol i lalu tabana a ngava,ia i boru valai polomeli na rum i tolu i puru na malala i mate liu. ¹⁰ Lakea e Pol puru i mahita langa vona i lakavua.Ia i taki maea ria,"Mu nahani tamudi mava hateka,ia kama i mate,ia i mahuri." ¹¹ Muri e Pol i rike tabu na ruma i kevea bret i kania.I tabana ni tata i vano i palala hini,lakea i pe ria i vano. ¹² Lakea ri tamudi kamumu ri vivi hateka na tuhuna ra koma bakovi iea i mahuri tabu. ¹³ Mia mi pea e Pol mi bole a sip mi muga lakea o Asos,na hini nga e Pol bari rike turane mia na sip.Ra makea ni luhoi ne Pol na rana,ia i ngaru ni laho. ¹⁴ Tahuna ia i matai mia iea o Asos,mi rike palupu na sip mi lakea o Mitailen. ¹⁵ Mia mi rike na bout na parava muri vona mia mi bele na tabeke tara na bodu e Kios.Na parava muri vona mia mi bele na bodu e Samos,na parava muri tabu mia mi bele na tanga dagi iea o Miletus. ¹⁶ Pol i luhoi maea ia ge vano turana bout ge polotaroa e Efesas, na rana kimi ngaru ni made iea o Esia;ia i ngaru ni laviriri lakea o Jerusalem ge masia ra parava na Pentikos. ¹⁷ Iea o Miletus ia i rudu maka bakovi rigi lakea o Efesas rigi gale maka mugamuga na sios rigi valai ni masia. ¹⁸ Tahuna ri bele vona,ia i taki maea ria,"Mua kunana mu lohoka,na ni mugana parava iau a ru a vahagu iea o Esia lakea iau a made turane mua. ¹⁹ Iau a rupurua ni luhoi nau a rata leho ne Viridagi turana luhagu,lakea i bole iau a ni mava na rana maka Juda ri ru a ngava ni ratapile iau. ²⁰ Mua kunana mu luhoi maea iau kama nugu mulea tara maki ni taki mua na maka maki kamumu ge kara ni kori mua,na ara maki iau a taki mua na maka tanga na ruma takutaku ne mua kunana, ²¹ mua mu lohoka maea iau a takitala ne hurika tara iea o Juda turana a tara iea o Grik ne ria rigi pulo a vilone ria rigi lakea ne Deo rigi luhoitora ne Viridagi ne teu e Isu. ²² Ngane o masia,Hanu Kiripiripi kunana i ratau bara lakea o Jerusalem,pali iau kama lohoka ara maki ge bele ne nau vonga, ²³ pali a Hanu Kiripiripi i takau maea na maka tanga dagi a sen turana ni mava i davau vonga. ²⁴ Pali iau kama luhoi maea ni mahuri nau ga maki kamumu mule ne nau kunana,pali iau ga tora ga vakaloboa ni nunu varga nau ga vakaloboa a leho iau a bolea ne Viridagi e Isu ni takitala velenga kamumu na ni dodo ne Deo. ²⁵ Ngane o masia,na palane huriki lobo iau a takitala ngava na Harikinga,mua kama mugu matai tabu a matagu. ²⁶ Mavonga na parava iea,iau a tatala ne mua maea,iau a uka tara potu na darana bakovi tara ia ge velu. ²⁷ Na rana kama rihivoloa ne mua tara maki,uka,na rana iau a taki lobo ne mua pali maka ni ngaru ne Deo. ²⁸ Mavonga mu matakari kamumu mule mua,na maka sipsip e Deo i pasi nege mua mu bele manga matakari ne ria.Mua mu matakari kamumu maka sipsip ri made na sios e Deo,ne ria maka tara ia i kona mule ria na darana. ²⁹ Iau a lohoka maea tahuna iau a vano pali,maka ligo livoa hale liu bari valai na palane mua kama ge kara ni ru ria maka sipsip. ³⁰ Iau a lohoka maea ranga tara na palane mua bara ri taki maka ngava kama i kamumu na ni lalu maka murimuri ni ramai ria. ³¹ Mavonga mu matadoko kamumu.Mua mu lohoka maea na haro a rodo.Na pida i tolu liu,iau kama malo ni tovo mua na maka maki turana luhagu. ³² Lakea ngane iau a habi mule mua ne Deo turana ngava a ni dodo vona,ra hini nga ia i kara ni rata mua bara mu bele tora ia i kara ni habi a maka maki ne mua na palana bakovi a ngatavine ne Deo i pasi. ³³ Iau kama nutu na silva,o a gol,o a varikia na bakovi tara. ³⁴ Mua kunana mu lohoka maea ra lima iea i rata leho ni kori mule iau,turane huriki ri made turagu. ³⁵ Na maki lobo iau a habia ne mua ni vakasiri ni kori mua ni kori maka bakovi i uka nitora ni rata leho bara mu luhoia ra ngava ne Viridagi e Isu,maka ngava ia i taki:'Ni vivi na maka bakovi ri haba maki na viri ranga i dagi hateka i rede na ni vivi ni bole a maki na turamu."' ³⁶ Tahuna ia i rata maka ngava na naro maea,ia i tutupurua na malala matana lakea i vasileki turane ria. ³⁷ Lakea ri valai ri nugutatea e Pol ri ngurua ri tangi. ³⁸ Ri dodoa na hini maea ia i ta,kama rigi matai tabua matana.Muri ri bolea ri taparakia ri vakarikea na bout ia i vano.