26

¹ Ilang panahon ang lumipas nagkaroon ng taggutom sa lupain. Ito ay iba pa sa taggutom na naganap noong nabubuhay pa si Abraham. Kaya pumunta si Isaac sa timog-silangan sa bayan ng Gerar para kausapin si Abimelec, ang hari ng bayan ng Filisteo. ² Ngunit si Yahweh ay nagpakita sa kanya at sinabi, "Huwag kang pumunta sa Ehipto! Tumira sa ka lupain na sasabihin ko sa iyo! ³ Manatili ka sa lupaing ito, at tutulungan kita at pagpapalain kita, dahil ito ay sa iyo at sa iyong mga kaapu-apuhan na aking ibibigay lahat ng lupaing ito, at gagawin ko anuman ang aking mataimtim na pinangako sa iyong ama. ⁴ Gagawin ko ang iyong mga kaapu-apuhan na napakarami gaya ng mga bituin sa langit. Ibibigay ko sa iyong mga kaapu-apuhan ang mga lupaing ito, at gagawin ko ang iyong mga kaapu-apuhan na para maging pagpapala sa lahat ng mga lahi ng tao sa lupa. ⁵ Gagawin ko iyan dahil sinunod ako ni Abraham. Sinunod niya lahat ng sinabi ko sa kanya na gawin, lahat ng iniutos ko sa kanya na gawin, lahat ng ipinahayag ko at lahat ng mga batas na binigay ko sa kanya." ⁶ Kaya si Isaac ay nanatili sa Gerar kasama ng kanyang asawa at mga anak na lalaki. ⁷ Nang ang mga lalaki sa Gerar ay tinanong kung sino ang babaeng iyan, sinagot ni Isaac, "Siya ay aking kapatid na babae." Sinabi niya iyon dahil natakot siyang sabihing, "Siya ay aking asawa." Inisip niya, "Si Rebeca ay napakaganda, kaya siya ay nanaisin nila. Papatayin nila ako makuha lamang siya." ⁸ Nang tumagal na si Isaac doon, isang araw si Abimelec, ang hari ng bayan ng Palestina, tumingin pababa mula sa bintana ng kanyang palasyo at nagulat nang makita si Isaac na nilalambing ang kanyang asawang si Rebeca. ⁹ Kaya pinatawag ni Abimelec si Isaac at sinabi sa kanya, "Ngayon napagtanto ko na siya nga ay talagang iyong asawa! Kaya bakit mo sinabi, 'Siya ay aking kapatid na babae'?" Sumagot si Isaac sa kanya, "Sinabi ko iyan dahil inisip ko na maaring mayroong isang tao dito na patayin ako para makuha siya." ¹⁰ Sinabi ni Abimelec, "Hindi mo dapat ginawa ito sa amin! Isa sa aming mga tao ay maaring sumiping sa iyong asawa, at ikaw ay maging sanhi upang kami ay magkasala ng napakalaking kasalanan!" ¹¹ Pagkatapos si Abimelec ay iniutos sa lahat ng kanyang mga tao, sinabing "Huwag ninyo sasaktan ang taong ito o ang kanyang asawa! Ang sinumang gumawa niyan sa kanila ay siguradong papatayin!"

¹² Nagtanim si Isaac ng butil sa lupaing iyon ng taong iyon, at siya ay umani ng maraming pananim, dahil pinagpala siya ni Yahweh. ¹³ Si Isaac ay patuloy na nagkaroon ng higit na marami pang mga ari-arian, hanggang sa wakas siya ay naging napakayaman. ¹⁴ Siya ay nagkaroon ng maraming mga kawan ng tupa, mga kambing, at mga baka, at mga alipin. Dahil doon, ang mga tao sa Filisteo ay nainggit sa kanya. ¹⁵ Kaya ang lahat ng mga balon na hinukay ng mga lingkod ng kanyang amang si Abraham, pinuno ng mga tao ng lupa. ¹⁶ Pagkatapos sinabi ni Abimelec kay Isaac, "Kayo ay dumami ng higit pa sa amin, kaya gusto kong umalis kayo sa aming lugar." ¹⁷ Kaya si Isaac at ang kanyang pamilya ay lumipat mula doon. Sila ay nagpunta at nagtayo ng kanilang mga tolda sa lambak ng Gerar at namalagi doon.

¹⁸ Mayroong mangilan-ngilang balon sa lugar na iyon na nahukay ng ama ni Isaac na si Abraham nang siya'y nabubuhay pa, ngunit ang bayan ng Filisteo ay pinuno ito ng lupa matapos mamatay si Abraham. Ngunit si Isaac at ang kanyang mga lingkod ay hinukay muli ang mga balon, at binigyan ni Isaac ang mga balon ng kaparehong pangalan na binigay ng kanyang ama sa kanila. ¹⁹ Ang mga lingkod ni Isaac ay naghukay sa lambak at natuklasan ang isang balon ng sariwang tubig. ²⁰ Ngunit ang mga lalaki na nagpapastol ng mga hayop sa lambak ng Gerar ay nakipagtalo sa mga lalaking nangangalaga ng mga hayop ni Isaac. Sinabi nila, "Ang tubig sa balon na ito ay sa amin!" Kaya tinawag ni Isaac ang balon na "Esek", na ibig sabihin ay "hindi pagkakaunawaan," dahil sila ay hindi nagka-unawaan tungkol sa kung sino ang nagmamay-ari nito. ²¹ Pagkatapos ang mga lingkod ni Isaac ay naghukay ng isa pang balon, ngunit sila ay nag-away tungkol sa kung sino ang nagmamay-ari din nito. Kaya pinangalanan ito ni Isaac na Sitna, na ibig sabihin ay "pagsalungat." ²² Sila ay lumipat mula doon at naghukay ng isa pang balon, ngunit sa pagkakataong ito wala ni isang nakipag-away tungkol sa sino ang nagmamay-ari nito. Kaya tinawag niya itong Rehobot, na ang ibig sabihin ay "lugar na walang laman," sinabing, "si Yahweh ay binigyan tayo ng isang lugar na walang laman para tirahan ito, isang lugar na hindi ninais nang ibang tao, at tayo ay magiging napakasagana dito."

²³ Mula doon si Isaac ay pumunta sa Beer-seba. ²⁴ Sa unang gabi na siya ay naroon, si Yahweh ay nagpakita sa kanya at sinabing, "Ako ang Diyos na sinamba ng iyong amang si Abraham. Huwag kang matakot sa anumang bagay. Ako ay tutulong sa iyo at pagpapalain ka, at dahil sa anuman ang aking ipinangako sa aking lingkod na si Abraham, aking dadagdagan ng lubos ang bilang ng iyong mga kaapu-apuhan." ²⁵ Kaya si Isaac ay gumawa ng altar doon at siya ay naghandog ng pag-aalay para sumamba kay Yahweh. Siya ay nagtayo ng tolda doon, at ang kanyang mga lingkod ay nag-umpisang maghukay.

²⁶ Habang hinuhukay nila ang balon, si Haring Abimelec ay dumating mula sa Gerar, kasama si Ahuzat, kanyang tagapag-payo, at si Picol, ang kumander ng kanyang mga hukbo. ²⁷ Tinanong sila ni Isaac, "Ikaw ay kumilos sa pagalit ng paraan noon sa akin at pinalayo mo ako. Kaya bakit ka pumunta sa akin ngayon?" ²⁸ Isa sa kanila ay sumagot, "Nakita namin na si Yahweh ay tumutulong sa iyo. Kaya sinabi namin sa isa't isa, 'Kailangan nating magkaroon ng kasunduan sa pagitan natin at kay Isaac.' Kaya kailangan naming gumawa ng kasunduang pangkapayapaan sa iyo, ²⁹ sinasabi na hindi mo kami sasaktan, sa ganoong paraan na hindi ka namin guguluhin. Palagi kaming tumatrato sa iyo ng mabuti, at pinaalis ka namin ng mapayapa. At ngayon si Yahweh ay nagpapala sa iyo." ³⁰ Kaya si Isaac ay gumawa ng pagdiriwang para sa kanila, at silang lahat ay kumain at uminom. ³¹ Maaga ng kinaumagahan sila ay nagsumpaan sa isa't-isa na gagawin nila ang anuman ang kanilang pinangako. Pagkatapos si Isaac ay pinauwi sila ng mapayapa. ³² Sa araw na iyon ang mga lingkod ni Isaac ay pumunta sa kanya at sinabihan siya tungkol sa balon na natapos nilang hukayin. Sinabi nila, "Nakakita kami ng tubig sa balon!" ³³ Pinangalanan ni Isaac iyong Shiba, na kasintunog ng gaya sa salitang Hebreo na ang ibig sabihin ay "panunumpa." Hanggang sa kasalukuyang panahon ang bayan doon ay mayroong pangalang Beer-seba na ang ibig sabihin ay "balon ng kasunduang pangkapayapaan."

³⁴ Nang si Esau ay apatnapung taong gulang, pinakasalan niya si Judit, na anak na babae ni Beeri, at Basemat, na anak na babae ni Elon. Ang mga babaeng iyon ay parehong mga kaapu-apuhan ni Heth, hindi kabilang sa lahi ni Isaac. ³⁵ Ang dalawang asawa ni Esau ay ginawang kahabag-habag ang buhay para kay Isaac at Rebeca.