¹ ''Amucenjele kuti mutaciti milimo yenu iluleme kubantu kuti bamubone, kambo mwacita namu tamuyobi empindu kuzwa kuli Uso wenu uli kujulu. ² Ciindi nimupa zipo zyoluzyalo, mutalizyi mpeta kunembo lyenu mbuli basi kupaupa amenso mbubacita mu ma sinagogi omu tuzila- zila, kuti balumbaizigwe abantu. Nconzyo ndamwambila kuti, batambula kale mpindu zyabo. ³ Pele nimupa zipo zyoluzyalo, mutazumizyi janza lyenu lyecigoyo kuti lizibe lye cilisya cili likucita ⁴ kutegwa zipo zyenu zipegwe mu kusisikizya. Ponya Uso ubona mu kusisikizya uyomupa bulumbu. ⁵ ''Mwanokomba, mutabi anga mba sikupaupa, kambo balayanda kwiima oku komba muma sinagogi omu migwagwa mipati kutegwa babonwe abantu. Kasimpe ndamwambila nywebo, balitambwide kale mpindu yabo. ⁶ Kono nywebo, mwanokomba, amunjile mung'anda yenu mukati. Mujale mulyango okukomba kuli Uso, utabonwi. Mponya Uso ubona zyo mukusisikizya uyo mulumbula. ⁷ Mwanokomba, mutapangi bwinduluzi butabeleki mbuli mu bacita Basimasi, kambo bayeya anga bayomvwigwa akambo ka majwi abo manji. ⁸ Ino, mutabi anga mbabo, kambo Uso ulizi zintu nzimuyanda kamutano mukumbila. ⁹ Ino amukombe namu: 'Tata wesu uli kujulu, izina lyako ali kutekwe mbuli mbuli salala. ¹⁰ Bwami bwako abusike. Luyando lwako alucitwe ansi ano mbuli mulubede kujulu. ¹¹ Utupe sunu cilyo co buzuba o buzuba. ¹² Utulekelele milandu yesu, mbuli mutu balekelela bale milandu kuli swebo. ¹³ Utatutoli muku sukusigwa, pele utugwisye ku mubi. Kambo Bwami mbubwako, enguzu obulemu, mane kukabe kutamani.' ¹⁴ Kuti na mwalekelela bantu bulubizi bwabo, Uso wenu uli kujulu anguwe uyo mulekelela. ¹⁵ Pele kuti na nywebo tamubalekeleli bulubizi bwabo, anguwe Uso wenu uli kujulu takoyomulekelela bulubizi bwenu. ¹⁶ ''Nimulimya kulya, mutano lilengwani kumenso mbuli ba sikupaupa mbubacita, kambo bala litengwanya kumenso abo kutegwa baboneke ku bantu kuti balimya kulya. Kasimpe ndamwambila, balijene kale bulumbu bwabo. ¹⁷ Pele nywebo, nimulimya kulya, munanike mutwe wenu okusamba ku menso ¹⁸ kutegwa kutaboneki kuli bamwi kuti muli kulimya kulya, pele ati buyo kuli Uso utabonwi; ape Uso wenu ubonena mukusisikizya uyo mulumbula. ¹⁹ ''Mutabambi lubono ansi, awo mapempe O bulala mpuzinyonyona, abebbi mpuba donkola okubba. ²⁰ Pele, amubambe lubono lwenu kujulu, oko mapempe nekuba bulala nku zitakonzi kunyonyona, ape abebbi kuba takonzi ku donkola okubba. ²¹ Kambo oko kuli lubono lwenu, O moyo wenu nkwatunobede. ²² Linso ndye lambi lyo mubili. Mponya, kuti na linso lyako lili kabotu, mubili wense uzwide mumuni. ²³ Kono kuti na linso lyako ndibi, mubili wense uzwide mudima. Ino, kuti na mumuni oyo uli muli nywebo uzwide mudima, mupati oyo mudima! ²⁴ Takwe muntu ukonzya kubelekela basimalelo bobile, kambo ulasula umwi okuyanda umwi, Na ulajatilila kuli umwi oku sansola umwi. Tokonzi kubelekela Leza O lubono. ²⁵ Mponya awo ndamwambila, mutabilaili obuumi bwenu, kuti muyolya nzi na muyonywa nzi; na zyomubili wenu, zimuyo zwata. Nkokuti buumi tabwiindi cokulya, omubili kwiinda zizwato? ²⁶ Amulange bayuni muluwo. Tababyali ape tabatebuli nokuba kubamba mu tutombo, kono Uso wenu uli kujulu ulabapa cokulya. Nkokuti nywebo tamuyandiki kwinda mbabo mbubabede na? ²⁷ Ino ngwani wenu ubilaila ukonzya kuyungizizya ciimo ku buumi bwakwe? ²⁸ Kambo nzi nimubilaila zyokuzwata? Amuyeye maluba-luba omusaka, mbwakomena. Tabeleki, ape tasumi zizwato. ²⁹ Pele ndamwambila, nikuba Solomoni mubulemu bwakwe takwe nakazwatikwa mbuli ngayo. ³⁰ Pele kuti na Leza ulazwatika bwizu musaka, bunga sunu mpubuli junza bwasowelwa muciko, ino mbuti kwiinda mbwayo muzwatika nywebo, nywebo noba silushoomo lunini? ³¹ Ino mutabi nimubilaila okwamba ati, 'Ino tuyolya nzi?' na 'Tuyonwa nzi?' na 'Zibiya nzi zituyozwata?' ³² Kambo ambabo Basimasi balaziyandola zintu ezi, awe Uso wenu uli kujulu ulizi kuti mulaziyanda. ³³ Pele amusangune kuyandola bwami bwakwe obululami, pawo zintu ezi zyonse ziyopegwa kuli nywebo. ³⁴ Pawo, mutabi nimubilaila zye junza, kambo bwe junza buyoli bilailila. Buzuba buli bwense buli jesi mapenzi ayo.