¹ Ceka amputukile ku tangesa ku cukulo ca sisali, kaha civunga ca vantu cavungukile kumuzinguluka ikeye. Alyatele mu vuato ovu vuakele ha cisali, kaha atumamene mo. Eci civunga cose ca kele kualenga cisali. ² Ava ntangesele viuma via mu vinsimo, kaha m kutangesa ceni, evi vikeko via handekele kuli vakeko. ³ "Ivuililenu! Ndimi umo uaile naku kuna mbuto yeni. ⁴ Omu muakukuna, mbuto imo naimo yandumukilile mu mukuakua, kaha tunsila tuezile naku ilya. ⁵ Ikuavo mbuto yandumukililile ha malolua, aha hahonene livu lya lyingi. Halihize vene ntimbu yomine, muomuo kaya uamanene livu lya lingi. (amba livu lya lova) ⁶ Vunoni omu lyatuntukile lintangwa, evi vimbuto via zutzile, muomuo ya kuhona mizi kaha vuo mine. ⁷ Sikuavo simbuto sia ndumukilile mukati kaviti via mingonga. Eyi miti yamingonga yakolele kaha yakutuvanga sindze simbuto, kaha kavia hasele kuiima mihako. ⁸ Sikuavo simbuto sia ndumukilile halivu lya cili nakusoka sia sokele kaha naua sia kolele nakuima kuheta mu makumi atatu, makumi citanu nakamo, kaha amba makomba kazi." ⁹ Kaha uambele ngueni, "uose ouo alina matuitui akuivua, muecenu evue!" ¹⁰ Omu Yesu akele likalyeni, vase vakele kuhyehyi neni navase likumi nava vali vamu hulile hali vindze vinsimo. ¹¹ Ua handekele kulivakevo ngueni, "kulyenu va miavela cisuamo ca vuangana vua njambi. Vunoni kuli vaze vali kumbatsa, viose vili mu visimo, ¹² mangana ngue va kutala, eyo vakutala,vu noni kava kumona, kaha ce kangue vakuivua, eyo vakuivua, vononi kave kuivui nsinsa, kuvanga vakalumuke kaha njambi akahasa ku va konekela." ¹³ Ua va hulile ngueni, "muaci viu nsisa eci cisimo? kaha vunoni mukuivui nsisa vati evi visimo viose?" ¹⁴ Ou muka ku kuna nakunu lizi. ¹⁵ Aua mesi akeko amo aze ali ku tsila, kuze kuva na ku lizi. Muva kulivua, santana oho vene hakuiza nakulitambula eli lizi liva kuna muli vakevo. ¹⁶ Ngece ezi zikeko zimbuto zize ziva kunine mu livu lia mulolua malolua; vaze muvakuivua lizi oho vene vaku litambula na tsolela. ¹⁷ Vu noni kaliasi na mizi muli vakevo, vunoni vaci kuzikisako cindende. Kutuala muze, ngue vu noni vinkonko joola naku va vangeya kuaputuka ha ndava ya lizi, oho vene vakuua kufuma ku lizi. ¹⁸ Kaha zikuavo zimbuto zize ziva kunine mukati ka mingonga. Ava vakeko vaze vekuivua lizi, ¹⁹ vunoni ava vaka kulama lifuti nava ka ku kuata vupite naci zango caviuma vikuavo vakuiiza na kukovela na kuana ku tuvaanga eli lizi, ngece kalie kuima. ²⁰ Ize iva kunine mulivu lize lya cili kuima mihako, makumi a tatu, makumi atanu nalimo, amba makombakazi kuhakelako. ²¹ Yesu uambele kulivakevo, "mueku ne ha linongo mukati kandzivo na ku lihaka muitsi yaci zuma ini mutsa muhela? mueku neha na kuhaka ha citsandia. ²² Muomuo navimo viva suekaho, kuhonoua kuvi siva viahi, amba vilinga viamu vulika vikeza ha mbunga. ²³ Ngue umo alina matuitui akuivua, mue cenu evue!" ²⁴ 24 Uambele kuli vakevo ngueni, Ivui nsisenu kuli vize vimukuivua, muomuo cipimo ciu kapiminaho vaka cipiminaho kuliove, ngoco viavingi vakakuhakelaho. ²⁵ Muomuo uose uze alinavio, kuli ikeye viavingi vaka muhakelaho, naua uose uze kesi navio, navize vene viavindende viali na vio vaka vitambula." ²⁶ Uambele ceka ngueni," vuangana vua njambi vuli ngue yala ou wakunine mbuto mu livu. ²⁷ Eku kosa vutsiki kaha kuhinduka muku kuca kaha mbuto eyi iku soka mitombo kaha iku kola, kaha kekuiziva. ²⁸ Livu lie kuima mihako livene: ha katete cisongo, kaha cihungu, kaha zimbuto sia vihungu. ²⁹ Ngue zimbuto zinaci, hali kutuma vaka kukomba muomuo ntsimbu ya kutia yaheta." ³⁰ Ceka uambile, "kuvika kutu ka hasa kuesekesa vuangana vua Njambi, amba cisimo muka cituku lumbunuisa naco? ³¹ Inapu ngue mbuto ya musatalata, ei ngue vai kunu,yapwa yayi ndende hazikuavo zimbuto zjaha mavu. ³² Vu noni, ngue vaikuno, yeku kola naku hambakana zimbuto zikuavo ziamulihia na kukala na mintango yakama, mangana tunzila tua muiilu tu hase ku vuvieka vusua vuato ku mintango." ³³ Na vinsimo vua vingi via kufwa ngecevi, ua handekele lizi kulivakevo, ngecize muva hasa kuivuisisa, ³⁴ kaha kahandekele kuli vakevo caku honona cisimo. Vunoni omu akele likalini, ualumbunuine vuose kuli vandongesi zheni. ³⁵ Halilize litangua, nacikuesi uambele kuli vakevo ngueni, "Tuyenu kusinya," ³⁶ kaha vasezele civunga, vaile na Yesu, nge cemuakelevene, mu vuato. kuakele mato akuavo mu va kuiila. ³⁷ Kaha haze vene kuakatukile mankanya na luhutzi luakama, naua mankanya aua aku kovela mu vuato ku hyehyi naku sulisa mema muvuato. ³⁸ Vononi Yesu ivene ua kosele ku ntongo ya vuaato, ha cisatelo. Vamuhinduisile luhutzi, nakuamba nguavo, "Mulongesi, tu yoveloko tuli kuhyehyi naku na nonga?" ³⁹ Uahindukile, kaha uaundisile luhutzi, na ku cisali, "kuunda! mana!" Kaha luhutzi lua undile na ku lembamena kuluu cikuma. ⁴⁰ Kaha uambele kuli vakevo, "Vika vimu ne vuila vuoma? Naino tsimbu kamuesina lutsilyelo?" ⁴¹ Va sulile na vuoma kaha va mputukile kulihandekesa umo na mukuavo, "ou ikeye yeya, uakulinga luhutzi na cisali vi muononokele?"