1
Naua Yesu ua ile mu Sinangonga, nge chize muakele yala uasoseka livoko.
2
Vamuo vantu amusisikele muyeyi na kumona ngue aku musaka hasambata mangana vamu wanene mulonga.
3
Yesu uahandekele kuli uze yala uakusoseka livoko,"ngueni katuka muno mukati ka vantu".
4
Ngecize ali ku handeka ku vantu, "Cataveseua kulinga vuviuke halitangua lia sambata ni kulinga mua mupi, na kuovola myono ni kutsiha?" Olandzo vakele uundutu.
5
Ha vatalele zingululu namatoto, naua ca mu vavalele hakukola ca mitima yavo, nawa handeke kuli uze yala ngueni, "olola livoko liobe."
6
Halikuliolola, na livoko lieni halikukala muze muliatela. Va Faliseo va tulukile hohovene na ku sangumuka hamolika navatu va Helondi na ku uana muakumutsihila.
7
Ngecize Yesu, amuolika nava ndongesi zieni, vayile kucisali, na mbunga ya kama yakavile kufuma ku Ngalileya na ku Yundeya,
8
na ku Yelusalema, na ku Indumeya, na kupulakana Yondano, na ku Tile na Sindone. Civunga cakaama cezile kuli ikeye, muomu ve vwile vuama vize via kama via kulinga.
9
Kaha avalekele vandongesi veni ngeciz kavuato kandende muomuo ya mbunga cize, ku tina va mu palakana.
10
Muomuo nakangusile va vengi, ngocho vose vakele na misongo va musindakanene linga va mu sakele livoko.
11
Na vimbembesi via ku zuahala omuo va mu mwene, va huile ku meso heni va lilile kaha vambele, nguavo "ove u muana njambi."
12
Ua va sindile cimu linga kati va mu solole.
13
Kaha ua kandukile ku mucinda, ua sanene vaze kuli ikeye vose va atondele, kaha vezile kuli ikeye.
14
kaha ua tumbuele likumi na vavali (vaze ha lukile va ndongezi) linga va kale neni kaha a va tume mu ku hambulula muzimbu,
15
kaha va kale natzitzili ya kumbila vandemuone.
16
Kaha akundikile likumi na vavali; Simone, ua mu lukile naua Petulu;
17
Tiangu muana Sembendeo, na Yoano ndumbua Tiangu; na vakevo ua va lukile naua Mboanalezi, cikeko Vana va ku-zima;
18
kaha Andeleo, na Filipu, na Mbatolomeo, na Mateo, naTomasi,na Tiangu muana Alefeu, naTandeo, na Simone mukwa kanana,
19
na yundasa isikaliota, ikeye uze ua mu hendele vungungu.
20
Kaha uezile kuimbo, kaha civunga ca kungulukile hamuo, ngecize ka vahasele ku lia muka.
21
Kaha omuo va vusoko veni vacivuile, va yile mu ku mukuata,"muomo nguavo na zaluka."
22
Kaha vaka kusoneka vaze vezile kufuma ku Yelusalema va handekele nguavo, "ali na mbelesembulu" kaha na "muangana ua vandemone a mbila vandemuone."
23
Yesu ua va sanene vaze kuli ikeye, kaha ua handekele navo muvisimuo ngueni,"vati satana hasa kumbila satana?
24
kaha nga vuangana ua litepe vuvene, nga vuangana vuze ka vu hasa kumana.
25
Kaha nga zivo ya litepe yivene,nga zivo yize ka yi hasa ku mana.
26
Kaha nga satana na katula nkole ivene kaha na litepe, kaha kali kuhasa kumana, vunoni aku hua.
27
Vunoni na umuouahi a hasa ku ngila mu ndzivo ya mukua ngolo na kupunda bikuata vyeni nga akatete ka kutile uze mukua ngolo, amba vyose a kapunda vya mu ndzivo yeni.
28
Mua vyusunga nji ku mileka, nguange vupi vyavo vyose viva kecela ku vana va vantu na tusahutu tuavo tonse,
29
vunoni uase aka kusahula sipilitu santu ka va ka mu ecela, vunoni nahi na mulonga ka uekuua wa ya-ye."
30
Yesu handekelevi muomu va handekele nguavo, "Ali na cimbembesi ca ku zuala.
31
kaha kuezile naye na vamuanaye kaha va mene hambaza. Va mu tuminine, na ku musana.
32
Chivunga ca tumamene va mu zingilikile, kaha va mu lekele nguavo," Nana na vana va noko vali hambandza va li na ku kutonda."
33
Ua vakumbunueni ngueni, "Nana na vana va nana veyazo,"
34
Ua talile vaze va tumamine va mu zingilikile ua handekele ngueni, "Talenu, nana na vana va nana!
35
Muomu uose hakalinga cizango ca jambi, ikeye vene muanetu ua yala, ua mpuevo, na nana"