¹ Muze tangwa lya pentekoshite lya hetele , eswe apwile hamuwika muchihela chimuwika. ² Susumuku mwakatukile mwilu lundunjila ngwe fuji yinene , hohene yazalishile muzuwo muze atwamine . ³ Kwasolokele kuli ayo ngwe malimi ami lengi ngwe ya kahya ha mutu nyi mutu , ya twamine hali ayo . ⁴ Eswe azalile too nyi shipilitu musandu yaputuka kuhanjika mu malimi a kuli hichika nyi chize atetekelele shipilitu musandu . ⁵ Mwapwile mu yelusaleme a yunda apwile nyi kutwamamo, akwa kulemesa Zambi , kukatuka mumavungu eswe a hashi. ⁶ Hakwivwa yono lundunjila , chizavu chalikungulwile hamu wika mba yali shimoka mumu mutu mweswe wa hashile kwivwa chocho apwile nyi kuhanjika mulimi lyenyi. ⁷ Ali komokene nyi kuli shishimoka ; mba yamba ngwo , '' chamwenemwene, kuma awa eswe amahanjika hi angalileya ko? ⁸ Mumu ika yetu tunevwila yize anambe ayo, mutu nyi mutu mulimi lyenyi mwene , lya kusemuka nalyo? ⁹ A-pato, A-medi, A-elame ,nyi waze eswe atwama mu Misopotamya nyi mu Yundeya nyi Kapandose, nyi mu Ponto, nyi Eja, ¹⁰ nyi Fwika ,nyi Pamafwilya , nyi Engitu kusako nyi yihanda ya limbya kukamwihi nyi kileni kusako nyi ngeji akukatuka ku Loma. ¹¹ A yunda nyi akwa kufulyela akwa mavungu akwa Kileti nyi; Alebya , tunevu ayo kwambulula mu malimi jetu ha milimo yinene ya Zambi. ¹² Eswe yalikomokena nyi kukashana ;yamba kuli umwe nyi mukwo ngwo , '' kuchi chinalumbuluka chino?'' ¹³ Amwe ya muchimbunguna yamba ngwo , '' kanazala too nyi vinyu yaha'' ¹⁴ Mba Petulu yakatuka nyi akwo nyi kumi nyi kshi , yatambakana , yamba ngwenyi kulyayo , '' yenu Ayunda nyi yenu eswe nwatwama mu yelusaleme nyingikenu chino yenu ; panjikenu ku maliji jami. ¹⁵ Awa atu kazengewele ngwe chocho nuna nyongo , mumu wola yichili lume jitatu kukucha chatangwa . ¹⁶ Yenayi yuma a hanjikile pulofeta joele ngwenyi; ¹⁷ 'cho muchikapwa ha matangwa akusulako , Zambi yamba ngwenyi,' kumuka hingunwena shipilitu yami hali atu eswe . Anenu ama lunga nyi a nenu amapwo ku ma kapulofeteza , akweze jenu kuma kamona usolwelo , mba makulwana jenu kuma kalota ilota. ¹⁸ Chaumwene mwene hali ndungu jami nyi ndungo amapwo mukahingunwina shipilitu, yami, mumatangwa waze kuma ka pulofeta. ¹⁹ Mukusolwela yipekesa mwilu nyi yilayi hashi , nyi manyinga , kahya nyi chishichishi cha wishi. ²⁰ Tangwa mwikalumuka milima nyi kakakweji makalumuka manyinga shimbu kanda tangwa linene lya Zambi kanda liza. ²¹ Muchikapwe yoze mweswe ma sanyika ha jina lya mwene ma ka mulamwina.' ²² Enu A-Izaleli , yivwenu wano maliji : Yesu wa ku nazale lunga yoze atongwelele yenu kuli Zambi mwene nyi ipupu, yipekesa nyi yilayi ize Zambi alingile kupalikila mu iye mukachi kenu, kweseka nyi chize nuna nyingika . ²³ Yono lunga a mukunjikile kulita nyi nyonga lya Zambi nyi uhashi wenyi; yenu , nwamukwachile nyi moko ja yingulungulu , nwamu hachile ha kulusu wafwile . ²⁴ Alyoze Zambi wamu hindwishilemo , yamuka sulula muyikola ya kufwa , mumu te kahashile kukwachika nyi tachi jacho. ²⁵ Mumu Ndawichi kanambe haku twala hali eye ngwenyi , 'namwene mwene wami matangwa eswe ku meso jami mumu eyi kali nyi yami ku kwoko lyami lya chilyo chocho nguka hone kuzeya . ²⁶ Chocho mbunge yami kuyili nyi chiseke nyi limi lyami linawahilia;. Nawa , musunya wami mu ukatwama mu ufulyelo. ²⁷ Mumu yena kuchi kwechi alama yomi kuya kuma kwafu . Chipwe musandu wenu kumona kupola ²⁸ .Yena hiuna ngusolwela yami majila a mooono ; nawa muka ngwaha auseke kumeso je.' ²⁹ Mandumbu , chinangute yami ku hanjika kuli yenu nyi kumika ha kutwala kuli kalauko Ndawichi , ngwami kafwile nyi kumufunda , fuka lili nyi yetu nyi musonouno. ³⁰ Keshika , hakupwa ka pulofeta wa nyingikine ngwenyi Zambi walishingile nyi lushiko kuli iye ngwenyi umuwika wa muli ana jenyi maka twama ha wanangana . ³¹ Iye wamwene ya kulutwe chocho ya hanjika kutwala kuhindukilo wamwe Kilishitu , ngwo kakakunjikile alama yenyi kuwamwene kupola. ³² Yono Yesu , - Zambi wamuhindwishilemo , hachino etu eswe tuli yela. ³³ Keshika , hanamunangamisa ku kwoko lya chilyo cha Zambi nyi ha kutambula shipilitu musandu kuli tato , chocho hanazukula chino nuna mono nyi kwivwa. ³⁴ Mumu Ndawichi kakaiyile mwilu , mba yamba ngwenyi 'mwe mwene wambile kuli mwene wami ngwenyi , '' twama kukwo lyamio lya chilyo ³⁵ ndo muze mungulinga akwa kole je chitwamocha yilyato ye.'' ³⁶ Keshika , eswe a mu zuwo lya Izalele nyingikenu chino ngwenu Zambi hana muse kupwa yeswe mwene nyi Kilishitu , yono Yesu yoze nwa hachile ha kulusu .'' ³⁷ Hakwivwa wano maliji , a chokele kumambunge jo , mba yamba kuli Petulu nyi tumbaji akwo ngwo, ''' mandumbu , kuchi mutulinga?'' ³⁸ Petulu yamba kuli ayo , '' likonekenenu hanga anu papachise , ha mutu mweswe mujina lya Yesu Kilishitu ha ukonekeno wa shili jenu, chocho munutambula wano wa shipilitu musandu. ³⁹ lushiko luli kuli yenu nyi kuli anenu nyi eswe ali kusuku , kweseka nyi kwoko cha atu waze mwene Zambi yetu masanyika nyi upale wenyi.'' ⁴⁰ Nyi maliji anji ya shinyila nyi kwa halisa yamba , ngwenyi , '' lilamwinenu kuchi samuk chino cahuhenge.'' ⁴¹ Hohene atambwile liji lyenyi nawa apapachishile , mba ya wezelako lize lyene tangwa atu a hetele tununu atatu. ⁴² O ali hanyine ene mu longeso lya apositolo nyi longeso nyi kukunguluka hamuwika , nyi mu ku palula mbolo nyi mu kulemba . ⁴³ Woma wakwachile mutu mweswe , mba yuma ya kukomwesa nyi ipupa ayilengili kupalikila muli apositolo. ⁴⁴ Eswe afulyelele apwile hamuwika chocho alingile yuma yeswe , hamuwika , ⁴⁵ mba alanjishile upite wo nyi yikumba yo nyi ku yanyina kuli eswe , kulita nyi kukalikiza mutu mweswe apwile nacho. ⁴⁶ Hatangwa , hatangwa ali hanyine nyi chuma chimuwika mu tembele . Chocho apalwile mbolo mumu zuwo, nyi kulya nyina ya kulya hamwuwika nyi mbunge ja sambukila. ⁴⁷ Kuhalisa Zambi nyi kuwana vumbi kumeso ja atu eswe mba hatangwa hatangwa mwene wa wezeleko waze atambwile ulamwino.