¹ Mba petulu nyi yowano akandukile mutembele ha ola ya kulemba , ola ya muchilivwa . ² Mba wumwe lunga chilema chize mujimo lyanaye apwile nyi ku mumbata nyi kumusela tangwa ha tangwa kuchikolo cha tembele jina lyacho chipema .Tangwa ha tangwa atumbikie kuchikolo chatembele . ³ Yiye hakumona Petulu nyi Yowano himanjila mutembele , ya eta yawana. ⁴ Petulu yamuhulikila meso , nyi Yowano yamba ngwo, '' tala kuli yetu ''. ⁵ Yiye watalile kuli ayo , wa nyongene kutambula yimwe kuli ayo. ⁶ Mba Petulu yamba ngwenyi , '' palata nyi olu kushi nayo , alyoze chize nguli nacho , mungu kweha. Mujina lya Yesu kilishitu kanazale katuka wende .'' ⁷ Mba ya mukwata ha kwoko lya chindume , Petulu yamu katwisa , nyi hazehene yilyato yenyi nyi tu sendengele twenyi afikijile. ⁸ Muku nyangumuka yakatuka , nyi yaputuka kwenda , yiye wanjilile hamuwika nyi Petulu nyi Yowano mutembele , nyi kwenda , nyiku nyangumuka, nyiku halisa zambi. ⁹ Atu eswe amumwene kanende nyi kuchichimyeka Zambi. ¹⁰ Amusele chinyingi ngwe yiye mwe lunga yoze wapwile nyi kutwaminyina yawana kuchikolo chipema cha tembele; Mba ya komoka yali shimwoka kuhyana ha chize amulingile . ¹¹ Shimbu yiye machi kakaminya kuli Petulu nyi Yowano , atu eswe ya zomboka nyi kuli kungulwila mu senga lya liya solone,nyi kuli komokela chikolo. ¹² muze Petulu hachimona , yakumbulula atu ngwenyi , '' yenu Ayizalele kuchi te nunalishimwokena ha chino? kuhi te nunatuhukila meso jenu, ngwe ku tachi jetu yetwene hanji upeme wa yetwene twamwendesanga ? ¹³ Mwe Zambi ya apalahama , nyi Yisaka , nyi Yakomba mwe Zambi ya akakuluka jetu , hanahana uhenya kuli kavumbi kenyi Yesu . Yiye yoze yenu nwakunjikile nyi kulituna kumeso ja Pilatu , muze yiye ambile kumutusula. ¹⁴ Nwalitunyine mwe musandu kanda mwe mukwa ululi ,mba nwechilen annwehe chingalwe. ¹⁵ Yenu nwa shihi mwe kaputa ka mwono yoze Zambi ahindwishile mukachi ka afu- nyi yetu tuli yela . ¹⁶ Mba ku ufulyelo mujina lyenyi Yesu kilishitu hilwamupwisa mungunu . Yono yono nuna mono , nyi nwa nyingika . ufulyelo wa muli Yesu hi una mwehe mujimba ungunu kumeso ja eswe. ¹⁷ Halyapwila , mandumbu , ngunanyingika ,ngwami nwachilingile mukwalajala, chimuwika nawa nyi akwa kuyula jenu. ¹⁸ Alyoze yuma yize Zambi ambulwile shimbu kanda kumakanwa ja apolofeta jenyi eswe chocho hana manununa ngwo , kilishitu makafwa. ¹⁹ Likonyekenu , kashika , nyi kwalumuka , hanga milonga yenu yikajimuke , hanga ola yawu huzukilo hanji mulikeza kumeso ja mwene . ²⁰ Hanga akatume kilishitu yoze anutongwelele ye shimbu kanda, yiye Yesu. ²¹ Yiye yoze wika malilu atamba kumutambula ndo ku myaka ya kululikisa yuma yeswe hakutwala kuyize Zambi hanahanji kumya kulwila kumakanwa ja apolofeta jenyi. ²² Mose chamwenene wambil ngwenyi ,'' mwene Zambi yenu kuma kamika polofeta wakuli usoko wenu wakulifwa nyi yami. Ha yuma yeswe yize makamba kuli yenu aye nu ka mwivwe. ²³ Mba muchikapwa hali mutu mweswe yoze kechi kevwa polofeta kuma kamwenyeka lya kuli hakachi ka atu. ²⁴ Chamwenemwene , nyi apolofeta eswe chize kuli samuwele nyi waze eswe ahachile halutwe , eswe ahanjikile nyi kwambujola matangwa . ²⁵ Yenu nuli ana ja apolofeta nyi usendo wuze Zambi akolese nyi tulamba twenyi, chize ha nambe kuli Apalahama, ngwenyi , '' mu lumbuto we majimo a miyachi yeswe yahano hashi kuma ka waha . ²⁶ Zambi kavumbi kenyi Yesu walyangile se kumusola kuli yenu , wamutumine mukunuwahisa ha kunu kondolola mutu mweswe ku jila yenyi ya angulungulu.''