¹ Mba muchikungulwila cha Andyaka, mwapwile amwe tu profita nyi ma longeshi. Kapwile Mbalapa, Samone (yoze anasanyika ngwo mutu mula), Lusiya wa Sailene, Manaene ( yayo ya Helonda) nyi Saulu. ² Shimbu apwile nyikulemba Zambi nyi kulitwamina kulya, Shipilitu Musandu yamba, "Nguselenu hasesa Mbalapa nyi Saulu, alinge milimo yize nasakwila.'' ³ Muze halitwamina kulya, kulemba, nyi kwasayika moko jenu hali ayo, atumine ⁴ Mbalapa nyi Saulu azeyelele Spilitu Musandu nyi kuya ku Selusiya; kuze ahetele nyi kufwashi ya Cyprus. ⁵ Muze ayile ku mbonge ya salamis, ambulwile sango lya Zambi mu yikungulwila ya Ayuda. Marku kapwile chikwashi wo. ⁶ Muze hapalika mweswe mu Pafose, awanyine kafufuta, ka profita wamakuli jina lyenyi Bar Jesus. ⁷ Awu kafufuta nyi nguvulu,Seguse, Paulusa, yoze wapwile chikanyame. Wasanyikine Mbalapa nyi Saulu, mumumkazangile kwiva liji lya Zambi. ⁸ Mba Elimase " kafufuta" (che lyalumbunuka jina lyenyi) wamuhamikine; wasekele kuchiza nguvulu ku wufulyelo. ⁹ Mba Saulu yoze akusanyika Paulu, hanazala nyi Shipitu Musandu, yamunonoka chikolo ¹⁰ ngwenyi, ''Ena mwana wa ndyapu, hiwunazala nyi makuli nyi upi. uli mukwakole ya wululi weswe. wuchikecha kuhengesa jila yawumwenemwene ya Zambi? ¹¹ mba tala, kwoko lya Zambi lili hali yena, mopwa kapuputa. mwalwa uchikuwumona ha kashimbu kakehe." Hohene mbundu yaholokele hali Elimase; waputukile kupuputa kachi te atu amukwate kukwoko. ¹² Muze nguvulu hamona yize hamona yize yinakalingiwa, wafulyelele mumu wakomokene longeso lya Zambi. ¹³ Paulu nyi masepa yakatuka ku Pafose nyi kuya ku Pega nyi Pamufilya. mba Yowanu yahichika nyikuhiluka ku Yeslusama. ¹⁴ Paulu nyi akwo akutukile ku Pega nyikuya ku Antioka wa ku Pisidya. Akuze anjilile muma sinangonge ha tangwa lya Sambata nyi kutwama hashi. ¹⁵ Muze kutanga cha maliji nyi apolofita, thetekeli achikungulwila asanyikine kwamba, " Mandumbu, nyi nuli nyimaliji akujikijisa atu, hanjikenu." ¹⁶ Paulu wakatukile nyi kulahula kwoko; ngwenyi, '' Athu ja Isalele nyi waze akuvila woma Zambi, panjikenu. ¹⁷ Zambi wa Isalele wasakwile tulamba jethu nyikwapwisa kwoka muze atwamine mu Engupta, nyikwoko lyenyi lya tachi wachijilemo. ¹⁸ Hamyaka makumi awana wa fungile mu masunangonga. ¹⁹ Muze henyeka yifuchi shimbyali yamu Kenani, wahanyine atu jetu kuhinga chifuchi cho. ²⁰ Ayi yuma yalingiwile mu myaka makulakaji awana nyi makumi atano. Hanyima lya yinoyeswe, Zambi wahele akwakuyula ndo Samuele ka pulofita. ²¹ Mba atu azngile mwanangana, nyi Zambi yaha Saulo mwana wa Kishi, lunga wa kuvungu lya Mbejame, kupwa mwanangana ha mwaka makumi awana. ²² Zambi yamuchizaho ha wananganan, yaneha Ndavichi kupwa mwanangana wo. Hamulonga wa Ndawichi he Zambi wanjikile ngwenyi, ' Nawanyine Ndawichi mwana wa Yesse kupwa lunga walinga mwaya mbunge yami, yoze wakulinga yize nakuzanga yiye alinge.' ²³ Kukatuka muli ana ja mutu yono Zambi haneha kuli Isalele Chilamwina, Yesu, chize ashikile kulinga. ²⁴ Shimbu Yesu kanda achiza, yowanu wambulwile wupapachiso wa kwecha shili kuli eswe akwa Isalele. ²⁵ Shimbu Yowanu wapwile nyikuhwisa milimo yenyi, wahulile, 'Nwakunyonga ngwenu yami yiya? Hiyamiko. Mba ivenu, umwe kaneza ha nyima yayami, chishi kuhasa kujitula miya ya sapato jenyi.' ²⁶ Mandumbu, ana ja Apalahama, nyi waze avila woma Zambi, kuli yetu kwe sango lya ulamwino hanalitumu. ²⁷ Mumu waze ali mu Yelusalema, nyi myanangana jo, kakamunyingikine, yahetesa maliji ja apulofita waze akutangiwa ma Sambta eswe nyi kumupayisa. ²⁸ Chipwe kakawanyine mulonga wakumushahila, amilile Pilato kumushiha. ²⁹ Muze hamanununa yeswe hiyinasowa mumumwayiye, amuchijile ha mutondo nyikumusa mu fuka. ³⁰ Alyoze Zambi wamuhindwishile ku afu. ³¹ Amumwene hamatangwa anji kuli waze akatukile nenyi ku Galile ndo ku Yelisalema. Wano atu hapwa yela ku atu. ³² keshika tunalweze sango lize Zambi ashikile kuli tulamba jetu ³³ hatuhetesela Yetu, anajo, hakusangula mwe Yesu. Chize hichinasonewa mu Myaso wamuchali: 'Uli Mwanami, musono yami Tatenu.' ³⁴ Hanamuhindwisa ku afu hanga mujimba wenyi kanda ukapola, Zambi yamba chize: 'Mungukakwaha usandu nyi kisu nashikile Ndawichi.' ³⁵ Keshika mu Mwaso ukwo, 'uchikatayiza Musandu we kupola. ³⁶ Mumu muze Ndawichi hakalakala kulita nyikuzanga cha Zambi mu chisemuko chenyi, wapombele tulo; amupombesele hamuwika nyi tulamba jenyi nyi mujimba wenyi wapolelele. ³⁷ Alyoze yoze Zambi asangwile kakapolele. ³⁸ Keshika nyingikenu chino mandumbu, kupalikila muli yono Mutu hanalyambulula kuli yenu ukonekeno wa shili. ³⁹ Muliyiye eswe mafulyela masamba kuyuma yize shimbi ja Mose jichikuhasa kukusambisa. ⁴⁰ Keshika kanyamenu ha yuma yize apulofita ahanjikile ngwo muyikalingiwa kuli yenu: ⁴¹ talenu, yenu akwakulelesa, pwenu akwa kukomoka nyi kunonga! Mumu ngunalingi milimo muma tangwa wano, milimo yino nuchi kayifulyela, -chipwe umwe manulweza. ⁴² Paulu nyi Mbalapa ayile, mba atu echile kachi te akalongese maliji wano Sambata yinakaulaho. ⁴³ Muze kulikungula chahwile, anji akuli Ayuda nyi waze akwakwalumuka akawile Paulu nyi Mbalapa, ahanjikile kuli ayo nyikwajikijisa kukola mu keke ya Zambi. ⁴⁴ Ha Sambata yakawileho, chihunda cheswe ejile nyikwiva malaji a ⁴⁵ Zambi. Muze A-Yuda hamona mbunga ja atu, avila kole nyikuputuka kuhanjika maliji api nyi kumutuka. ⁴⁶ Mba Paulu nyi Mbalapa ahanjikile nyitachi kwamba, "'Chatamba liji chitangu kulyambulula kuli yenu. muze nwalizangile nyikwamba ngwo nwatelele mwono wamutolo, talenu, tunayi kuli akwamavungu. ⁴⁷ Mumu Zambi hatulweza, kwamba, 'Nanupwisa kupwa pangu lya akwamavungu, kwamba nunehe ulamwino ku masongo achifuchi.''' ⁴⁸ Muze akwamavungu avwile chino, apwile nyisambukila nyikusakwila Zambi. Waze anji atongwele kumono afulyelele. ⁴⁹ Maliji a Zambi ayile kuyifuchi yeswe. ⁵⁰ Mba Ayunda akapwile pichi ja mapwo apwile nyikumana kanawa nyi malunga ja muchihunda. Avundwile kumwesa lamba cha Paulu nyi Mbalapa nyi kwambila haze lya chifuchi chize. ⁵¹ Mba Paulu nyi Mbalapa alikukumwine fufuta kumolu ha ayo. Keshika ayile ku chihela cha Ikoniyuma. ⁵² Tumbaji apwile nyi sambukila nyi Shipilitu Musandu.