¹ Hamwaka wuze mwanangana Helonde wakwachile amwe akwa chikungulwila nyikwalinga chipi. ² Washihile nyi katana Tiyangu yayo ya Yowanu. ³ Nyimuze amwene ngwe chapemenene Ayuda, wawezele kukwata Petulu nawa. Chapwile ha matangwa a mbolo kuyishi ufutunwiso. ⁴ Nyi muze te hamukwata, wamusele mukamenga, wamukunjikile kumbunga jiwana ja maswalale amufunge. Mumu watalile kulutwe lya chizomboka kumuneha haze kuli atu. ⁵ Keshika Petulu amufungile mukamenga, alyoze akwa chikungulwila amulembelele kuli Zambi nyi mbunga yeswe. ⁶ Muze Helonde wambile kumuneha haze, ufuku uzewene Petulu wapwile mutulo mukachi kamaswalale wakukasa nyi malenge aali, nyi tulayi kulutwe lya pito apwile nyikufunga kamenga. ⁷ Kumanyi, mu ngelo wa mwene wamanyine helu lyenyi, nyi pangu lyapangukile mukamenga. Yiye walambile Petulu ha lumbu lyenyi, wamulawishile ngwenyi, ' katuka nyikawashi,' mba malenge jenyi akasunukine. ⁸ Mungelo wambile kuli yiye ngwenyi, (lijichike muya we ukase haku je. Mba walingile chocho. Mungelo Yamba kuli yiye ngwenyi, zala hina lye ungukaule. ⁹ Mba watuhukile wamukawile. Kakanyingikine ngwenyi chino chuma chamwenemwene, chize alinga mungelo. Alyoze washinginyekene ngwenyi usolwelo ngunamono. ¹⁰ Nyi muze te hapalika mukwakufunga mutangu nyi amuchali, ahetele ku chajilo cha wutale chize chatala ku limbo; chazulukile chene kuli ayo. Ayo atuhukile nyikupalika ndusu tapalo limuwika, nyi hazehene mungelo wamuhichikile. ¹¹ Muze Petulu halaula pundu, wambile ngwenyi, '' Halapwila ngunanyingika ngwami Zambi hatuma mungelo wenyi nyikungupulwila ku kwoko lya Helonde, nyi yeswe yize akwa Yuda apwile nyikufulyela. ¹² Muze te hanyingika chuma chino, wayile ku zuwo lya Maliya naye ya Yowanu , likwo Maku, muze anji akungulukile nyi kulemba. ¹³ Muze angongwelele ku pito, mwana pwo jina lyenyi Rhoda wayile nyikumutala. ¹⁴ Muze anyingikine liji lya Petulu, ha kuwahilila kakazulwileko pito; wanjilile fuji nyikwambula ngwenyi, '' Petulu kanamana kuchikolo. ¹⁵ Ambile kuli yiye ngwo, 'unazaluka'; alyoze walwezele ngwenyi chamwenemwene. O ambile ngwo, mungelo wenyi wamona. ¹⁶ Petulu wangongwele; ayo muze te hazulula, amumwene nyi kulishimwokena. ¹⁷ Yiye yalahula nyi kwoko lyenyi ahole, nyikwalweza chize Mwene wanguchiza mukamenga. Walwezele kwambulwila yino yuma kuli Tiyangu nyi mandumbu. Yiye wakatukile nyikuya kweka. ¹⁸ Cheswe kwachile, kwapwile choji chinene hakachi ka maswalale hakutwala kuli Petulu. ¹⁹ Helonde wamufupile mba kakamuwanyine, wasopesele tulayi wambile kwashiha. Yiye wakatukile ku Yundeya nyi kuya kuSesaleya, watwamine kuze. ²⁰ Achi, Helonde wavwile ufwatulo unji kuli A-Telu nyi A-Sedone. O ejile kuli yiye nyi mbunge yimuwika hakununa Mbeleshitu, kafufuchi ka mwanangana ka mwanangana, echile yiwanyino, mumu chifuchi cho kulya chakatukile kuchifuchi chize. ²¹ Hatangwa lyakutongola Helonde wazalile hina lya mukambo lya wanangana nyikutwama hachitwamo cha upatwilo nyi kuhanjika kuli ayo. ²² Atu ambile, ''ali liji lya tuzambi hilya mutuko!'' ²³ Hohene mungelo wa Zambi wamulambile mumu kakahele Zambi Uhenya; amulile kuli mavuno nyi kufwa. ^{24 25} Mba liji lya Zambi lyafumanyine. Mba muze Banabase nyi Saulu ahwishile milimo, ahilukile kukatuka ku Yelusalema yambata nyi Yowanu, likwo Marku.