¹ Avakeo nanomboka nagnanatra teo môron-dranomasigny koa Izy, avakeo nisy vahoaka maro nivôry nagnodidigny Azy. Nitsôfotro tao agnatin'ny lakagna zay teo an-dranomasigny Izy, avakeo nantotry tamin-jany. Ny vahoaka jiaby ndraiky nijanogno teo amôron-dranomasigny. ² Nagnampianatra zareo raha maro tamin'ny alalan'ny fagnohoaragna Izy, avakeo tao amin'ny fampianarany, dia zao no nikoragniny tamin-jareo. ³ Tandrignaiso, nisy mpamafy handaiha hamafy ambeo. ⁴ Ary raha namafy izy, dia nisy ambeo sanany nirabaraba tamin'ny lalagna, kay havy reo vôrogno aveo nihinagna zany. ⁵ Ny ambeo sanany nirabaraba tamin'ny tany feno vatovato, zay tsisy fotaka maro.Tonga dia naniry izy reo, satria tsy laligny ny fotaka nisy azy. ⁶ Izy koafa niboaka ny masoandro, dia nalazo zareo, avakeo satria tsisy vahany izy reo, kay maigny. ⁷ Ny ambeo sasany latsaka tamin'ny tany rakotro fatsiky. Avakeo niboaka nahay giaida reo fatsika ireo kay nampijaly azy, kay tsy magnaboaka taignany. ⁸ Ny ambeo sasany latsaka tamin'ny tany tsara kay namokatra taignany agnatiny izy mitômbo aveo nahay fôntry, avakeo ny sanany nisôsoko telopôlo ambon'ny lehy teo, ny sanany enimpôlo, avakeo ny sanany zato." ⁹ Aveo nivaolagna Izy hoe: "Zay misy sôfigny hindesigny mitandregny, izy tôkony hitandregny!" ¹⁰ Koafa nanaokagna Jesôsy, dia nagnontany azy mikasiky io ohatra io reo zay nariny Azy avakeo reo mpianany aroa ambinifôlo. ¹¹ Nivaolagna Izy tamin-jareo hoe: " Areo no namiako raha mivôny amin'ny fanjakan-Jagnahary. Fao ho an-jareo lehy akagny vailany agny dia ohatra aby, ¹² mbô amin'ny fotoagna hizahavan-jareo, ia hizaha zareo, kanaifa tsy hahita, avakeo mbô amin'ny fotoagna hitandrignesan-jareo, ia haharegny zareo, kanaifa tsy hahay zany, na koa himpôdy zareo kay hamindra fô amin-jareo Zagnahary." ¹³ Aveo nivaolagna izy tamin-jareo hoe: "Tsy azonareo moa zany fagnoharagna zany? Akôry zany mbô hahazahoanareo reo fagnoharagna hafa jiaby? ¹⁴ Lehy mpamboly lehy mamafy ny ambeo dia ny ôlogno araiky lehy mamafy ny teny. ¹⁵ Reto no lehy nirabaraba tamin'ny lalagna, lehy namafazagna ny teny, koafa regnin-jareo zany, dia tonga dia havy Masantôko avakeo hangalatra ny teny zay voapariaka tamin-jareo. ¹⁶ Reto lehy voafafy tamin'ny tany feno vatovato, lehy, koafa nangala ny teny, tonga dia nangala zany tamim-piravoravoagna. ¹⁷ Tsisy vahany akao amin-jareo, fao mahadigny fotoagna fohy faogna. Dia tonga ny fijaliagna na ny fagnindriagna nohon'ny teny, kay tonga dia lavo zareo. ¹⁸ Reo hafa lehy voafafa tamin'ny tany feno fatsika.Regnin-jareo ny koragna, ¹⁹ fao ny fisalasalan'ny tany jiaby, ny famitahan'ny fanagnagna, avakeo ny filàgna raha hafa dia tafitsôfotro kay manabataba ny teny, kay tsy mamoa vokatra zany. ²⁰ Avakeo lehy voafafy tamin'ny tany tsara dia reo lehy mitandregny ny koragna avakeo mangala zany, kay namoa vokatra zareo telopôlo, enimpôlo, na nitômbo zato ambonin'ny lehy nafafy." ²¹ Jesôsy nivaolagna tamin-jareo hoe: "Entinao akao antragno moa ny jiro mbô hatao ambany harogno, na ambanin'ny fandriagna? Indesinao miditry zany avakeo atanao ambonin'ny fantairan-jiro. ²² Fao tsisy raha mivôny kay tsy ho hay, avakeo tsisy tsiambaratelo zay tsy hiboaka. ²³ Raha misy manantsôfigny hindesigny mitandregny, izy tôkony hitandregny. ²⁴ Nivaolagna Izy tamin-jareo hoe: "Mitandraima amin'ny koragna lehy regninareo, fao arakaraka ny ohatra agnoharanareo faogna, no agnoharagna areo, avakeo hampiagna aminareo zany. ²⁵ Satria na zôvy na zôvy managna, dia hamiagna taigna fôntry izy, avakeo na zôvy na zôvy tsy managna, na lehy anagnany aby alagna aminazy." ²⁶ Avakeo nivaolagna koa Izy hoe: "Ny fanjakagnan-Jagnahary dia karaha ôlogno araiky magnapariaka ny ambeny amin'ny tany. ²⁷ Mandry izy amin'ny aligny avakeo monjogno amin'ny marandraigny, avakeo ny ambeo dia miboaka kay maniry, fao tsy hainy hoe manankôry. ²⁸ Ny tany dia mamoa amin'ny haigniny faogna: voalohany ny rantsany, avakeo ny tahaolany, avakeo ny taignany matoa akeo amin'ny tahaolany. ²⁹ avakeo koafa matoa ny taignany dia tonga dia izy hagnandaifa fandidiagna, fao afa laira ny fotoam-pandidiagna." ³⁰ Ary nivaolagna koa Izy hoe: "Ino moa raha azontsika ampitoviagna ny fanjakan-Jagnahary, na ino ny fagnoharagna hampiasaintsika hagnazavagna zany? ³¹ Zany dia karaha ny voatsinampy lehy, koafa hafafy, dia izy no ambeo farany hely amin'ny ambeo jiaby eto ambonin'ny tany. ³² Kanaifa, koafa voapariaka zany, dia miboaka avakeo manjary giaidagiaidan'ny kakazo jiabay, avakeo mamoa rantsagna giaida, kay hazon'ny vôrogno magnembagna hagnamboaragna ny tragnony akeo amin'ny naranarany." ³³ Ary fagnohoaragna fôntry karaha zany no nagnambarany ny vaolagna tamin-jareo, araka lehy fahazahoan-jareo azy, ³⁴ avakeo tsy nikoragna tamin-jareo koa tsy tamin'ny fagnoharagna Izy. Kanaifa koafa latsatôkagna Izy, dia nazavainy tamin'ny reo mpianany manaokagna ny raha jiaby. ³⁵ Tamin'ny zany andro zany, koafa tonga ny aligny, dia ninainagna Izy tamin-jareo hoe: Andaiha atsika hitsaka arô an-dafirô." ³⁶ Kay niala teo amin'ny reo vahoaka zareo, ninday Jesôsy niaraka tamin-jareo, koafa igny Izy, tao angatin'ny lakagna igny. Nisy lakagna hafa nandaiha niaraka taminy. ³⁷ Avakeo nanomboko nisy rivotro mafy aveo daroba nanafotro ny lakagna kay afa tsoko feno rano ny lakagna. ³⁸ Ary Jesôsy zeraiky nandry teo ambon'ny lakagna, tambon'ny ondagna. Ninjonin-jareo Izy, ninainagna hoe: "Mpagnanatra ô, tsy mampagnino Anao moa koa hofoaty aketo atsika?" ³⁹ Avakeo nonjogno Izy, dia ninainagna mafy tamin'ny rivotro, avakeo ninainagna tamin'ny ranomasigny hoe: "Mijanona! milamina! Aveo nijanogno ny rivotro, kay nisy filaminagna be. ⁴⁰ Avakeo nivaolagna Izy tamin-jareo hoe: "Nagnino moa areo matahotro? Mboala tsy managna finoagna foagna moa areo"? ⁴¹ Feno tahotro zareo kay nifampivaolagna hoe: "Zôvy moa tô, fao na dia ny rivotro ndraiky ranomasigny aby magneky Azy?"