¹ Koafa niala tao amin'ny kianjan'ny tempoly jesôsy, nivaolagna taminy araiky tamin'ny mpianatranazy hoe: "Oa mpagnanatra, zahavo hatsarany vato ndraiky hatsaragnan'ny fagnamboaragna!" ² Nivoalana izy taminazy hoe: "Hitanao moa rafitry gaida aby reto? Tsisy hambaila hifampitikigny zareo reo na dia araika aza kay tsy haravagna." ³ Koafa nantotry teo amin'ny an-tampontanetin'Oliva mifagnitsin'ny fiangonagna Izy, kay nagnontany Azy mangangigny Petera, Jakoba, Jaona avakeo Andrea hoe: ⁴ "Volagno aminay, afiriagna moa tonga zany raha jiaby zany? Avakeo ino raha tôkony hahaizagna izy koafa havy akeo raha zany?" ⁵ Aviteo Jesôsy nanomboko nivaolagna tamin-jareo hoe: "Mangalao honondraha areo mbo tsisy ôlogna afaka hamezigny lalagn'areo. ⁶ Satria fôntry ôlogno ho avy amin'ny agnaragnanaha avakeo hivôlagna hoe: "Zaho no izy" Aveo fôntry ôlogno voafandrikianazy. ⁷ Koafa maharegny ady ndraiky koragna maro mahakasika ady areo,dia aza misalasala; satria raha tsy maintsy hiboaka reo kanaifa mbaola tsy farandro ndraiky. ⁸ Fao hoisy firenena hitsangagna hagnakorontagna firenena, avakeo fanjakagna hitsangagna hiady fanjakagna. Aveo hoisy horohoron-tany amin'ny toeragna maro, salakady avy koa ny tihinagna. Zany no fiantomboahan'ny fitairahagna. ⁹ Mitandraima areo. Halaifan-jareo aminy Synedriona areo, aveo ho popohin-jareo akao amin'ny Synagoga. Hintsangagna alohaka mpanapaka sindraiky mpanjaka areo noho ny avy aminaha, mbô ho tomoa amin-jareo areo. ¹⁰ Fao vaovao maha-ravoravo tsy maintsy ambara magnairan-tany aloha. ¹¹ Koafa manambotro ndraiky magnandaifa areo zareo, aza ambory amin'ny raha tokony volagninareo. Fao amin'ny fotoagna igny, hamiagna areo aby raha jiaby tôkony volagninareo; tsy areo aby hivaolagna, fao Fagnahy Masigny. ¹² Ny rahalahy hagnamia rahalahiny ho vonogny, aveo baba hagmamia zanany. Zanaka hitsagna hamaly babany sindraiky nininy kay hahafaty zareo. ¹³ Tsy ho tian'ôlogno jiaby areo noho ny avy amin'ny agnaragnanaha. Fao na zôvy na zôvy ndraiky mahadigny bariky amin'ny farany,dia ho vonjegny zany ôlogno zany. ¹⁴ Fao raha hitanareo mitsangagna akeo amin'ny tsy tôkony hitsanganany ny fahavaitavaitagna fandravagna(tôkony handiniky lehy mamaky), avakeo ny ôlogno avy agny Jodia jiaby hilaifa agny an-tampontanety, ¹⁵ lehy akao an-tafon-tragno ndraiky tôkony tsy hirôrogno akao amin'ny tragno na hagnaboaka raha avy akao amin'izany, ¹⁶ avakeo lehy agnatiala tôkony tsy himpôdy hangala lambany. ¹⁷ Lozanareo vaiavy bikibo sindraiky mampinono amin-jany andro zany! ¹⁸ Mivavaha areo mbô tsy ho amin'ny rirignigny hiboahan'izany, ¹⁹ Fao hisy fijaliagna gaida, raha mbaola tsary nisy letry talôhaka tagny, koafa namôrogno raha jiaby Zagnahary, kay bariky amin-jeo, tsia, ary bariky dintany tsy hoisy eky zany. ²⁰ Izy koa tsy nagnahaignany tômpo edy andro zany, dia tsy hisy nôfotro ho voahavotro. Fao nohon'ny ôlom-boafidy, lehy nifidiny, dia nafoheziny isan'izany andro zany. ²¹ Izy koa misy ôlogno mivaolagna aminao hoe: "Zahavo, atô lehy kristy!" na koa hoe: "Zahavo, arôho Izy!" dia aza magneky zany. ²² Fao hisy Kristy sandoko sindraiky mpagnazary sandoko hiboaka, avakeo hagnambara famataragna sindraiky fahagagagna,mbô hamitahagna, na ôlom-boafidy aza, raha manjary. Mivognosa! Satria fao nambarako areo rango taloha ny ²³ fotognany reo raha jiaby reo. ²⁴ Naifa afaran'ny favoazagna reo andro reo, dia hahay mahizigny ny masôva, ny davôlagna tsy hagnamia hazavagna, ²⁵ aveo lakintagna hiraraka avy agny amin'ny lagnitry, aveo koa angôvo avy agny andagnitry hozonkozôgnigny. ²⁶ Kay ho hitan-jareo ny zanak'ôlogno avy agny amin'ny rôndro amin'ny angôvo giaida sidraiky voninahitry. ²⁷ Avakeo hagniraka ny anjely Izy kay hamôry miaraka amin'reo ôlogno voafidiny avy ankagny amin'ny vazan-tany aifatra, avy ankagny amin'ny faran'ny tany kay bariky akagny amin'ny faran'ny lagnitra. ²⁸ Mangalao lesogno avy amin'ny kakazon'aviavy. Koafa mivangôngogno aveo magnano raviny ny rantsany, dia hainareo fao marikitry ny lohatagno. ²⁹ Tôrotro zany koa, koafa hitanareo miboaka zany raha jiaby zany, dia hainareo fao afa marikitry Izy, magnatogno ny varavaragna. ³⁰ Volagniky aminareo, taigna marigny, tô taminga tô dia tsy ho lany ritry papiky hiboahan'izany raha jiaby zany. ³¹ Ho ravagna ny lagnitry sindraiky tany, fao ny vôlagnanaha ndraiky tsy mety ho ravagna bariky dintany. ³² Fao mahakasiky zany andro ndraiky fotoagna zany, dia tsisy ôlogno mahay, na reo anjely akagny andagnitry aby, na ny zanaka, fao baba ziaraiky faogna. ³³ Matandraima! mivognôsa, satria tsy hainareo ny fotoagna. (Fagnamarinagna: Reo fahaifagna talôha dia hoe: Alao honogno! Mivognôsa avakeo manompoa, satria...) ³⁴ Raha zany karaha lalahy araiky handaihy lavitry niala tragnoanazy kay zareo mpanompoanazy faogna nirahiny nikarakara tragnoanazy, samby amin'ny asanazy aby, avakeo nagniraka ny mpiambigny mbô tsy hoandry Izy. ³⁵ Kay mivognôsa, satria tsy hainareo aby na afirigna no ho avy tômpon-tragno; mety hoavy aligny izany, na sasak'aligny, na magneno akôho, na maraindraigny. ³⁶ Fao raha havy tampoko Izy, dia aza ambaila hahita areo mandry izy. ³⁷ Raha volagniko aminareo dia volagniko amin'ôlogno jiaby koa: Mivongosa!"